Report TV - Ndjekje si në filma! Shoferi me 'ML' i ikën policisë së Elbasanit por kapet

Një ndjekje si nëpër filma është shënuar në Elbasan, ku një shofer që drejtonte një automjet tip 'Benz ML', ka bërë parakalim të gabuar dhe nuk i është bindur urdhrave të policisë.
Edhe pse policia i ka bërë shenjë që të ndalojë, shoferi ka ikur me shpejtësi. Në këtë mënyrë policia është vënë në ndjekje të tij dhe e ka ndaluar pas disa kilometrash.
Fatmirësisht nga ky incident nuk u shënua asnjë dëm edhe pse rrezikshmëria e ndjekjes ishte shumë e lartë. Pas ndalimit, policia ka bërë heqjen e patentës së këtij shoferi si dhe veprimet e tjera proceduriale për mos bindjen e tij ndaj urdhrit të policisë.
Ditën e sotme në Elbasan po kryhet një operacion nga policia pas aksidentit të djeshëm që la pas 4 viktima.