Alalá nº 207 "Pandereteiras de Muíño" (Zas) - TVG

Alalá nº 207 "Pandereteiras de Muíño" (Zas) - TVG
Emisión en Televisión de Galicia: 18/8/2013
Lugar de Gravación: Zas
alala.crtvg.es
A parroquia de Muíño, en Zas, é outra das capitais no mapa do tesouro da música tradicional galega. Terra de labradores na que seguen traballando o campo como facían antes, pero coa parcelaria feita desde o setenta e coa impagable axuda dos tractores. Hai máis de vinte anos que comezaron a pasar por aquí mozos interesados en recoller os interminables saberes das pandeireteiras de Muíño. Dos seus toques, dos centos de cantares e dos bailes que lembran daquelas ruadas de xuventude. Por iso hoxe grupos de toda Galicia reproducen o seu repertorio.
Quen queira saber qué se tocaba nun daqueles bailes non pode ter mellores mestras. Mulleres cheas de enerxía a pesar dos anos e dos traballos, capaces de estar cantando todo un día coplas diferentes e con voces marabillosas. Grazas a elas pódense escoitar os mesmos sons que hai cincuenta anos enchían esta paisaxe de aldeas e praderías a todas horas, na festa e no traballo. E aprender cómo se bailaban en cada ruada a punteada, a jota, o valse, a rumba, o chiquichiqui e a dansa. Ou algo tan difícil de ver hoxe como a Muiñeira Vella.

[@iaz8611]

Minha mãe é do sertão nordeste brasileiro, ela diz que essa dança é o samba trocado, que ela dançava na infância.

[@cachabello6842]

Ésto e moita alegría 👏👏👏

[@user-rw3kv8bz8p]

Pandereteiras de muiño