Riku Lätti - Kom Saam Met My (met die MarkTunes Band)

Riku Lätti - Kom Saam Met My
met die MarkTunes Band
Hulle sal sê jy’t geheime
Hulle sal sê jy’s gewond
Hulle sal praat oor hoe stukkend jy was
Dat jou mond hang op die grond
Hulle verkondig jou sondes
Hulle verlustig jou leed
Maar wat hulle so gretig vergeet
Om te lewe moet jy eet
Kom saam met my hier verby
Ons kan ons eie stories skryf
Kom ons raak oud in ons eie woud
Ek vra jou kom saam met my
Mense kyk neer as jy struikel
Want kyk daar lê ‘n mens op die grond
Ek wil daar wees as jy opstaan
Ek wil sien hoe word jy gesond
Ek het al baie paaie gestap
Ek het die wêreld gesien
En deur die venster agter jou oë
Het ek jou daar opgespoor
Daar’s niks meer oor om te sê nie
Daar is niks om voor te vra nie
Niks anders wat ek wil hê nie
Jy kan dit alles maar laat staan
Die somer gee wat in die winter vergaan
Die seisoene gaan altyd aan
En tussen alles moet ons ook bestaan
Kom ons doen dit alles saam
Hulle verklap jou geheime
Hulle laat jou sondes leef
Maar die vraag wat jy jouself moet vra
Is dit vir hulle wat jy leef?

[@martyholderness9208]

Dankie Gideon vir die share! Dis beautiful en so trots op jou. Love you ❤️ dankie Riku Lätti - hierdie song pluk aan my hartsnare 🤗

Dankie Gideon, jy maak die mooiste videos: met die minste maak jy wragtag die meeste

[@juliatruter3860]

pragtig ...