Lozano i Dimitar Andonovski so PRVA BOZIKNA POKANA

На точно месец дена до најблескавиот период од годината, кога ќе славиме Бадник и Божик, Ви ја испраќаме ПРВАТА БОЖИКНА ПОКАНА. Ве молиме споделете ја со Вашето семејство и пријатели и помогнете ни да ја умножиме радоста што празниците ја носат.
Зошто ПРВАТА БОЖИКНА ПОКАНА доаѓа од домот на Влатко Лозановски, ќе ви открие самото видео...
Но, едно е сигурно, и оваа година, најпопуларните поп пејачи во Македонија ќе се обединат околу Божикната пештера и ќе подготват голема БОЖИКНА МАНИФЕСТАЦИЈА закажана за 6-ти Јануари 2019 (недела) во 11 часот на голема бина, на платото пред Црквата „Св.Димитриј“.
За неколку дена, тие влегуваат во студио за да возобноват уште една православна Божикна песна, со што ќе го збогатат репертоарот на празнични православни песни што ќе ги остават во наследство на генерациите што доаѓаат.
А „Вечниот Бог“- како Божикна песна што веќе сите деца ја знаат, останува главен музички симбол на манифестацијата.
Многубројните изненадувања што се подготвуваат за 6-ти Јануари и самата БОЖИКНА МАНИФЕСТАЦИЈА, ќе Ви ги откриваме дел по дел, во периодот што следи, со нови интересни видео пораки.
Однапред Ви БЛАГОДАРИМЕ!