Diaclone DA-100 Robot Base Cloud Across 空中機動要塞 Unboxing

沒有展示變身為可站機械人，DA-100 加 DA-95 加 DA-99 加啲啲 DA-98。
原本就想買大鐵人18, 但一直見唔到, 見呢隻幾似樣, 就買嚟代替佢, 感覺仲型仲靚, 雖然佢無任何電視劇集或影片支持, 所以感覺點都欠捧, 但整體上佢既設計真係唔錯, 尤其佢啲扭動同變動, 感覺上 DA-95 既造型同變身比 DA-100 更正, 另一個買佢原因, 係先前玩開 1:64 模型車仔, Diaclone 既比例應該都係 1:60 到, 同啲車仔差唔多, 最主要係貪 DA-95 甲板上既跑道可以放車仔當係場景咁。幾鐘意 DA-95 同 DA-100 既配色, 尤其係大腿同手臂果種膠藍色, 仲有係另外類似呢種藍色既金屬藍色, Diaclone 好興又出另一隻轉晒啲配色, 但呢隻野紅同藍一吊轉就無咁靚, 所以初版始終會覺係最靚既色系配搭。
DA-95 變身做下肢感覺大比太幼唔係咁靚, 唔知之後會唔會又出配件將個大比整粗佢, 變身後我都替佢大比擔心, 小腿就太粗, 當然有六件補件為下肢做加固工程, 但卻影響左佢原有既活動性, 只鐘意如圖中好似高達雷射大炮既造型咁放, 因為塊甲板可以用嚟放下啲雜物。
如果以實戰角度睇, 呢隻野唔可以承受胸襲, 只要諗下悍戰太平洋時既畫面, 用呢隻野去打怪獸成村隊員都好危險, 好快瓜柴, 呢隻野最好就係用嚟渡假, 貪佢胸部同腹部位置兩個內籠夠寬敞舒適, 用嚟開 party 就最岩, 但呢隻野比到你既感覺係果種移動基地感最正。