Feigum Mølle
Вставка
- Опубліковано 23 лис 2022
- ⬇️ Video kapittel nederst i beskrivelsen ⬇️
I Luster kommune som for store delar av landet vårt har me tradisjon for å ta vare
på og verna om viktige kulturminne. Kvifor gjer me det?
Denne filmen, med tittelen Feigum mølle, er tileigna kulturminnevernet.
Dei aller fleste kulturminna er i privat eige, og både motivasjonen og viljen til å
engasjere seg i eit aktivt vern vil variere. Det som svært ofte vil vera spennande for
både eigaren og framtida sine brukarar av kulturminna er formidlinga av historia og
den aktiviteten som var direkte knytt til kulturminnet.
I denne filmen om Feigum mølle får du også meir kunnskap om dei ungdomane som
søkte til «profetskulen» i «Feigao». Først og fremst for å bli læresveinar for møllaren
Hans Feigum som var inspirert av den religiøse vekkinga til industri- gründeren
Hans Nielsen Hauge. Denne rørsla som fekk namnet «Feigianismen» hadde aktivitet
langt utover Luster og Sogn, men døydde ut etter Hans Feigum sin død i 1874.
Eigaren av denne mølla, Kjell Feigum forklarar kva som for han har vore viktig i
planlegginga, søknadsprosessen og tilskot til arbeidet, - men også om erfaringar han
har gjort seg undervegs i restaureringsarbeidet.
Lokalisert langs den «romantiske vegen» mellom Skjolden og Kinserdal, er Feigum
mølle «som plommen i egget» - eit kulturminne i ein storslegen natur. Dette
aktualiserar spørsmålet me også stiller: korleis kan eit kulturminne få rolla som ein
attraksjon for eit breidare publikum?
Kulturminnevern er også politikk. Politiske mål og visjonar kjem som oftast til
uttrykk i offentlege planar. Men like viktig er rettleiing og prosjektutvikling i eit
samarbeid mellom det offentlege og private aktørar. For Luster kommune er
Kommunedelplan for kulturminne og kultur-miljø eit overordna styringsdokument
som også prioriterer satsings-områda framover. Ein plan skal leggja grunnlaget for
bruk og forvalting av kulturminne som verdiskapar. Dette inneber at forvaltning av
kulturminne skal knytast til ein bevarings- og utviklingsstrategi - eit framtids-
perspektiv.
Fundamentalt er eit kulturminne som kjelde til kunnskap - det å utvikle og spreie
kunnskap om kulturarven som ressurs. Kommunen vil formidla kunnskapen om
kulturarven i Luster kommune gjennom fokus på identitet, særpreg ved staden,
symbolbruk, omdøme og attraktivitet. Kunnskap skal vera grunnlaget for å sikra
verdifulle kulturminne for framtida. Kunnskap om den lokale kulturhistoria og
kulturminna må formidlast til alle - men med prioritet på barn og ungdom. Me skal
og styrka kunnskapen og formidlinga om mangfaldet og særtrekka ved
kulturhistoria og kulturminna i Luster.
--------------------------------------------------------------------
0:15 Innleiing med Ivar Kvalen - ordførar i Luster
- Kva er ei mølle? -
1:44 Funksjon og kraft
2:21 Starten på ein lokal industriproduksjon
3:15 Samlingsplass for religiøst engasjerte
- Lokalisering - Naturressursen -
3:40 Den romantiske vegen - Urnes, Kroken, Feigum, Sørheim, Skjolden
5:59 «Feigr» - enden er nær
6:53 Fjorden som trafikkåre
- Gründerverksemda og «profet-skulen» -
7:53 Hans Nielsen Hauge og Hans Feigum
8:27 Feigianismen - kva kjenneteiknar den?
8:58 Profet-skulen
10:12 «…som når du sleppe ei kvedn laus»
- Bygningsvern, Kjell Feigum -
10:27 Kulturelle verdiar
11:32 Forprosjekt
13:46 Delprosjekt
14:03 Kostnadsoverslag
14:18 Tidsfristar
15:11 Samspelet med kommunen
15:29 Finansiering
16:29 Det å skrive søknader
17:32 Dokumentasjonar
19:18 Aksept i nærmiljøet
- Feigianismen -
20:08 Andre kulturelle verdiar
20:35 Aktiv møteplass
- Attraksjonsverdien i og ved Feigum -
21:09 Tilkomst frå fjorden, via Fv 5637 samt naturkvaliteten
- Kulturminne i eit framtidsperspektiv -
21:37 Formidle kunskap om staden, identiteten til oss som bur her samt symbolbruk, omdøme og attraktivitet
Litt av en vei utover der !