МОНГОЛЫН АНХНЫ "ШУДАРГА ЖУРАМ" МЕДАЛЬТ, ГАЛ СӨНӨӨГЧ ЭМЭГТЭЙ Д.ЧУЛУУНХҮҮ

11 настай жаахан охин гурван хүүхдийг галын аюулаас аварч чин зориг, хүнлэг сэтгэлээрээ улсдаа гайхагдаж байсан энэ үйл явдал одоогоос 61 жилийн тэртээ болсон түүхтэй. Д.Чулуунхүү гуайн зориг, тэвчээр, хүнлэг сэтгэл Монгол улсад "Шударга журам" хэмээх медалийг бий болгож анхных нь эзэн болсон байдаг. Хүний амь аварсан энэ үйл явдал хожим нь түүнийг гал унтраах байгууллагатай бат холбосон нь хувь тавилан гэлтэй.
Д.Чулуунхүү гуайн галаас аварсан гурван хүүхдийн хамгийн том нь болох Б.Лхагва хэдийнэ 60 насны босгыг давжээ. Амьдрал бэлэглэсэн ачтан Д.Чулуунхүү гуайг тэрээр “Залуу ээж” хэмээн хүндэтгэн дууддаг. Хүнд тустай, хөдөлмөрч, зөв хүн болж хүмүүжихэд “залуу ээж”-ийн захиас их бий гэдгийг тэрээр онцолж байв.
Чин зориг, хүнлэг сэтгэлийн илэрхийлэл болсон энгүй түүхийн эзэд “5 minutes” нэвтрүүлгийн гол баатрууд боллоо.