ليه النرجسي بيخون ؟ والمفروض تعملي ايه وتتعاملي ازاي مع خيانته ؟ ... كوثر سند .

ليه النرجسي بيخون وازاي اتعامل مع الخيانة ؟
الحلقة دي قاسية شوية وفيها كلام صريح وموجع انا عارفة لكن لازم اقوله لك عشان تفوقي ومتفضليش تبكي على اللبن المسكوباللي مش حيتلم تاني ابدا
ليه النرجسي بيخون ؟ هو نفس الاسباب اللي بتخليه يتجوز الزوجة الثانية في حلقة ليه النرجسي بيتزوج الزوجة الثانية ، حقولك باختصار الاسباب ١- الوقود النرجسي عايز كتير وواحدة مش كفاية ٢ الملل هو شخص ملول وبيحب يدور على حاجة تسليه ودة متعلق بالانانية المفرطة اللي عنده ٣ النرجسي بسبب احساسه بالعظمة والتميز والفوقية بيشوف انه مينفعش يخضع للقوانين والعادات والتقاليد ولا يخضع لرغبات حد فبالتالي بيكسر كل القواعد والمواثيق اللي بينه وبينك وبيخون عشان هو حر ٤ هو بيشوف انه اكبر من انه يكون علي علاقة واحدة بس هو الجميل الوسيم اللي جسمه حلو اللي معاه فلوس اللي واللي كل دي مميزات كتير على واحدة فهو يستحق يبقى على علاقة باكتر من واحدة ٥-الحياة الطبيعية اللي بيعيشها كل الناس متليقش بالنرجسي لانه عظيم ومينفعش يبقى زي الناس فلازم حياته تبقى مختلفة وكمان الزواج بيلزمه بتنازلات هو مش مفروض يتنازلها فبيحس انه بيفقد السيطرة على حياته فبيحاول يعوضها مع واحدة تانية اواتنين او عشرة -٦ النرجسي بيخاف من القرب فبيحب يعمل علاقات طياري بتاعة تسالي ويجري واول مايحس ان اللي معاه بدأت تحبه وترتبط بيه وتطالبه بالارتباط والاتزام بيهرب فورا
طيب ازاي انتي حتتعاملي مع الخيانة دي ؟ دلوقتي انتي لازم تكوني فهمتي من الاسباب دي ان الخيانة ملهاش علاقة بيكي وان سببها مش انتي ولا تقصيرك ولا انشغالك زي ماهو بيقول لك ، وطبعا لو انتي بتسمعيني دلوقتي فانتي فهمتي يعني نرجسي وفاهمة انه انسان لابيحب ولا بيحس ولا عنده اي مشاعر ، معلش يعني هو مبيحبنيش ؟ اه للاسف مبيحبكيش ولا بيحب حد اصلا ، طيب تفتكري بقى هو فيه ايه عدل تغيري عليه ؟ طيب انتي ادركتي انه انسان مضطرب نفسيا يعني حد مش طبيعي وادركتي تماما انه مش هو الانسان اللي انتي حبيتيه وان انتي حبيتي القناع المزيف وللاسف القناع اتكسر خلاص ، طيب انتي بقى دلوقتي غيرانة علي القناع؟ ولا لسة بتحبي القناع المكسر؟ اذا انتي بعد كل اللي عرفتيه عنه لسة زعلانة عشان بيخون يبقى انتي لسة مدمناه ولسة مسمعتيش حلقات التشافي او منفذتيش منها حاجة لان ناس كتير بدأت تقول انا لما نفذت حلقات التشافي مبقاش يهمني نهائيا وبقيت انبسط وهو مش موجود واللي قدرت تهرب هربت منه واللي عايزة تتعايش قادرة تتعايش ، انتي بقى فين ؟ انتي عرفتي انه نرجسي يبقى لازم تعرفي كل حاجة عن الشخصية دي ادرسيها واقرأي واعرفي اكتر حتعرفي ازاي تتعاملي معاها اذا عايزة تتعايشي ، مش حتقدري تتعايشي اهربي سيبيه وامشي ، اما اللي مش حتقدر تمشي دي تتعاملي ازاي مع الخيانة؟
ولا اي حاجة تجاهل تام لكن لازم تاخدي سكرين شوتس وتحفظي الصور وكل الادلة اللي ايدك تطولها لازم تخزنيها عندك بعيد عن ايده لان دي حتستخدميها لو حبيتي تتطلقي ، او لو حبيتي تاخدي منه حقك او لو هو هددك بأي حاجة لازم يكون معاكي ادلة تدينه ، ايه دة هو دي النصيحة اللي جاية تقوليها لي اتعامل ازاي مع الخيانة؟ طب اعمل ايه في النار اللي جوايا ؟ طالما لسة فيه نار جواكي يبقى انتي لسة متعلقة بيه تعلق مرضي ولسة عندك ادمان ولازم تعالجيه وتاني التشافي ، اشتغلي على نفسك (مش عايزاه يخونك حقولك طريقة بس هس مش في مصلحتك وحتخلق منك مسخ مش عايش وحتدمر شخصيتك ونفسيتك على المدى الطويل ، اللي هي ايه ،هو ملول اعملي له انتي بقى عشر شخصيات وعشر انواع للبس في البيت وعشر طرق للكلام وعشر طرق للتصرفات ، اصنعي من نفسك عشر شخصيات وتلوني وموتي نفسك في كل شوية تغيير عشان ميملش وكمان متلزميهوش بأي شيء في الحياة ولا اي مسئولية خليه يحس انه حر وكأنه مش متجوز ولا مخلف وكأنه بييجي لك زيارة يتدلع وياخد كل طلباته وينام زي الحيوان اللي ياكل ويشرب ويقضي حاجته وينام ، لكن في الحالة دي اوعي تنتظري منه مقابل والا حيزهق منك ويخون انتي حتدي بس وتفني نفسك وبس لكن حذاري تفكري تاخدي)
طيب الناس العاقلة بقى تعمل ايه ؟ تتعايش وتعيش وتخرجه من قلبها ومن عقلها وتنتبه لعيالها وتربيهم وتنتبه لنفسها وتطور نفسها وتشتغل وتعمل مصدر رزق وتنشغل عنه ولو حس بقوتك هو حيخاف منك ومش حيقدر يمنعك من حاجة . هو ضعيف اصلا لكن خلاكي اضعف منه عشان يقدر عليكي . يبقى حلك الامثل انك تتجاهليه بالكلية تتجاهلي تصرفاته وخياناته ووجوده اصلا وتشوفي نفسك واولادك ، واذا حسيتي انك محتاجة تواجهي بالخيانة عشان محتاجة شوية صمت عقابي تشمي فيهم نفسك لازم تواجهي بأدلة وتقولي له اللي في الدليل متوريهولوش عشان ميتلفهوش .الشك وعدم الثقة
اكونت الفيس بوك
profile.php?...
جروب ادرس عدوك النرجسي
/ kawthersanad11

[@samsim7578]

قمة الانتصار أن ترى عدوك يعصى الله ولا يتوب فيغضب عليه الله وتتمنى له أن يظل هكذا حتى يلقى ربه ويكون فى جهنم وبئس المصير

[@bakindwan]

ولو تاب قبل مايموت،ولو طبطب على رأس يتيم ولا صلى ركعتين وبكى وتاب،الطيبين عايشين بتعاسة وكمان مو متأكدين حيدخلوا الجنه ولا لا، والاشرار مايستمروا بالشر والدنيا ملخبطه وانا مش فاهمه حاجه

[@user-go1bb5vo3q]

@@bakindwan انا مش عارفا ليه مش بيخافو ربنا والزنا عندهم عادي كأنو بيعمل حاجه عاديه لا حول ولا قوه الا بالله العلي العظيم الحرام آخرته حرام العياذ بالله

[@user-on3zm2zx8b]

@@bakindwan لابيقولوان الله غفور رحيم هنبقا نتوب ولابيحسوبالزنب

[@faredasalah1784]

فعلن نفس اللى بيقولوا ربنا غفور رحيم لاكن انا بتمنه يموت على ذنوبه واشرب ناره

[@asmaamohamed6396]

@@bakindwan لو تاب اكيد ربنا بيتوب عليه في مايخص حقوق الله اما حقوق العباد فالله لا يغفرها للانسان حتي يسامحه الاخرين فيها

[@shamszayed356]

لكل امرأة مقهوره او مظلومه .وحدى الله.لا إله إلا الله وحده لا شريك له له الملك وله الحمد يحيي و يميت وهو على كل شيء قدير.وصلى على رسول الله.صل الله عليه وسلم تسليما كثيرا.كونى في رحاب الله ومع الله وارفعى رأسك لله وقولي . يارب.وهو علم بما في القلوب.حسبي الله ونعم الوكيل.

[@user-ff6bw3oz6s]

حبيبتي الاستاذة كوثر تخيلي اني قوية وحضرتك قوتيني اكثر حضرتك الصوت الي بينادينا للحياة حرفيا الي عايشه مع نرجسي ميته وحضرتك بتنادي اخر نفس فيها ربنا يبارك في حضرتك،،، ومن احيا نفس فكأنما احيا الناس جميعا،،، ♥️

[@Ssq.uae9]

كلامك صحيح

[@Manal20205]

فعلا

[@merozaen7656]

فعلا

[@nogakamal7596]

انا انا
كحج

[@Manal20205]

الصوت المنادي للحياة ..فعلا..

[@samsungprime2385]

اللي بيوافقني الرأي يقول
حقيقه بقيت بغير من الستات اللي بتحب ازواجهم وانا زوجي مش قادرة احبه هو حرمني من اني احبه وانتظره بمعاملته السيئة
يا خسارة ع العمر وتعب السنين

[@user-ud6kl4jw8v]

يا اختى الحمد لله أن احنا عرفنا حقيقتهم وأنهم لا يحبون أحد احسن من أن نفصل نحبهم واحنا مخدوعين وده قدر ربنا ورزق واكيد اللى بتحب جوزها لا تغيرى منها اكيد عندها حاجه أخرى ناقصه

[@AhmedAhmed-er3ul]

فعلا كل مشوف ازواج سويين قلبى يوجعنى على حظى بس اقول ده قضاء وقدر لابد منه نصيب الحمد لله على كل حال

[@amiraabdou397]

اتواصل اذاى مع حضرتك

[@amiraabdou397]

اتواصل اذاى مع حضرتك

[@AhmedAhmed-er3ul]

@@amiraabdou397 عوزا تتواصلى معايا انا

[@miralnano6210]

انا لسة زعلانة عشان اكتشفت انوا بيخوني ،مش لاني مدمنة بس زعلانة على الثقة وسنين عمري إلى ضاعت

[@ilhammoussa5958]

المهم هو أنك متأكدة أن العيب ليس فيك و أنه هو الخائن و لست مقصرة في شيء و هو عقابه عند الله عظيم على فعلته هذه.

[@aishayehya6847]

اوعي تزعلي منتي الزوجه المخلصه المحبه وعملتي اللي عليكي وربنا عنده العوض واللي جاي احلى ثقي ان ربنا اسمه العدل وفكري في نفسك وفي الناس اللي بتحبك

[@abdenbizahar3618]

@@ilhammoussa5958 عقابه عند الله وحتى الزوجة النرجسية خاءنة.وهذه هي الطامة الكبرى بحكم ان المرأة عماد الأسرة والمجتمع

[@ilhammoussa5958]

@@abdenbizahar3618 قال الله في كتابه الزانية و الزاني و لم يفرق بينهما في العقاب.

[@prettyangel8267]

أختي أول خطوة في طريق التعافي و الشفاء هو أن تتوقفي عن رثاء نفسك ، لا ترثيها لا تقولي يا خسارة سنين عمري ، و خسارة تعبي و كيف قدر يعمل فيا أنا كدا ..!
ارجوكي تقبلي هذا الابتلاء كما هو .. و انظري لنفسك بعين الرضى و التكريم ، أنتي ناجية من جحيم النرجسي .. فارفعي رأسك عاليا و اوقفي الأفكار السلبية و ركزي في العوض الذي سيمنحه الله لك بعد الصبر . فما بعد الابتلاء و الصبر إلا الفرحة و الجبر.
(وثّقي دليل الخيانة احفظيه عندك فهذا كارت لك عليه ) أختي الكريمة ربي يقويك و يسعدك يا رب..

[@meritatoon3494]

اصلا الحل بتاع التغيير كل ٥ دقائق دا كنت بعمله ولا كان بياخد باله وأما بيقابلني ف الشارع تحت البيت مبيعرفنيش والل انا اكتشفته أنه اصلا مش عارف ملامحي ولا مركز ف اي حاجه تخصني مهما عملت ومع ذلك بيخون مفيش حل مع النرجسي غير تركه غير كدا مضيعة سنين ع الفاضي ، الله المستعان

[@samahibrahim2836]

يا اخوات محدش فيكم يندم على العشره الطيبه اللي قدمتها لجوزها وحسن الظن والمعاملة الحسنة للزوج
لأنك ارضيتي الله فيه وطبقتي تعاليم الإسلام فيه سواء هو كان سئ او كويس فانتي ليكي الاجر والثواب وهو عليه العقاب
علشان كده مش لازم تندمي علي حاجه فاتت انتي كنتي كويسه فيها

[@user-yu4ko3kr7u]

الحمد لله..ان شاء الله ثوابنا ثواب امراءة فرعون🤲💔😢

[@halimaalqarni1522]

@@teacher6925 حسبنا الله عليهم و نعم الوكيل

[@user-fl2vb5gx2g]

@@teacher6925 الله يصيبهم بمصيبه شلل رباعي خلي لي بيغازلهم يعالجوه ويعتنوا به

[@layanmovies8382]

هذا الكلام لي اصبر نفسي اني مشيت معاهم بنيتي وصنتو عرض وشرف في وجودو وغيابو واني عاملتو بما يرضى الله ومنتظره لأجر من الله

[@aumtota1766]

من فضلك يادكتورة لكنه عندما يخون تصاب الزوجه بانتقال امراض وخيمه وتتدهور صحتها.. حسبنا الله ونعم الوكيل

[@user-mm1qx3rq2m]

هو ضعيف و جبان و غير قادر على المواجهة

[@abeerali1769]

دى حقيقه

[@marouanesalwa6556]

... الحمد لله أصبح لا يعنيني بشيء ...وجوده كعدمه. جزاكي الله كل خير..

[@amay_390]

نفس الحاله والله

[@razawmahamd7317]

نفس الحالة

[@user-nl2pl6cw3k]

اللهم أرني فيه قوتك عليه مثل ما رأى ضعفي أرني ضعفه امين

[@nenuphar2880]

حديثك حلو مثل البلسم و صحيح حاليا اكتشفت اني مكنتش عايشة وابتديت احس طعم الحياة في غيابه وكذلك اولادي الله ينورك و ينور بيكي

[@arijeelward4313]

جزاك الله خير الجزاء
فعلاً كل كلمة قلتيها صح شكراً من القلب على النصائح

[@foofoo6608]

كل الكلام صحيييييح ومريت فيه الله يعطيك العافية دكتورة كوثر أسلوبك واضح وجميل شكراً

[@modanosa1261]

بارك الله فيكي أستاذه كوثر
و ربنا ينفع بيكي و بعلمك و يجعله عمل خالص لوجه الكريم
و يتقبله منك على ما تبذلين من وقت و جهد

[@sanaalazrag2347]

أنا زعلانة على نفسي

[@user-oz3ht2nu8e]

تكلمي عن الخيانة المادية كأن يعيشنا بفقر وهوا عندو ملايين

[@wafyaaahmedahmed8491]

اعملي لنفسك مصروف ولولادك ومصروف البيت من اكل وخلافه غير فلوس الدراسه والمدارس ولازم تكوني قويه في طلبك وهو معاه باقي فلوسه هو حر فيها فهميه كده لان فعلا هو مليونير لكن معيش ولاده في فقر وفرش بيته قديم مش حابب يغير اي شئ ...هو بيقول انا سعادتي ان اجمع الفلوس وكل يوم اشوفها رزم واشيلها تاني دي كل سعادتي ....الله يعينك... هدديه انك هتشتكي ل اصحابه لو منفذش طلبك هو بيخاف انه يطلع وحش قدام الناس الي يعرفوه

[@samarhossain3608]

ربنا يجعله في ميزان حسناتك كل اللي بتقدميه لينا

[@hayatkharbach182]

ماشاء الله عليك اخت كوتر سند . متتبعة من المغرب .انا استفذة من فديوهاتك كتير

[@sanaalazrag2347]

أنا بديت اسمع كلامك وأفوق من الصدمة يرجع أعيد أسمع كلامك تاني وتالت وأطبق كل كلمة وإن شاء الله ربنا حينصرني عليه

[@latifacheniour1767]

برااااافو دكتورة

[@hananaliabdullah6393]

جزاكي الله خيراً دكتورة كوثر وربنا يزيدك من فضله ويجعله ف ميزان حسناتك

[@halimaalqarni1522]

اروع فديو بلا منازع و اختصر مساااااافه كبيره 👍🏼❤️جزاك الله كل خير استاذه كوثر سند فعلا انت كالكوثر و افضل سند 😭🥰❤️

[@azizaben1356]

ميغووور فسنتين اللف دهية، انا دلوقتي عرفت انا مع مين واصبحت اكثر اتزان وفهم للامور بارك الله فيك اختي الكريمة

[@jwjskskkskjdkddksksk3763]

يسلم فمك ،الله يحفظك وينورك كما نورتيني،كانت الظلمة في عيني ،لما سمعت الحلقةبانت ليا الطريق
جزاك الله خيرا
احبك احبك في الله

[@hanansg2785]

شكرًا حبيبتي الحمدلله على اللي صرت له الان وثبات موقفي ومشاعري مع هذا الشخص المريض شعرت بالسعاده الان الحمدلله

[@demasliger9445]

ربي يحفظك من كل شر انتي بتعطينا طاقه ايجابيه عجيبببه 😍😍😘😘

[@rawansalim9730]

من أروع الحلقات ولا تقولي انك قسيتي علينا بل جزاك الله خيرا عنا جميعا ..والمثل يقول امشي وره اليبكيك ولاتمشي وره الي اليضحكك القسوه احيانا وصفعة الألم هي التي تجعلنا نكون على وعي ودرايه لما يحدث لنا .وفقكي الله .

[@hajarahmed4056]

الله يجعله بميزان حسناتك عرفتينا ونورتي حياتنا

[@meromero4297]

ربنا يجعله بميزان حسناتك ياارب💕💕

[@engymohammed7788]

حلقه كالعاده اكتر من رائعة. احييكي

[@meriemrima8365]

ليست. حلقة. طويلة. بل. مفيدة. جدا. جزاك اله كل. الخير في. الدنيا. والاخرة

[@mahsenbadwy40]

حقيقي حتي لو الواحده اتغيرت ل١٠٠ شخصيه هيبقي ارهاق وتضيع للوقت بدون فايده كوني انتي وبس

[@user-tt8my1dw9g]

احسن وحدة تتكلم على النرجسي

[@user-sd9if6bw1d]

رفعتي من روحي المعنويه كتييييير جزاكي الله خير ،انا زوجي بيعمل كل ده

[@user-ud6kl4jw8v]

جزاك الله خيرا يا دكتوره
ربنا يكرمك ويعزك ويجعل هذا العلم فى ميزان حسناتك

[@user-io6sp5en1b]

ربنا يجعله فى ميزان حسناتك انتى جميلة اوى انك عاوزة تنقذى غيرك وتساعدينا انا انفصلت عن النرجسى بعد 7سنين جواز وحسيت براحة نفسية وسلام داخلى كانى كنت خلاص هقع من على جبل وربنا انقذنى بس مكنتش اعرف انه نرجسى ان انفصلت لانه مش طبيعى وارهقنى ودمرنى ولكن كنت مدمنة على النرجسى وافتكره اعيط واتقهر واغلط نفسى بس من بعد ما سمعت الكلام عن النرجسى حاسة انى اتولدت من جديد ربنا يريح كل مظلومة ومقهورة من النرجسى الوحش اوى ده

[@maei3694]

بينكو اطفال؟ قدرتي تواجهيه ازاي؟

[@user-io6sp5en1b]

@@maei3694 ايوة طفل واجهته انى عاوزة انفصل كان فى صمت عقابى سنة وكان بيتعمد يأذينى خناق ومشاكل وغير القرود الطائرة ارهقونى نفسيا وكنت داخلة فى اكتئاب كانت لى صديقة لم تتركنى ابدا كانت فى بلد تانية وكل يوم بالتليفون طول فترة الصمت العقابى تحملت معى هيا كانت طبيعية حياتها مع زوجها علشان كده شافت الموضوع افضل منى وعمرها ما وجهتنى للطلاق فضلنا سنة وشوية نحاول بكل الطرق من تخطيط وتدبير حتى ارضيه وتبقى حياتى طبيعية فى الاخر وجدناه مش انسان ومصمم على تدميرى وامه نرجسية زيه كنت حرفيا بموت اتجهت لله بالدعاء والقران والصلاة ودعوت الله ان يختار الخير لى ولابنى وسبحان الله يسر لى طلاقى والحمد لله

[@maei3694]

ربنا يصلحلك الحال ادعيلي ربنا ينور بصيرتي للطريق الصح 😔

[@user-io6sp5en1b]

يا رب يا حبيبتى يصلحلك الاحوال وينور بصيرتك ويريح قلبك

[@user-rb4zp9sn6l]

@@user-io6sp5en1b هم عندة حالة خبال حتة انا دمرني ماخلاني فاهمة شي بس ماعندي صديقات وحدة وابعدها عني

[@user-zd5xp6tx1j]

جزاك الله عنا الدرجات العلا من الجنه يارب استمرى

[@user-mp3fy1uv5e]

كلام حضرتك ممتاز .. وحاسة انك حاسة بالناس .. بجد بارك الله لكى

[@hananalmalki2539]

جزاك الله خير
جدا حلقة أفادتني للغااااااية

[@user-nn5xt8vp9f]

جزاك الله كل خير

[@user-nt2sf4ir7n]

صوتك طاقه ايجابيه جزاك الله خير الجزاء

[@user-nz2wq6bn6x]

عشان كلامها من القلب

[@LillySky]

و الله العظيم انك أكثر من رائعة يا استاذة لانك كلك طاقة و كلك كلام صح
بارك الله فيك و في أهلك

[@bouimane3696]

الله يجازيك خير الجزاء ويجازينا على صبرنا

[@jasmin8548]

الزعل مش ادمان الزعل بيكون كرامتك ازاى تقبلى بكده و ليه هو يعمل اللى عايزه بلا عقاب

[@samirasayed9937]

الله يبارك لك ويجعله في ميزان حسناتك

[@nahalashoor3164]

كلامك صحيح والان انا قوية ولكن اتركك ياست الكل ربي يفتح عليك ربنا بعتك لينة ربي يبارك بعمرك

[@nahalashoor3164]

مش حأعرف اسيبك ابدا ربي يجعلك في صحة وعافية دائما

[@jamilaloli3833]

جزاكي الله خير الدارين كل كلامك صحيح وحسبنا الله ونعم الوكيل وشكرا على المعلومات القيمة.

[@AsmaaAhmed-jc7qe]

ما شاء الله تبارك الله كلامك جميل جدا ومعبر عن مشاعرنا

[@user-ej2li4xf6k]

ربنا يجزيكي خير على رفع معنوياتنا

[@user-et9jb7ui3r]

حلقة رائعة جداً،اشكرالله اني شفت قناتك وتابعت الفديوهات الي تنزليها شكراًجزيلاًعلى المجهود الذي تعمليه الله يحفظك ،بعد ١٩سنة من العذاب اكتشفت ان زوجي نرجسي من النوع (الضحية)دمر حياتي والحمد لله اني تعافيت منه كنت عارفه من البداية ان شخص مريض موطبيعي حاولت اغيره لكن فشلت .هذاقدري الحمدلله على كل حال.

[@NM-wu8gh]

ابدعتى د. كوثر❤

[@user-vl9ty1pr7f]

ما شاء الله استاذه كوثر فعلا حتى نبطل نحس بالالم علينا اما التعايش معه بشرط التشافي من التعلق به. واما الطلاق. وكل واحد حسب ظروفه🌹

[@rolarola2736]

بحبك كتير والله .الله يجزيك خير يا رب ويرزقك ويوفقك باعلى المراتب تستحق كل الاحترام والتقدير والحب❤️❤️❤️🇱🇧 الله يسعدك ويطول عمرك💜

[@zakiasaidkhalid2040]

الحلقة دي خلتني أعراف إني تشفية تماماً شكراً جزيلاً الله يجزيك بالخير

[@AnasAhmad-yv1jf]

ربنا يجعله فى ميزان حسناتك

[@imanetahri7039]

شكرا على اجتهادك بارك الله فيك

[@user-cl6tl6vg2p]

جزاكي الله خير الجزاء

[@naglaamohamed6550]

مشكلتى يا دكتوره ان الولاد هما اللى اكتشفوا خيانته من ع النت بنتين وولد مش عارفه اقولهم ايه؟

[@user-xc9wx8bk2u]

حبيبتى يا دكتورة كوثر . انتى الوقود اللى بيدينى الدفع عشان أكمل. انا متجوزة نرجسي. بحاول أطلق ونفذت التشافى فعلا وخفيت وعملت اللى انتى بتقوليه وفعلا قدرت اكسره. كل كلمه بتقوليها صح كأنك عايشه معانا . انا ا تحررت من أسره على ايدك وفرحانه جدا بده وبقيت احسن كتييير الحمدلله بفضل الله وفضلك. اشكرك انا مدينه ليكى بحريتى وادعى لى أكمل لحد ما احصل على الطلاق النهائى وهبعتلك اعرفك. انا نفسي تقراى رسالتى عشان تعرفى أن مجهودك فى الفيديوهات دى سبب فى حياه جديده وصحه لستات كتير . ربنا يجازيكى كل خير عنا .

[@SnnAnn]

الف الف مبروك اختي الكريمة .. اسأل الله العلي القدير أن يسعدك و يبعد عنك هذا اللعين النرجسي .. انا لم أتشافى بعد وأتمنى أن أنفصل عنه و أن تزول كل العقبات و يتم الانفصال بلا فضايح لأنه مدمن فضايح بيحبها أوي ..يا رب يهنيكي و يهنينا معاكي يا رب ..

[@hanaafawzy6703]

جزاك الله خيرا استفدت من حضرتك كتيييير

[@user-mk9jc7kp4t]

حسبي الله ونعم الوكيل في كل ظالم خاين وشكرآ لحضرتك يادكتور عرفتينا احنا عايشين مع حد بلا عاطفه ولارحمة غير على نفسه عايزه كل حاجة وبرضه مش هيرضي عنك تركيبة غريبة مرهقة جدا لكل اللي عايش معاه تحسي انك بدوري في حلقة مفرغه متعب للجميع والأولاد بس ان شاء الله بعد متابعة حضرتك هيكون في تغيير كنت فقدت ثقتي في نفسي وكل مسمع حاجة اقول دي عايشه معانا والحمدلله

[@nounada]

المشكل انه لا يهتم بمظهره ومعندوش فلوس حلقة جميلة جدا شكرا لك ساعدتينا اننا نعلم كيف نتصرف المهم هو ان نركز على انفسنا ثم ابنائنا

[@user-yu4ko3kr7u]

ويغار ويهاجم اذا اعتنت الزوجه بنفسها ولو بالقليل يبداء بالقصف النرجسي😁

[@user-ny4jq4uo9h]

حبيبتي ست...تسلمين على هذه المعلومات القيمه الله يعطيك العافيه 🌹😘💖💝

[@nadaalgedate951]

كلام واقعي جزاك الله الف خير

[@aminae9539]

الله يكرمك حبيبتي بعد حلقات الشافي ،انولدت من جديد ،استمتع كتيرا مع اولادي عندما يكون عند الزوجة التانية، خرج بصفة نهائية من عقولنا وقلوبنا والحمد لله،

[@user-oe9nh5sx1h]

ممكن تساعدني اي اكتر حاجه تخرجه من حياتي انا لست بزوجه بل حبيبيه فقط

[@user-fb1ry1on6i]

مثلي تمام.. ولا زلت بمراحل الشافي.. اللهم راحة البال وصلاح الحال لي وأولادي يارب

[@ameera2younis43]

اني لامنى يتزوج بس ماقدر ابقى ع ذمته اربد اتطلق بس افلس من حقوقي محتاره ابقى واتحمل انو يتزوج نزين انتي بعدما تزوج هل تنطينه حقه الشرعي لو تركتي مو حرام يعني محتاره بهالشغله

[@user-ff6bw3oz6s]

والله لو بقت الواحده حربايه مع النرجسي يستحيل وهو عمره ماهيختار نرجسية هو مش عبيط

[@wrqwqw6796]

يسلم فمك ست كوثر الف شكر علمتيني الكثير

[@aishayehya6847]

طبعا كلام حضرتك صح عندي تجربتي عملت كل حاجه ممكن تتصوروها وتتخيلوها ضد شخصيتي وضد قناعاتي وسني ومع ذلك خانني برضه واتجوز واحده قد ولاده وصدقوني كنت متعلقه بدرجه مرضيه وفي الفتره دي ولادي وامي وكل الناس اللي بتحبني كانوا شايفين النهايه الا انا وولادي ادمروا وما كنتش شايفه ولا عاوزه غيره وهوه كان متاكد اني عمري ما حقدر اطلعه من قلبي ومن حياتي والحمد لله مش شطاره مني ابدا ولكن قربت من ربنا قوي وقعدت اكتب كل يوم وارجع اقرا اللي كتبته وقد ايه مؤذي وبلا كرامه وجبان قوي صدقوني اخدت مع نفسي مجهود جامد قوي علشان استوعب ان في مخلوق كده صعب قوي ومؤلم بس مش مستحيل يمك بقالي ٣سنين بعافر مع نفسي بس كسبت نفسي وولادي الحمد لله بقوا احسن كتير وعلاقتي باهلي واصحابي رجعت تاني واتحسنت في صحتي وشغلي يمكن مش عارفه اتطلق لانه بيهددنا بس قدرت اخليه يسيب البيت ولا بيسال على ولاده لانهم يا حبايبي وقفوله وقالوا ان ده حقي ومش مهم زنقه الفلوس وكلام الناس المهم الراحه النفسيه اللي نفسي كلكم تحسوها يا رب يقوينا جميعا وينصرنا ويحمينا

[@Manal20205]

مبروووك عليك 😌💗

[@user-qk8jo4lf2n]

أحلى دكتورة واحلى شرح تفصيلي واحلى أسلوب سمعتة بحياتي 🌹🌹🌹🌹

[@sosoo8547]

ربنا يسعدك ويجزيكى خيرا يا رب

[@shaimaehakeem3896]

والله يادكتور كلامك كله صح
وللأسف اكتشفت ده متأخر ومكنتش عارفه ايه الي بيحصل معايا
بس الحمد لله ان ربنا رزقني بحضرتك ربنا يبارك فيكي

[@hajarahmed4056]

كلامك كله صح يادكتوره والله

[@saski23Dz]

انا شفت كل شئ القلتيه والله كفيتى ووفيتى انا عايشة معاه من اجل الاولاد فقط والمصروف تعرفى لما عرفت حصلى قهر وحزن لكن الحمد الله لانى مومنة بالله

[@nournassani2351]

جزاك الله خيرا

[@user-dl7gk6yx2i]

جزاكى الله خيرا

[@halamaher2076]

لا جوايا نار مش عشان غيرانه عليه عشان كرامتي وجعاني

[@ahmedtamer1612]

تسلمي ربنا يبارك فيكي كلامك جه في وقته

[@user-gb3kw1ov2m]

والله كلامك صحيح والله الواحد تعب حضرتك عايشه معانا بالظبط

[@user-dd8yn1zf7z]

ربنا يبارك لك ريحتى قلبى وغيرتى منى كتير وسهلتى الحياه عليا بعد مجالى جلطه وعلاج نفسى انتى سهلتى عليا كتير

[@user-lp7fx1gx8t]

جزاك الله خير

[@hayatyamaoui7710]

انا زوجي نرجسي وكشفته وقررت ما اقوم له من النوم وقررت اكون انا بس وقررت احب نفسي بس وهو اعتبرته عبد عندي بس يعني شغال عندي ويلبي لي ٱحتياجاتي

[@user-jb7fg9oq4s]

والله فكرة ....أحسنت.

[@user-wk2np9ij7v]

فعلا دكتوره كل مااضعف ارجع اسمع كلامج.وجاي ينطيني قوه واعتبره ماموجود .ادعو رب العالمين اشوف حوبتي بيه وتطلع بيه هو مو بواحد من جهالي .حسبي الله ونعم الوكيل .حتا بالعيد مايباركللي ويتجاهلني واني شايله منه لخياناته اللي .ولايهمه الموضوع ويكللي بكيفج خلينه نتعايد السنه الجايه لان مامحتاجني بشي شبعان من المطلقات والارامل اللي يدورن زواج متعه .مع احترامي للزينات.يارب ساعدني اتحمل البلاء

[@user-pj9kb7fu6g]

ربي يسعد قلبك ويحفظك ويكتب كل حرف وجهد وكلام بي ميزان حسناتك يعلم الله فتحت المقطع وروحي تتقطع وادعي اموت بس كلامك قواني الله يحفظك الله يسعدك الله يحرم وجهك عن النار

[@amnasim5438]

الله ينور عليكي جبتي من الاخر🌺💕🌷

[@hamada.ah149]

حبيبتى بحبك جدا كلامك صج جدا ❤️❤️

[@asmaamoneer7396]

جزاكم الله خيرا

[@venus6864]

فعلا مصدر فعال

[@om.massaraworld]

كنتي فين من زمان 😢جزاكي الله كل خير

[@hibaelmahdi2981]

انتي بتتكلمي عن الخيانة اذا اتزوج ...وطيب في حالة الخيانة الخيانة والعلاقات الشاذة المتعددة ...يارب تعملي فديو سريع ...تسلمي

[@sorayatrabelsi3181]

ممتنة اليك ومشكورة حبيبتي علي البلاغة و الفصاحة و عدم التكرار ْ فعلا استفدت منك كثيرا و حطيتي بردا و سلام علي قلبي الذي كاد ان ينفجر من كثر مفيه من ضغوط من ذاك المختل المعتل حسبنا الله و نعم الوكيل تحياتي من خالص قلبي .🙋‍♀️💙

[@memeksa5635]

ياالله والله كلامك برد على قلبي 😭😭😭😭😭😭😭😭شكرا لك من قلبي

[@user-oz3ht2nu8e]

لازم كل النساء تسمع هاد الفيديو لانو بيكونو وفرو على حالهم كتير تعب ومجهود

[@jamilamahdi2899]

اهلا يا استاذة ، بالعكس ما قلته في الصميم ، هو ما يجب ان يقال ، لابد من زعزعة من لم تعرف الحقيقة بعد ، ولم تستوعب معنى النرجسي

[@user-nf9kj1fw5r]

ربنا يباركلك كلامك ريحني جدا وانا مش لاقيه حد جنبي ❤

[@ayamaher4715]

يارب وفق النرجسيين مع بعض واحفظنا من شرهم

[@user-ot4mk1vc5o]

آمين🤲🏻

[@salhaa2847]

ههههه

[@salhaa2847]

الطيور على أشكالها تقع
هو بيدور شبهه
في الفحش والزنا رالخيانه
ولا يبغى العفيفه بنص ريال
مره ريحي بالك

[@hindohach984]

شكرااااا جزيلا استاذة ادعو لك بالخير دائما متتبعتك و محبوبتك من الجزائر

[@user-ms1ld5wj9q]

ربنا يبارك فى حضرتك زى مارجعتيلى ثقتى فى نفسى

[@user-zt2lx3ry9n]

كلام قاسي جدا
لكن هو الحقيقيه وهو الواقع رضينا ام ابينا
شكزا لك

[@abdelrahmanmohsn2490]

ربنا يبارك فيكي والله كل كلامك صح أنا شوفت خيانتي بعيني

[@user-yu4ko3kr7u]

احسنت .بارك الله فيك🤲🌹فعلا خيال المآتى..😢💔

[@mennaayoub2568]

انا بحبك اووووي فعلا ابتديت اتعافى بسببك 🥰🥰🥰 🥰🥰🥰

[@razanoalrimi5029]

معاك حق بكل كلمة ،😭