九龍城超大範圍重建項目 又一舊區或將變天 | 重建有人歡喜有人愁 | 市建局未盡其責 將街坊訴求拋諸腦後？
Вставка
- Опубліковано 10 чер 2022
- 九龍城超大範圍重建項目 又一舊區或將變天 | 重建有人歡喜有人愁 | 市建局未盡其責 將街坊訴求拋諸腦後？
市建局於5月27日公布啟動九龍城重建項目「衙前圍道 / 賈炳達道發展計劃 (KC-017)」，項目一共涉及三個地盤，介乎賈炳達道、龍崗道、衙前圍道及侯王道之間，地盤面積約37,061平方米，東面地盤毗連太子道東及打鼓嶺道，北面地盤則位於賈炳達道公園範圍內，主地盤日後將重點興建住宅。預計將有1600個住戶同140間地舖受到影響。重建過後，市建局預料可以提供大約4350個住宅單位，最快於2036年相繼落成，滿佈密集低矮舊樓的九龍城，或將完全變天。
//滿佈密集低矮舊樓的小潮州小泰國
啟德機場雖已停用，但卻遺留很多因高度限制之下而衍生的密集低矮舊樓，以及係一堆「潮州嘢」和「泰國嘢」。早在二三十年代，九龍城已經是一個華人社區，工商業蓬勃，有很多生意人選擇都九龍城作為根據地。1949年後，難民為躲避天災人禍來到香港，當時已開發的地區寥寥可數，觀塘也只是一片爛地，非常荒蕪。所以有好多難民選擇前往九龍城生活，當中主要為廣東潮汕人，同時將潮汕文化傳至九龍城。老街坊們憶述，在六七十年代，整個九龍城有八成人皆為潮州人，並使用潮州話生活。後來九龍寨城清拆，雖然部份潮州人搬離九龍城，但九龍城周遭的潮汕舖頭仍然隨處可見。
九龍城區內亦有很多泰國人居住，在五六十年代，泰國商人開始頻繁來到香港貿易，而商人當中有不少都是泰國華僑，並且祖籍潮州。而九龍城當時已經是潮州人的聚居處，加上鄰近啟德機場，九龍城區的租金又比其他地方便宜，因此受到不少泰國商人的歡迎，開始聚集於九龍城生活及發展。他們人生路不熟，惟有以家鄉泰國菜及泰式按摩作為謀生工具。日子漸久，自然吸引到越來越多居港的泰國人時常在九龍城出沒，九龍城因此成為了「小泰國」。
//重建有人歡喜有人愁
在九龍城區內遊走，沿途大部分都是舊樓舊舖。舊樓的隱患不外乎為石屎剝落、天花滲水等等，令住戶飽受煎熬，相對上他們會比較樂意接受市建局的賠償方案，在外區另覓新居。但重建項目內並非所有樓宇都有需要進行重建，例如南角道聯景閣樓齡只有26年，樓宇狀況良好並無重建需要，市建局此舉無疑是在迫遷住戶。
而令街坊更為擔憂的，是市建局在過往執行的重建項目之中，從未妥善安排安置工作。早在九龍城啟德道/沙浦道發展計劃 (KC-015)中，街坊已有提出「先安置，後清拆」、「原區安置」、「分階段重建」等等的訴求。由街坊成立的九龍城重建關注組，亦有提供過一個非常詳盡的原區安置方案給予市建局作參考，但可惜市建局漠視民意，至今仍然未被採納。
拆基層屋，理因應該興建公屋居屋，基層可以負擔，亦可擴闊置業階梯，紓緩市民嘅住屋需要。但無奈市建局每次重建過後，只會興建豪宅、蛋糕樓、納米樓及商場。受重建影響居民無法原區置業，被迫去到陌生的外區重新生活，對老人家而言就難適應。加上未能做到原區安置，原區復業。街坊之間經過長時間醞釀的人際網絡建立和連繫、遠親不如近鄰的人情味、社區難得的凝聚，在推土機面前，一切一切很快便會化成灰塵，吹散到不同地方，著實非常可惜。
//市建局未盡其責
政府當年成立市建局並注資100億、給予市建局可以動用《收回土地條例》之權利，而市建局與發展商將來建起的樓宇不用支付補地價，市建局擁有優厚的條件，理應盡力為受重建影響居民牟福祉。但市建局過往的重建項目只著重商業因素，漠視街坊嘅生活環境及方式，將一個又一個的舊區，由「上而下」設計成一個又一個的倒模商品，千篇一律毫無特色。令街坊感到備受欺壓。
市區重建規劃應該要以人為本，由「下而上」建構一個合乎居民期望的社區，
保存社區網絡、地區特色、改善居民生活，這些是市建局得到優厚條件後的應盡之責。
#重建 #九龍城 #市建局
__________________________________________________________
home852VICTOR Instagram: / home852victor
🎵 Track Info:
Title: About That Oldie by Vibe Tracks
Genre and Mood: Pop + Happy
Title: Quiet Night by Tokyo Music Walker
Genre and Mood: Jazz & Blues + Calm
Title: How it Began by Silent Partner
Genre and Mood: Pop + Bright
延伸閱讀：
[塘西風月] 一路向西之塘西的森林 | 簡介香港早年娼妓業發展 | 塘西妓寨的召妓過程 | 紅牌阿姑是如何煉成的 | 風月文化不知不覺間正影響住我們？
• [塘西風月] 一路向西之塘西的森林 | 簡介...
到蓮香樓體驗上一代人的飲茶文化 | 昔日茶樓酒樓大不同 | 飲茶約定俗成的老規矩 | 消失的術語和暗號
www.youtube.com/watch?v=GeoYM...
專訪觀塘寄賣市集AMPM Mart店主 | 一件產品嘅價值 唔單止在於用途 | 冀香港人身體力行支持本地產業 | 對待本地產業需要寬容並給予機會
www.youtube.com/watch?v=u0hUh...
港式奶茶的由來及演變 | 奶茶製作六部曲！一撈二焗三撞四回五吊六冲 | 屋企DIY絲襪奶茶！ [茶記文化EP2]
www.youtube.com/watch?v=wywxM...
[行半日街] 土瓜灣懷舊之旅 | 「夕拾」舊物店尋寶 | 有200間車房嘅十三街 | 街坊先識嘅地標「維他奶」 | 到訪博物館「土家」| 土瓜灣喺未來可能唔再係舊區？
www.youtube.com/watch?v=uVBi_...
[簡單講解]天星小輪鳴笛求救！以後分分鐘冇得搭？| 客量稀少下除票務收入外如何賺取穩定收益？ | 除疫情外香港人少搭天星小輪的原因 | 渡輪被政府邊緣化？| 天星小輪甚少於政策中得益？
www.youtube.com/watch?v=-zzD5...
升KEY雀與咕姑固 - 擾人清夢的罪魁禍首｜升KEY雀只生不養極醜惡？｜咕姑固的奇怪築巢習慣？
www.youtube.com/watch?v=AnJhN...
沙嗲牛肉麵的由來及興起 | 廣為人知的背後是因為潮州人和公仔麵？ [茶記文化EP1]
www.youtube.com/watch?v=d0CwW...
[高登連登故]創意無限的高登連登仔歷年來為大家帶來了多少精彩的故事？為何能吸引眾多讀者？
www.youtube.com/watch?v=P0IMG...
淺談香港電影工業正面對住甚麼困難？為何「唔正常」的我們會拼命支持香港的文化創作？
www.youtube.com/watch?v=nDh8y...
[簡單講解] 點解觀塘成日塞車？六個原因快快講 | 見女友點先可以唔使揸戰機？
www.youtube.com/watch?v=hftfz...
當年政府成立市建局嗰陣，向市建局注資100億、
俾市建局可以動用《收回土地條例》嘅大權，
令市建局同發展商將來起嘅樓可以享有免補地價。
市建局有一個咁正嘅特權，年年都賺到fat fat，
理應係要盡做，為受到影響居民牟福祉，
而唔係恰鳩佢哋㗎嘛，淨係識得攞錢出嚟迫人走，
又冇提供任何幫助，成個社區俾你破壞晒又唔理，
呢啲咪就係失敗嘅重建囉。
噉當然有人歡喜就有人愁，真係住喺嗰啲好爛嘅舊樓，
頂唔順喇，市建局收購就梗係好啦，
雖然有筆錢可以搬，但大屋搬細屋就梗㗎喇。
但九龍城今次呢個重建項目，又有幾多舊樓真係爛到咁樣呢？冇乜囉，
喂南角道聯景閣得嗰26年樓齡，市政大廈用得30幾年，咪又係要拆。
所以今次呢個重建項目，真係唔覺得有需要囉。你係好清楚可以睇到佢係為啲乜嘢重建囉，
土瓜灣十三街啲唐樓仲舊仲爛啦，又唔見市建局去拆？講到尾都係商業考量啫。
最不滿嘅就係......嗰啲咩社區凝聚，社群人際網絡建立同連繫，
人情味呢啲。我都唔講啦好未？拆基層嘅屋，最基本嘅就係起返基層可以負擔嘅單位啦，
陰公香港仲有咁多人住緊劏房，每年房屋政策都係嗰啲都係柒嘅。
可以解決到房屋問題其實係一件好事啦，算啦都係唔好要求咁高。
想知多啲市建局嘅衰嘢，想了解多啲關於舊區重建嘅資訊，可以去舊區街坊自主促進組度睇，資料真係非常詳盡！
你係乜水？你咩組織代表到我地業主？你呢d組織真係累人累物，為反而反。
九龍城就係勁多牙籤樓
我地九龍城居民就係一直爭取很久要求巿建局做地區重建，不是單枝重建。
九龍城重建也算合理，方向也正確，將來處處高樓更為繁榮，但對於受重建影響的業主也應當有合理賠償，呎價不應太低，令業主生活困難。😔🙏
好敬重你及佩服你為做一個好嘅視頻資料蒐集及消耗嘅時間又比普通UA-camr多幾百倍, 希望你繼續堅持經營你嘅Channel。🤗
開場對白已經唔係咁合理
什麼叫先安置，後拆卸，再原區遷回？如果我係業主，搬出後買了新樓，為何還要遷回？如果我係租客，我是否想搬返原區也可以自行找租盤就得！所以所謂“原區安置”根本是唔合理的！
agree no more
其實政府有責任確保可以以一換一舊樓換新樓嗎? 這對納稅人公平嗎? 如果我係 TOYOTA 買左一架車, TOYOTA 係咪有責任每30年就換一架全新車俾我呢? 宜家巿建局不是沒有賠償, 只係你層樓值400萬, 佢地就賠500萬俾你, 當然500萬是否一定可以令居民不出分毛就可以換同等大細的全新樓這其實是有討論空間呢? 仲有, 假設我有層私人樓被重建, 你賠返間公屋俾我我會接受嗎? 你的想法是否代表該區業主的心聲嗎? 仲有, 樓舊了自然也要重建, 當然, 重建就會失去了長久建立的社區關係, 但這就正如 人有生離死別一樣, 只能懷念, 但郤不能改變時代的改變呢!
講得好！點解政府有責仕去出錢幫業主拆左舊樓再俾返全新的物業佢住？如果4百呎的舊樓值四百萬，4百呎的新樓值，8百萬，咁政府咪等於無啦啦送4百萬俾重建戶？邊可能咁樣做。
唔一定要樓換樓嘅，只係市建局每一次重建都冇起翻適合基層住嘅樓，
令到呢班受重建影響嘅住戶好難喺搵到適合搬嘅地方(大搬細就一定㗎喇)。
根據《市區重建策略》，市建局進行重建目的係「減少居住在惡劣環境人士的數目」，
局方喺進行重建時對基層市民嘅住屋問題有一定責任。
但係由市建局搞嘅重建，所有項目都同私人地產商合作發展豪宅牟利，
帶頭推高市區樓價同租金，妄顧基層房屋問題。
我真心覺得賠償嘅嗰嚿錢 真係唔係幾夠用喎。😢
所以先至會有先安置後清拆、原區安置等等嘅訴求出現，
但係咁多年嚟市建局都冇再起過安置大廈，更加唔好講原區安置啦。
用車嚟做比喻我覺得有少少唔啱嘅，始終車唔同地，
市建局收地之後，可以起返一棟棟靚靚豪宅蛋糕樓納米樓出嚟回本，仲可以賺到好多錢添。
例如係喜帖街囍匯就賺咗88億，西環縉城峰就賺咗34億。
市政局賺咁多錢，係咪應該要盡力為重建影響嘅居民牟福祉呢？
我嘅諗法當然唔可以代表所有業主嘅心聲啦，我都係拍條片廢噏下啫。😂😂
重建又係咪真係會令一個地方失去長久建立嘅社區關係呢？我唔認同嘅，
有做好安置工作，有原區安置又點會KEEP唔到呢？
我認為都係市建局未將佢哋嘅工作做好啫，有待改善有待改善。
@@home852victor9 其實住九龍城果班都唔係基層呢！我細個住九龍城，好多係前舖後居的生活，所以好多老街坊都喜歡買樓收租，重建對租戶的影響才較大。
規劃署將土瓜灣十三街列為＂綜合發展區＂成25年，市建局又唔重建發展，私人發展商又不能斬件收購，呢個韋志成正一廢官，遺臭萬年！
九龍城 重建後，新成本高好多!! 往日地下舊舖 冇得生存!!
希望你可以拍多啲！支持
多謝支持！
改建以後，當地物價更高!!!
見有人用車做比喻,但點可以用車同樓比, 我買架車返黎用, 只要佢開到行到, 揸舊車唔買新係我既事, 車廠唔會強迫收回我架車呀？! 而家收完樓, 起完既新樓單位數目比原本舊樓單位多咁多, 一個新單位幾百萬成千萬, 哩d新樓可以賺幾咁多錢, 比番一個居民住原址單位有幾難?
私人發展商重建，多數人無反對，市建局對自住業主收十足錢，出租業主衹收七成半錢，令好多小業主不滿。
加上而家加息，樓價跌，唔係得鳩罪呀，2030年啊嗰度啊都仲未拆晒
其實我覺得居民普遍都歡迎重建, 反對重建的都是區外人.....
我喺6:50 都有提到，其實重建真係唔係一件壞事，個問題係市建局嘅重建手法，佢哋絕對有能力可以做得好啲。😢
@@home852victor9 市建局係最搵笨
@@lailokleung5604 真
@wk 認同，唔知點解每次重建都會引來非居民非業主的關注
九龍城變第二個灣仔利東街！
個單車場要收皮了，喊出嚟🥲
細個試過喺嗰度仆街😂 最後條大斜路
哥仔讀下中英割據先, 遠小小由民國初前派了清政府官員守城.
你所謂大屋搬細屋係基於乜嘢？拎返7年樓齡新樓嘅等值點解需要大屋搬細屋？我識個九龍城街城等人收購好多年，但佢今次同重解範圍差在一條街所以無得比人收，佢超唔開心。我幾肯定區內想比人收樓拎錢搬新屋嘅人遠多於想死守唔重建嘅人
攞住嗰筆賠償真係可以買到面積相約嘅新單位咩？😂
其實我喺片中亦都有強調，重建唔係一件壞事，我只係想批評市建局重建嘅手法，
根據《市區重建策略》，市建局進行重建目的係「減少居住在惡劣環境人士的數目」，
局方喺進行重建時對基層市民嘅住屋問題有一定責任。
但係次次市建局搞嘅重建，所有項目都同私人地產商合作發展豪宅牟利，
帶頭推高市區樓價同租金，妄顧基層房屋問題。
先安置後清拆、原區安置等等嘅訴求，佢哋理都冇理過。
其實我都係認為市建局未將佢哋嘅工作做好啫，有待改善有待改善。😂
所以我一直講，其實最唔想重建的一直是區外人！
@@home852victor9 根本你一開始強調收你層舊樓，爆樓就可以換返面積一樣的新樓已經唔make sense了。你收走我個的鐵閘，係咪我要換拎返個黃金閘？
九龍城重建，我諗40歲嘅人，重建完畢啦都最少20年啦，分分鐘都死鳩埋都未重建完畢，你睇吓個舊機場，搞咗幾多年，到都係沙塵滾滾，由朝嘈到晚，冇教好瞓，幾萬蚊尺買啲咁嘅樓，白痴