شيله مهداه الى صاحب السمو الملكي الأمير سعود بن سلمان بن عبدالعزيز - اداء : شبل الدواسر

شيله مهداه الي صاحب السمو الملكي الامير سعود بن سلمان بن عبدالعزيز
اداء : شبل الدواسر ( عبيد بن ذيب الرجباني)
كلمات الشاعر : عبدالله عوض بن حاسن الاحمري
ياهاجسي يامطوع القافيه
جاتك بنات الفكر يالوبالي
تنق منها بنظرتك منقيه
الي تجمل سمعة الجمالي
في ذكر راع الجاه والجاهيه
خلها تدرهم باسمه وتختالي
ابن المليك الي ورث كرسيه
سلمان امير المؤمنين الحالي
اسمه يهز الكوره الارضيه
وافعاله تفاخر بها الاجيالي
وحفيد اعظم سيرة شخصيه
لو زال تاريخ الامم مازالي
عبدالعزيز الي ملك ملكيه
واباد سلطة جاير ومتعالي
الدين شرعه حيها شرعيه
والعدل نهجه بين آل وآلي
وحد شتاتاً تايهً في غيه
وكون كياناً كايداً ومحالي
ياسيدي يالي علومه حيه
يالي فعوله تسبق الاقوالي
يالي يشرف من ذكر طاريه
ويالي يمينه كنها الهمالي
يومن غيرك مدته فقريه
ماتشبع البطن الضعيف الخالي
ولا انت لامديت ميزانيه
كم كونوا منها رجال اعمالي
وافعالك من اسمك لها ماريه
ياسعود يابهجة كسيف الحالي
لك بالسمات الساميه عضويه
وعضويتك يضربها الامثالي
من كل مجد معانقاً عليه
حراً مواكيرك شمم الاقذالي
لك باول مداحم خيولك هيه
الكل وقف لك قدر واجلالي
جبت الحصان الي قليل زيه
ياحي ذيك العين يافدرالي
اشقر بلون الشمس بالعصريه
وقطوعه اهل الصنف به تهتالي
وجه السعد لا اقبل بالاربع ميه
يتل صرعه من يد الخيالي
مشورة الي نظرته مسميه
له نظرةً تصعب ع الجهالي
مطلق عضيده ساعده جنديه
من ال بواثين مورثة الابطالي
ياهل الخيول استبشروا بالجيه
جيت اميراً قدمها الوبالي
ولد مليكً نستظل بفيه
فيه الرجا ومحقق الامالي