اذا اكتشفتي ان النرجسي خانك او اتجوز عليكي هل من مصلحتك انك تواجهيه؟
Вставка
- Опубліковано 6 бер 2022
- اذا عرفتي ان النرجسي اتجوز عليكي في السر هل من مصلحتك انك تواجهيه؟ واذا هو قال لك بنفسه تعملي ايه؟
طيب اذا عرفتي انه اتجوز وهو مخبي عليكي وفي الحالة دي بيكون كانن وواخد سكة السلامة ومش بيعمل مشاكل وبيحاول يمشي دنيته ، ممكن في بداية جوازه التاني يعمل هوفرينج بعد مايستقر الجواز الجديد ، في الحالة دي الزوجة الأولى بتيجي تقول اواجهه اني عرفت انه اتجوز ولا لا،
هو أصلا مجرد انك بتسألي فدة معناه انك قادرة ماتواجهيهوش وانك قادرة تمسكي نفسك ومانهارتيش ودة معناه انك عندك ادراك كويس لوضعه وانك كمان تعافيتي من ادمانه بنسبة كبيرة جدا ، ودة حاجة عظيمة ، تعالي كدة نشوف لو واجهتيه حتستفيدي ايه وايه اللي حيحصل ولو مواجهتيهوش ايه اللي حيحصل
لو واجهتيه وماطلبتيش الطلاق فانتي بتقولي له دة حقك وانا قليلة عليك وانا مقصرة وانت تستحق من كتر مانت عامل معانا اللي عليك وزيادة فانت تستحق انك تتجوز عليا عادي ( خدي بالك انا بتكلم هنا عن الزوج النرجسي اللي مقصر معاكي في المصاريف وبيظلمك ومش بيديكي حقوقك وبيقصر أصلا في العلاقة الحميمة معاكي عشان محدش يرد يقول من حق الراجل يتجوز اربعه وطالما من حقه يبقى يستحق ، انا مش بتكلم من حقه يتجوز أربعة ولا لا انا بتكلم من حق فلان اللي مش مكفي بيته انه يتجوز تاني وحيكفي بيتين ازاي وخصوصا اللي بتبقى الأولى بتصرف عليه أصلا وحاجات كتير احنا بنخص بكلامنا الناس المضطربين مش الأزواج الاسوياء) المهم كمان لو واجهتيه وانتي مش حينفع تقولي له طلقها لان حرام ماينفعش نقول كدة فانتي مفيش عندك حلول ولا حتعرفي تاخدي موقف منه فانتي كدة كشفتي ضعفك كشف تام وفتحتي حدودك لاخرها وكأنك بتقولي له ادخل واهرس واعمل اللي انت عايزه فيا اذا اتجوزت علي بدون حتى ماتخيرني وانا مجبرة اكمل معاك يبقى خلاص اعمل بقى مابدالك وانتي عارفة الباقي ، دا غير انه حيتبجح عليكي بعد ماكان مخبي وخايف تعرفي وبيكلمها في السر خلاص كل دة حيتقلب كله حيبقى على عينك ياتاجر وانتي عرفتي ورضيتي ودا حقها
طيب اذا تجاهلتي ومواجهتيش انتي بتحطيه في خانة الخوف والتوتر واللي عامل عملة وخايف يتقفش وبيحاول يداري فبيحاول يكون كويس شوية وهادي شوية عشان يداري اللي عامله وبيفضل قلقان وخايف تعرفي فلو واجهتيه ريحيتيه من القلق والخوف منك وفتحتي له السكة بقى يعيش براحته ويكلمها ادامك وهكذا دا غير انك حتخسري فترة الهدوء والمعاملة المتحسنة شوية حتى كهدنة من مشاكله
طيب واذا هو بجحوعايز وقود وعايز يقضي عليكي ويكسرك وممكن أصلا اتجوز انتقام منك ،وجه يقول لك انه اتجوز المفروض تتصرفي ازاي ؟
زي ماقلت لك طالما انتيب تسألي اتصرف ازاي يعني انتي مش مدمناه لانك لو مدمناه مش حتفكري أصلا تتصرفي ازاي انتي حتنهاري وتصوتي وتلمي هدومك وتمشي وحيكون لكي ردود أفعال غير محسوبة ودة طبيعي ، اما اذا انتي تمام مش مدمناه ، فالمفروض يكون رد فعلك قاتل له اقل واجب يعني تاخدي بيه حقك ، اللي هو ايه ، ابتسامة باردة بدون حزن ولا أي انفعال ، مبروك حيقول لك فورا انتي كنتي عارفة ، حتقولي له مكنتش زماني واقفة ادامك دلوقتي لو كنت عارفة ، كل الحكاية اني مبقتش اامن لك ومتوقعة منك أي حاجة ،، طبعا كل دة وهو في صدمة انك مش هامك جوازه هو حيكون بيتحرق من جواه بس ممكن مايبينش لكي لانك هدمتي كبرياؤه وعظمته واهميته وكمان فشلتي خطته في شوية وقود وانه يحس انه انتقم منك وانتصر ، المهم انك لازم تكوني جاهزة بشروطك(في دماغك ومش حتقوليها في نفس اللحظة حتقوليها لما يحاول يصالحك) اللي انتي عايزاها وطبعا حتقولي له كل واحد يروح لحاله بالمعروف وبهدوء جدا وطبعا دة من باب العقاب مش الجد طالما انتي مش عايزة طلاق ،لكن لازم يحس انك مش راضية عن الوضع عشان لما يحايلك تعرفي تملي شروطك ، او انك تقولي له طيب مبروك عليك بس لو سمحت انا متنازلة عن ايامي لها وياريت كل واحد يعيش حياته بدون أي تدخل من التاني فيها والموضوع حيكون جواز ادام الناس حفاظا على الشكل ادام الناس (هنا بتكلميه بلغته) وربنا يوفقك ، انا عارفة ان كل اللي حتقوليه في الموقف دة ولا حيفرق ولا حيأثر معاه في أي حاجة لانه حيكون في حالة صدمة من رد فعلك ودة حيخليه يعيد حساباه معاكي كلها ،طبعا مش لازم رد فعلك زي ماقلت حرفيا انا بديكي مثال وكل واحدة تتصرف على حسب نوعيه زوجها .
خدي بالك اوعي تقولي له ماتعَرفش حد ولا تطلبي في اللحظة طلب مهم ولا تملي أي شروط دلوقتي لان أي حاجة حتقوليها في اللحظة دي حيعمل عكسها ولو أدت الى اذيته لنفسه لانه دلوقتي انتي عملتي له جرح نرجسي مهول لانك رد فعلك غير ماكان عايز .
لو سمحتي يا دكتور اعمليلنا فيديو عن النرجسي اللي قاعد ٢٤ ساعة في البيت نتعامل معاه ازاي تعبت وزهقت ومش عاوز يصرف ولا يعمل اي حاجة
اسال الله ان يجبر قلوب ضحايا النرجسين جبرا يتعجب منه اهل السموات والأرض
يا منتقم انت المنتقم يا الله اريني في زوجي النرجسي عجيبة من عجائب اسمك المنتقم يا الله
ربنا يخدهم كلهم بأخذ عزيز مقتدر ياااااااارب 🤲
والله كلامك درر . الله يزيدك علم وشكرا لتوجيهنا
حسبنا الله ونعم الوكيل في كل زوج يتعب زوجته وأولاده ويجعلها دائما تعيش في هم وحزن ويقهر قلبها اللهم آمين آمين آمين يارب العالمين
نفعك الله ونفع بك وزادك علما ورزقك خير الدارين وادامك نعمة في حياتي وحياة احبابك استمري من اجلنا انتظر فيديوهاتك دوما خالص تحياتي وحبي
بارك الله فيك وجزاك الله خيرا 💕💐
Thank you for your amazing advice beautiful Ms Kawther ❤️
كل كلمه قولتيها في الفديو حصلت وبتحصل وبيلعب معايا لعبه النفس الطويل والمده دي مده 3 سنين واحساسي دلوقتي انه في مرحله اعاده حساباته وانا على موقفي ومش هتنازل عنه وانا ماشيه طريق ولازم أكمله للآخر وهو ميزته الوحيده في الموضوع انه بيصرف على بيته واولاده
اللهم سلط عليه وخذه اخذ عزيز مقتدر
أهلا وسهلا بك بست الكل 🌷🌺ربنا يرزقك خير الدنيا والآخرة انت انسانة رائعة..ربنا يجعل كل تعبك في ميزان حسناتك أن شآء آلله تعالى..الله يسلط عليهم وياخذهم اخذ عزيز مقتدر
لا إله إلا الله وحده لا شريك له له الملك وله الحمد يحي ويميت بيده الخير وهو على كل شيء قدير عدد خلقه وعدد رضى نفسه زينة عرشه مداد مداد كلماته سبحان الله وبحمده سبحان الله العظيم جزاك الله خير على مجهودك وتنوير العقولنا ونصائح الثمينة ونسال الله الثبات والمعونه من عنده❤️🤲🤲🤲👍
اول تعليق شكراا لمجهودتك دكتورة 🌹🌹 ربنا يخلصنا منهم باسرع وقت🤲🤲
ربنا يبارك في صحتك وعمرك يا دكتوره ❤
الله يسعدك دنيا وآخرة آمين. شكرا جزيلا مرشدتنا في هذه الحرب
شكرا ليكي دكتورة. فيديو جاء في ميعاده
حبيبتي ربنا يسعدك ويراضيك
الله يخلينا هالوجه الفليح. بارك الله بيج ساعدتينة جثير الله يساعدج الله يأتيج بالدنيا حسنة وفي الاخرة حسنة ويقيج عذاب النار❤❤❤❤
احلي لايك .. وكومنت قبل ما اسمع 🙂🥰