❤️ من يوميها ❤️ علي مهدي ❤️ منير مراد ❤️ ورده ❤️
Вставка
- Опубліковано 8 вер 2024
- من يوميها
كلمات : علي مهدي
ألحان : منير مراد
غناء : وردة
من يوميها و قلبي عندك
من يوميها
من يوميها و ذكرياتك عايشها بيها
من يوميها
ذكريات حب الطفولة
البريئة .. الرقيقة .. الجميلة
عايشة بيها من يوميها
الحياة الحلوة و احنا صغيرين
اللي كانت لحظة من عمر السنين
عندى أجمل صورة ليها
من يوميها و عايشة بيها
مهما تبعدها الليالي
برده ايامها فى خيال
حاحكيهلك يا حبيبي
و افتكرها و شوفني فيها
ذكريات حب الطفولة
البريئة .. الرقيقة .. الجميلة
عايشة بيها من يوميها
كنا بنخرج من الصبحية
للعصرية وم البيت نهرب
فوق الخضرة و جنب الميه
ع الزراعية نجري ونلعب
ويا الشمس بنمشي ساعات
تحت الضل نقول حكايات
و اما الوقت يمر علينا ن
رجع نجري على اهالينا
و هدومنا الجديدة ماليها التراب
و قلوبنا السعيدة ناسيها العذاب
ذكريات حب الطفولة
البريئة .. الرقيقة .. الجميلة
عايشة بيها من يوميها
الحياة الحلوة ديا
بسأل روحي راحت فين .. راحت فين
و القى طيفك بين عينيا
كل ما عيني تشوف طفلين
الحياة دي نفسي فيها و بحياتي اشتريها
شوقى بيقربني ليها روحي بتهفهف عليها
ذكريات حب الطفولة
البريئة .. الرقيقة .. الجميلة
عايشة بيها من يوميها
كلمات: علي مهدي
الحان: منير مراد
رحم الله الشاعر الجميل على مهدى والملحن المبدع منير مراد والصوت الجميل وردة
الللللله على جمال الأغنيه ياعدول .. من لحن لكلمات لغناء.. وطبعا توجتهم جميعا بتحليلك العبقري الرائع💕💕💕💕💕💕💕💕💕💕
ده بس علشان انتي فنانة وبتقدري الفن الجميل 😻😻😻
بصراحة الست وردة مبدعة لكل انواع الغناء
انا بحس ان الاغنيه دي كل طفولتنا فيها وشرح حضرتك اكثر من رائع والشاعر ده نادره الاحاسيس بالكلمات اغانيها مع كل المطربين غايه في الجمال بصمه مميزه ونادره رحمه الله
الله ينور عليك
كنا بنمشي من الصبحية للعصرية من البيت نهرب 😊فوق الخضره و جمب المايه و على الزراعيه نجرب و نلعب ❤😅 تجننننننن حفظتها
برافو عليكي ياملهمتي❤
ماشاء الله عليك
اختيارات موفقة جداً 👌
تقديم رائع و تحليل قيم .. تحياتى
فكرني ب غواص في بحر النغم ل عمار الشريعي ❤❤❤
من أغاني ورة الجميلة والجديد اني اعرف ان الملحن منير مراد .. ملحن عبقري
كان عبقري بكل المقاييس.. مرحبا بك في القناة جمال بك ❤️
ومن كلمات علي مهدي اغنيه ثلاث اخوه من دير يا سين عن فلسطين من لحن عبد العظيم محمد ١٩٦٣
جميلة بس حزينة قوي .. وانا بااحاول انشر أغاني مبهجة .. والف شكر لحضرتك
حضور عالى ، وتقديم جميل ، ورؤيه عميفة ..........والكاميرا بتحبك وأصحابك كمان . ربنا يسعدك يا صاحبى 🌷🌼🌻🌺🌹
حبيبي يادرش .. يارب مااتحرمش منك ❤
ايه الحلاوة دي اغنية جميلة
دي حلاوتك ياست ماجي❤
الله الله على اختياراتك ياحبيبى وجمال سردك لأحداث الأغنية بارك الله فيك ياعادل ياجميل 🥰
حبيبتي يابسبس مااتحرمش منك ❤
صباح الجمال والتذوق الفنى الراقى،
والله انا محتارة وببقى مش لاقية كلام يعبر عن مدى استمتاعى بتقديم حضرتك وكم المعلومات اللى اعترف بأمانة مكنتش اعرفها..
طول عمرى بسمع الأغانى بدون معرفة المؤلف ولا الملحن الا فيما ندر.. اهم حاجة عندى بتبقى اللحن والشجن اللى فيه، فلما بسمع تقديم حضرتك. بتنمينى ثقافيا وبتكمل صورة الغنوة.
ربنا يزيدك من علمه وتفضل تمتعنا وتسعدنا بأحلى الإختيارات.
ده جمال طلاتك المميزة ياست الكل❤
تحليل جميل أحسنت يا أستاذ
فضلة خيرك ياأستاذ ياكبير ❤
أنت الفنان الكبير
روعة تحليل حضرتك
اشكرك نانسي هانم ❤
❤❤❤❤🇪🇬
استاذ علي مهدي كتب اغنية لليلى مراد من الحان سيد مكاوي اسمها يا مين يقولك من ابدع ما يكون كلمات ولحن وغنا ومن اجمل ما غنت عموما..اتمنى حضرتك تسمعها وتكلمنا عنها
غنوة رائعة ومختلفة بالنسبة لسيد مكاوي .. يارب اقدر اقدمها .. واضح ان حضرتك سميع من الطراز العالي .. شرفت قناتي المتواضعة ❤
@@user-ty1tx5bg6d ربنا يخليك..بنتعلم من السميعة الجمال اللي زي حضرتك ♥️
اغنيه ثلاث أخوة من دير يا سين عن فلسطين من لحن عبد العظيم محمد وغناء وردة
وشكرا استاذ
لا تتصور مدى سعادتى، بهذه النافذة التى تعد اضافة نوعية للثقافة الغنائية؛ كلمات ولحن وأداء.. تحليلك جميل، واخنياراتك اجمل.. اتمنى ان تصل هذه النافذة الى كل من يعشق الطرب الاصيل.. دمت ودام دأبك العزيز المبدع عادل.. حقيقى شئ مثير للسعادة والتأمل
@@fatenmohamedali نورتي قناتي المتواضعة ياتونه .. ربنا مايحرمنيش من طلاتك الجميلة 🎉
شرفتني يااستاذ عاطف❤