دليل البوصلة || كلمات عمر علي السجيان || اداء شبل الدواسر

(( دليل البوصله ))
----------
افراح النازل
شيلة بمناسبة حفل زفاف
محمد فهاد النازل & ناصر فهاد النازل
----------
سرا ليل الطواري و القمر باين عليه خسوف
وصحصح هاجس(ن) شاف الليال الغيهبانيه
ليا من شدت الليله تضاعف معه مد الشوف
و لا لي حيلة(ن) باللي تضج تقول جنيه
تقول ابا اتغذا من قصيدك والشعر ملهوف
مضى عامين والساحه تبي هيبه و شخصيه
و شفت الوضع محتاج لوجود الشاعر المعروف
ليا من دق هاجوسه تدَق ( طبول حربيه )
لا شفت السيل جارف .. ماتشوف ان الجبل مجروف
ولا شفت الوبل طايح .. ماتشوف الغيم تحتيه
انا اعرف منهو اللي بالمراجل ماخذ(ن) له OFF
و انا اعرف منهو اللي بالمراجل سمعته حيه
لو اعطي وقتي الساحه احوف الشاعريه حوف
و اخلي واقع المضهود في صوره خياليه
عذوب الفكر بالهاجوس ديوان(ن) ملاه ضيوف
كما حفل ( النوازل ) بالضيوف و بالطراقيه
الا يا مرحبا والعود الازرق بالهلا مردوف
و تفوح الدله اللي حابكه فنجال بريه
على محفل بسم فهاد عاصي راعي المعروف
بحور الشعر من طاريه في حاله جنونيه
على كثر العزايم حايلك .. قال : العشا محفوف
و هو عيد الضحيه عنده ( بوسط الدوانيه )
الا يا فخر ذرعان المعزه بالكرم موصوف
فعول الطيب بالذرعان له بصمه وراثيه
( نوازل ) لا تهجى الاسم زاد الفخر فخر حروف
حروفه الاربعه ماهي بالحروف الهجائيه
لا قيل ( النون : نخوة ) والنخاوي عازف و معزوف
و ( ألف : بأكرم ) بمن جاؤوا على الكوره الارضيه
وحرف ( الزاي : بزحول ) الرجال و واقفين صفوف
وحرف ( اللام : لذه ) للمواقيف المصيريه
الا يالنازل عظام المواقف قدمكم غضروف
" ظفير العز " للامجاد خياله و رجليه
----------
ياسلام الله على اللي غيمته وهطوله
ربعت قاع البسيطه وانعشت بأجوائي
الخوي اللي تنومس كلمته وفعوله
زايل همومي و زايل ضيقتي و اعبائي
طيب و وافي لا جات المشكله محلوله
انتحاري في لزوم الطيبه و افدائي
لا نصيته جاتك الحاجه وهي مدبوله
ما تقول الا حفيد البرمكي و الطائي
----------
يا ليل يا ليل السعد والجو زان
من بعد غيبه جايب(ن) لي قنبله
رد الجمايل حان وقت الحفل حان
حفلة كريمين النبا و المنزله
اصحابي الوافين ذربين اليمان
من بعدهم طيب العطايا ممحله
محمد محمد و يا طيب المجان
لو الزمن شاربه قدمه يفتله
من طيب راسه عالي(ن) من كل شان
من قولة : ازهلني و هات المشكله
اترك فلان و خل عنك ابن فلان
ازهم محمد بالصعيبه و ازهله
في دلة(ن) صفرا و زاد الزعفران
يا حي مدهاله و يا طيب اعمله
في خوة اهل العز والمعروف صان
و لاهل الردى درع(ن) حصين ينكله
عذب السجايا هد للصيد السمان
تقول مدمن في " تعاطي المرجله "
و اليا طريت الخوه و آن الأوان
ما ينلحق بالطيب ( راع الاوله )
ناصر مع الميقاف والطيب معان
عشيري اللي كل صعب يسهله
تسمع صدى صوت الكرم في كل مكان
في حفلته حفلي و حفلي محفله
حي الرفيق اليا غدت عشري ثمان
أسدى لي الماء دون كاس الحنظله
شاعر مع الشعار يملك صولجان
على القصايد نور ليله مسدله
تسيد الساحه و للقمه حصان
منومس(ن) حاف القصايد واجزله
يدور عصر اوقاتنا و حنا خوان
ثابت ثبات الشيخ عند البسمله
و اليا حداك الوقت .. خل البرلمان
الموقف الغصاب " ناصر يدهله "
عند الاصايل فارس(ن) شد العنان
رجل المراحل ماهو رجل المرحله
يا مهندسين الطيب يا فخر شعطان
محمد و ناصر " دليل البوصله "
خوالهم بالمعضله صك الضمان
اليا اعتزا " بخيتان " حل المعضله
هذا و انا شاعر و لي كسب ورهان
حبكتها من فرحها مستعجله
وشلون ما افخر والطناخه من زمان
و " طماح " ربعي للعكايف معدله
ليصلك جديد الشيلات اشترك بالقناة
--------------------------------------
انضم لجولدن ميديا تيكتوك Tiktok
shorturl.at/38Tps
استوديو جولدن ميديا
قناه مختصه بنشر الشيلات
رابط الاشتراك بالقناة
قناة جولدن ميديا الرسمية
bit.ly/2WiaWea
حساب سناب شات
/ goldenme. .
--------------------------------------
لطلبات تسجيل الشيلات وحجز الاستوديو
whatsapp | واتس آب ►
0096594032322
--------------------------------------
#استديوجلدانميديا #اكسبلور #جديد #شيلات_خليجية #شيلات #شيلات_فهد_العيباني #تيك_توك #شيله #شيلة #شيلات_بلاسماء #شيلات_مواليد #شيلات_عريس_مدح #الكويت_السعوديه_قطر_الأمارات_البحرين #جولدن_ميديا_القناه_الرسميه #منشدين_الكويت
#تصميمي #شيلات_حماسيه #شيلات_حزينه #شيلات_حصري

[@عمرالقطما]

صح لسانك يالسمي ولا غريب الابداع عليك ويستاهلون محمد وناصر 💐

[@MogaAlf]

عمانهم النوازل وخوالهم البخيتان جامعين من العزين كل علم زين وولد طماح العز منك وفيك أبدعت👍

[@_b35]

والله ومليون ونعم بالنازل الكرام
وصح الله لسانك يابو علي من كريم لمستحقين ونسأل الله التوفيق للمعرسين الله يبني بيتهم

[@arifzfeery9636]

والله ونعم ، النازل
صدور طيبه واهل فزعه
نفخر فيهم عيال العم

[@DrOmaralsuwait]

صح لسانك يا السمي دائماً معودنا على الإبداع، ويستاهلون أخواني الغاليين وعسى ربي يبارك لهم ❤️

[@ناصرالشمري-ج6ن]

ابدااااع يابو علي صح الله لسانك ولا هو غريب عليك الابداع ويستاهلون الغالين محمد وناصر ❤️❤️

[@Faisal.alsuwait]

صح لسانك يابو علي من كريم ل مستحقين و غير مستغرب الابداع يامبدع 👏🏻👏🏻👏🏻

[@سندالظفيري-ش6غ]

هاذااا والله الابداااع 👏🏻

[@Masud.Rana.Jisan.]

This is so beautiful ❣️❣️❣️❣️❣️
god bless you both ❣️❣️❣️❣️❣️
Ahmed★

[@استديوليفا]

ابداع والنعم فيك ❤❤❤❤❤

[@omar76xx]

🔥