Орон сууцны ипотекийн зээл танд хэрхэн очдог вэ?

Хөнгөлөлттэй хүүтэй ипотекийн зээлийн хөтөлбөрийн зээлийн санхүүжилтийн 80 хувийг Монголбанкнаас арилжааны банкнуудад шилжүүлнэ. Арилжааны банкнуудын санхүүжилтийн 20 хувийг нэмж ипотекийн зээлийг олгоно. Өмнө уг харьцаа 60:40 байсан. Орон сууц санхүүжилтийн компани банкнуудаас зээлийг багцлан худалдан авч, үнэт цаасжуулж, хөрөнгө оруулагч буюу Монголбанканд бонд гаргана. Ингэснээр Орон сууц санхүүжилтийн компани та бүхний зээлийн төлөлтийг цуглуулж бондын төлбөрийг Монголбанканд шилжүүлнэ. Энэхүү бондын төлбөр нь Монголбанкны дараагийн санхүүжилтийн эх үүсвэр болж дараа дараагийн иргэдэд зээл болон очдог юм.