မြန်မာမုန့် ခရီးစဉ် (၂) - အပိုင်း (၃)
Вставка
- Опубліковано 8 вер 2024
- မြန်မာမုန့် ခရီးစဉ် (၂) အစီအစဉ်ရဲ့ အပိုင်း (၃) မှာ အလှည့်ကျလာတာကတော့ မိသားစု ပျော်ပျော်ပါးပါးနဲ့ လုပ်စားနိုင်မယ့် သရေစာ မြန်မာမုန့်တစ်မျိုးဖြစ်တဲ့ ခေါက်မုန့်လုပ်နည်း ၂ မျိုးကို တင်ဆက်ပေးမှာ ဖြစ်ပါတယ်။ ခေါက်မုန့်ကို ကလေးရော၊ လူကြီးပါ တော်တော်များများ ကြိုက်နှစ်သက်ကြပြီး ပုံစံအမျိုးမျိုးနဲ့လည်း လုပ်စားကြပါတယ်။ ခေါက်မုန့်လေးတွေက ပူပူနွေးနွေးလေးစားရင် အရမ်းကို စားကောင်းပြီး နေ့လယ်ခင်း အဆာပြေစာအဖြစ် ရေနွေးကြမ်း၊ လက်ဖက်ရည်၊ ကော်ဖီတို့နဲ့ တွဲဖက်သုံးဆောင်ရင်လည်း အင်မတန်လိုက်ဖက်ပြီး စားကောင်းပါတယ်။ ဒါကြောင့် ဒီအစီအစဉ်လေးမှာတော့ ပုံစံအမျိုးမျိုးနဲ့ လုပ်စားကြတဲ့ထဲကမှ ကလေးတွေအတွက် ထန်းလျက်ရည်ခေါက်မုန့်အချိုနဲ့ လူကြီးတွေအကြိုက် အဆာပလာအစုံငရုတ်သီးစပ်စပ်ကီးမားလုပ်နည်းတို့ကို သွားရောက်လေ့လာခဲ့ပုံများနဲ့ အိမ်မှာ အလွယ်တကူလုပ်စားနိုင်အောင် ဘယ်လိုပြန်လည်လုပ်ပြပေးထားလဲဆိုတာလေးကို ကြည့်လိုက်ကြရအောင်နော်။
ခေါက်မုန့်
ပါဝင်ပစ္စည်းများ
ဆန် - နို့ဆီဘူး ၂ ဘူး
ကုလားပဲ - စားပွဲဇွန်း ၂ ဇွန်း
ရေ - အနည်းငယ် (မုန့်နှစ်ပေါ်မူတည်ပြီး အပျစ်အကျဲချိန်ပြီး လိုသလောက်ထည့်ပါ)
ထန်းလျက်ရည် - စားပွဲဇွန်း ၂ ဇွန်း (မုန့်တစ်ခုစာ)
အုန်းသီးဖတ်(ခြစ်ပြီးသား) - ၂၀ ဂရမ် (မုန့်တစ်ခုစာ)
ခေါက်မုန့် ပြုလုပ်ရန်
ဆန်နဲ့ကုလားပဲကို ရေဆေးသန့်စင်ပြီး တစ်ညရေစိပ်ထားပါ။ ပြီးလျှင် ကြိတ်စက်ဖြင့် ကြိတ်ပါ။ မုန့်နှစ် အပျစ်အကျဲကြည့်ပြီး ရေလိုသလောက်ထည့်ပါ။ (အရမ်းလည်းမပျစ်၊အရမ်းလည်းမကျဲရပါ)။
မုန့်လုပ်ရန် ဒယ်ပြားကို အပူပေးပြီး ဆီအနည်းငယ်သုတ်ပါ။ ပြီးလျှင် ကိုယ်လိုချင်တဲ့ မုန့်အနှစ်အထားအတိုင်း မုန့်နှစ်ရည်ကို ထည့်ပြီး အဝိုင်းပုံစံ ဝိုင်းပေးပါ။ ပြီးလျှင် ထန်းလျက်ရည်ကိုလည်း အဝိုင်းပုံစံလေး ဖြန့်ထည့်ပေးပါ။ ပြီးလျှင် အုန်းသီးဖတ်လေးများ ဖြူးထည့်ပါ။ ပြီးလျှင် မုန့်သားကျက်လာပြီဆို မုန့်ကို နှစ်ခေါက် ခေါက်ပြီး ပန်းကန်ထဲ ထည့်ပါ။
ကီးမား
ပါဝင်ပစ္စည်းများ
ဆူးပုတ်ရွက်
ပဲပင်ပေါက်
ခရမ်းချဉ်သီး
ဂေါ်ဖီ
စားတော်ပဲပြုတ်
ငရုတ်သီးစိမ်း
ဆား
မဆလာ
ကီးမားထဲ အသုံးပြုမည့် အဆာပလာများကို မိမိစိတ်ကြိုက် ထည့်နိုင်ပါသည်။
မုန့်နှစ် - စားပွဲဇွန်း ၃ ဇွန်း (မုန့်တစ်ခုစာ)
ဆီ - အနည်းငယ်
ကီးမားပြုလုပ်ရန် အသုံးပြုမည့် မုန့်တစ်ခုစာအတွက် အဆာပလာများကို ပန်းကန်လုံးတစ်လုံးထဲ ထည့်ပြီး ရောနယ်ထားပါ။ ပြီးလျှင် အပူပေးထားတဲ့ မုန့်လုပ်မည့် ဒယ်ပြားပေါ်ကို မုန့်နှစ်ရည်ထည့်ပြီး ဇွန်းနဲ့ အဝိုင်းပုံစံ ဝိုင်းပေးပါ။ ပြီးလျှင် အပေါ်မှ ဆီအနည်းငယ်ဖြန်းပေးပါ။ ပြီးလျှင် ရောနယ်ထားတဲ့ အဆာပလာများကို ဖြန့်ထည့်ပါ။ ဆီအနည်းငယ် ထပ်ဖြန်းပါ။ ပြီးလျှင် အိုးအဖုံးလေးနဲ့ ခနဖုံးထားပါ။ မုန့်ကျက်လာပြီဆိုလျှင် အလယ်ကို ခေါက်ပြီး ပန်းကန်ထဲ ထည့်ပါ။
#Taste_Window_Food_Magazine
#Half_Potato_Food_Television
#MAMA
#InstantNoodles
#TinTinOo
#ခေါက်မုန့်
#မြန်မာမုန့်ခရီးစဉ်(၂)
#မုန့်လုပ်နည်းများ
🎉🎉🎉🎉🎉
ငှက်ပျောဖက်
ကြာရွက်
ဗုဒ္ဓံသရဏံရွက်
ဗံဒါရွက်လေးတွေကို သတင်းစာအစား သုံးပေးနိုင်ရင် ပိုကောင်း။
အင်တွဲ မသုံးဘူးနော်။ အိုးမကပ်အောင်လေ။။။။
မတင်လုပ်ပြတဲ့မုန့်ကပိုတောင်လှသေး
May I know how much water needed for 2 cups of rice ? Thank you
Approximately 1cup added more depends on batter