S.H.Figuarts SHF Dragon Ball Z Son Goku Super Saiyan 3 龍珠Z 孫悟空 超級撒雅人三 日版 Unboxing

呢隻頭髮近乎完美, 好靚, 又係放左好耐既一盒, 就係好鐘意佢頭髮既顏色, 本人好著重啲顏色同顏色之間既配搭, 無返咁上下靚都唔會買, 唔會亂咁買, 一定係精挑細選自己覺得滿意先買, 身邊有幾個玩具網友, 成日都會send 好多玩具資訊過嚟, 但又真係可能十隻裏面先有一隻係自己鐘意既, 因為買親玩具都好挑既, 唔靚買嚟做咩呀, 因為所有玩具我都會拆開晒 display, 唔會放係盒內唔拆跟住轉售他人, 拆左既玩具價值就會下跌因變左二手, 再賣出去都無咩意思。
其實SHF 咁多唔同係列既 figures, 我覺得龍珠 figures 既塗裝係最易做既, 因為顏色簡單, 而我愛變身超級撒雅人時既金色頭髮, 所以我大多只會揀金色頭髮既先會買, 所以睇QC時亦只會著重頭髮既金色同佢既反光度, 而鐘意放係自然光下望, 因為自然光係最自然, 呢隻係自然光下啲金髮色真係超靚, 簡直似係芒果黃, 個人好色無法。而最難做既塗裝我覺得係檬面超人, 啲顏色係要落得好精準係啲細緻位到既, 尤其條超人腰帶通常造功好精緻。
同場加載悟空超一, 超二, 父子波悟空靈魂及爆肌悟空。