imtiz Asir new song ,, gich gicha ashro kore

غیچہ غیچہ اشرو کوری لیئے اچی اسمان کیڑیر.
ݯھوم ہوسیے تقدیر اچی داۓ کوری غمان کیڑیر
سیم بینی ای دارتو دوم دارا تہ تعریفو کوم
غمو سوز و ساز باشور سما مہ سیمان کیڑ یر
کا ریران ۔۔۔۔۔۔۔۔۔۔ فلکو دور کافر بستی ھیہ
تان غمو قصان کہ کوم ہر ای مسلمان کیڑیر
غم خیشی عادت بدن خود بیتی ہانون اسور
درد دیتی خصمت کہ ہوے بس کوری جانان کیڑیر
مہ شونہ ہوسیک بہچار درد تتے درخواست کومان
مہ موخہ عیان کی ہوے لیے مہ شیرین ژان کیڑیر
مہ غیچی اشرو گیکو چھوم ہوسی ہای ہاے کوری
ماتے سست ہردیی رے خوئ کورا ہاسے تان کیڑیر
عاصی ہیہ دونیو دستور ای حالہ کا نو بہچور.
کا بیتی خفا خفا کا بیتی خوشان کیڑیر
پازا مہ ھردی ہاروش ہجرو شآ کوٹوا بی
کیچا کی لاہاز چیقو کوشکی دیتی نان کیڑیر
کورے ہوݰ عاصیو قدرو تہ پونگو چھوتی بیکو
ناگہ کی اوبریتام پاشیس تہ ملکو سلطان کیڑیر