ሐምሌ ቂርቆስ ምልጣን | Hamle Qirkos Miltan 2020

አመ ፲ወ፱ ለሐምሌ ቂርቆስ ምልጣን | Hamle Qirkos Miltan 2020
እስ፣ ይትባረክ እግዚአብሔር አምላከ አበዊነ አምላኮሙ ለቂርቆስ ወለእሙ በብዝኃ ኃይሉ ወብጽንዓ ትዕግሥቱ አርአየ ጸጋሁ ላዕለ ሕፃን ሕፃን ዘኮና መርሐ ለእሙ ዘ፫ቱ ዓም አ፥ ኢፈርሐ ነበልባለ እሳት ዘይወጽእ እምአፈ ዕቶን አ፥ አኃዛ ለእሙ ዕዳ ዘየማን ወሰሀባ ቅድመ መኰንን አ፥ ወይቤላ ሕፃን ለእሙ ጥብዒኬ እም ወኢትናፍቂ እምዝ ዳግመ አልቦቱ ኵነኔ አርአየ ጸጋሁ ላዕለ ሕፃን አእኰትዎ ወሰብሕዎ ወባረክዎ ለአብ።
አመላለስ፣
አእኰትዎ ወሰብሕዎ፡
አእኰትዎ ወሰብሕዎ አእኰትዎ ወሰብሕዎ።
አንገርጋሪ፣ ይቤላ ሕፃን ለእሙ ኢትፍርሂ እም ነበልባለ እሳት ዘአድኃኖሙ ለአናንያ ወአዛርያ ወሚሳኤል ውእቱ ያድኅነነ።
ምል፣ ዘአድኃኖሙ ለአናንያ ወአዛርያ ወሚሳኤል ውእቱ ያድኅነነ።
አመላለስ፣
ለአናንያ ወአዛርያ ወሚሳኤል፡
ውእቱ ያድኅነነ ወሚሳኤል ውእቱ ያድኅነነ።
ሰላ፣ ሃሌ ፮ ይእቲ ማርያም እምነ ወእሙ ለእግዚእነ ሰአሊ በእንቲአነ ከመ ይምሐረነ ወይሣሃለነ ያስተርኢ ኂሩቶ በላዕሌነ። ሠርዐ ለነ ሰንበተ ለዕረፍተ ዚአነ ፍሥሓ ወሰላም ለእለ አመነ።

[@ermyasneby6082]

ኣሜን ኣሜን ኣሜን ዝማሬ መላእክት የስመዓልና ።

[@Tiumqal]

ዝማሬ መላእክት የስመዓልና ሊቃውንተ ቤተክርስቲያን 😍🕊🕊🕊