Soruşsalar sən kimsən?

De, səmalardan enənəm,
Tanrının əsəri və nəfəsiyəm!
Keçmişimin bəhrəsiyəm.
Günahların nəticəsi,
Doğruların vəsiləsi,
Mən, Adəmin nəvəsiyəm!
Soruşsalar sən kimsən?
De, məhəbbətdən yaranan,
Sevincəm və kədərəm!
Sevgiyəm və nifrətəm.
Əsrlərin sınağı, zamanın şahidiyəm.
İnsanlığın səsiyəm, keçmişin rəsmiyəm.
Mən, Adəmin nəvəsiyəm!
Soruşsalar sən kimsən?
De, çırpınan ürəyəm, yaşadan nəfəsəm.
Gecənin ulduzu, səhərin günəşiyəm.
Baharın gülüşü, payızın kədəriyəm.
Küləklərdə pıçıltı, dalğalarda nəğməyəm.
Dağların zirvəsində batan günəşəm.
Mən, Adəmin nəvəsiyəm!
Soruşsalar sən kimsən?
De, yaşanmış hər anın xatirəsiyəm.
İşığam, işıqdan ayrılan qaranlığam.
Sükutda var olan, səsdə sədayam.
Cisimdəki ruhu qonaq edənəm.
Mən qonağam, kainat evim.
Zamanın tələsində dönüb dolaşan,
Mən, Adəmin nəvəsiyəm!
Mən, Adəmin nəvəsiyəm!
Mən, Adəmin nəvəsiyəm!

[@Musabeyli]

Mən onun üçün dəniz, o da mənim üçün günəşdir ❤❤

[@Music4MMM]

Yeni mahnı gəlsin o zaman. Mən səhərəm , sən günəşim. ...

[@fatimlirzayeva5726]

Onun üçün heç kiməm

[@Music4MMM]

8 milyardın içində əlbət kimin üçünsə bir dünyasan