ازاي النرجسي بيفتنك في دينك ويوقعك في اكبر الذنوب

الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتس اب الحجز 00971568496791
لينك الواتس اب wa.me/message/...
لما الزوج يكون سبب ان الزوجة تفتن فى دينها
جيتى ع الجرح فكرتينى من ١٥ سنة لما عملت عمرة ودعيت ربنا يرزقنى ب زوج صالح ياخد بايدى للجنة بعدها اتقدم لى استخرت كتير والجوازة مشيت بكل سلاسة قلت لعله خير وهو ده بس اللى حصل العكس حياتى اسودت من يومها نسيت يعنى ايه سعادة ويعنى ايه سلام نفسى واتفتنت فى دينى وبعدت عن كل حاجة حلوة كانت فى حياتى بتقربنى من ربنا بتوجع اوى لما اسمع شيخ يقول لواحدة احمدى ربنا ان الابتلاء فى الزوج مش فى الدين طيب لما الزوج يكون سبب ان الزوجة تفتن فى دينها ايه الجواب بقى
الأول خلينا نفهم يعني فتنها في دينها يعني عمل ايه ؟ حقول لكم اللي انا فاهماه من الحالات لان الكلام دة مش مكتوب في كتب ولان العلم للأسف الشديد جدا في الموضوع دة احنا واخدينه من الأجانب اللي لادين لهم غالبا يعني فهم لا بيفتنوا في دينهم ولا عندهم حرام ولا حلال ، فاحنا حنتكلم هنا من تجارب الحالات ، الأول يعني ايه فتنة في الدين يعني انه يبلبل لك افكارك ويلخبطها ويبدأ يشكك هو الحرام دة حلال ولا حرام ، هو فعلا البيرة حرام ؟ طيب الخمرة طيب الحجاب فرض؟ طيب هل الدين أصلا موجود دة اللي ممكن توصل له ضحية النرجسي وحقول لك بيحصل ازاي واوعي تقولي في نفسك الناس دي اتفتنت ازاي كدة وازاي سمحت له لان الحكم ع المبتلى بيلزم بالابتلاء وحفهمك واحدة واحدة كل الكلام دة ،
اول حاجة النرجسي بيعمل ايه معاكي بيبين لك انه ملاك باربعين جناح وبيححبك وبيموت فيكي ،بعدين يبدأ يقرب منك وانتي لسة في فترة الخطوبة ويبدأ يتمادى ويقرب جسديا بالتدريج ويمسك ايدك في الأول وانتي لو سمحتي له بدة سهلتي عليه الباقي ، ازاي يعني هي مسكة الايد دي فيها ايه؟ لا فيها كتير اذا كانت بين نرجسي واي بنت ، ليه هو مش بيمسك ايدك وبس مش بيعديكي الطريق ولا ماسكك وماشيين تتكلموا لا دة بيقعد كدة ويركز في عنيكي ويقول لك كلام معسول ويمسك ايدك واعتقد مش محتاجة أقول اكتر ، وهنا هو بدأ يتحرك جوة مشاعرك وعقلك وبدأ يحرك فيكي رغبات واحتياجات والمقابلة اللي بعدها يحط ايده على كتفك لمدة ثانيتين من باب انه يصالحك مثلا ، والمرة اللي بعدها وحشتيه فحيحضنك اوي وتستمر الحكاية لحد مايوصل للي انتي حتسمحي له يوصل له ، المهم ان انتي أصلا بتكوني بنت محافظة ومتدينة جدا وبيور وخام جدا غالبا لان هو بيحب النوع دة فلما تلاقي نفسك بتدخلي معاه في الهليز دة بترجعي تلومي نفسك وتجلدي ذاتك وتقولي له حرام وهو يقول لك لا مش حرام انتي مراتي واحنا ادام ربنا زوجين وكلام فاضي ما انزل الله به من سلطان وهنا الا في الفتنة سقطوا اذا صدقتيه حينطبق عليكي الكلام دة وهي دي بداية الفتنة في الدين طيب حصل اللي حصل او ماحصلش واتجوزتوا وفضل كيوت وجميل وخصوصا لو خفي ولسة له منك أغراض كتيرة لسة حياخدها منك ولسة ناوي يوقعك في الفتنة اللي هو غرقان فيها سواء عن وعي او لا وعي ، ازاي الخطوة بقى اللي بعد كدة انه يخليكي تدمني العلاقة الحميمة وبتكون مثالية جدا وانتي فعلا بتدمنيها وخدي بالك هنا بنتكلم عن الجسماني والنخبة ، وبعدين بعد ما ادمنتيها يبدأ يطلب منك حاجات حرام اما تتفرجي معاه على أفلام اباحية او يطلب علاقة محرمة او يطلب منك علاقة ثلاثية واسوأهم بيطلبها مع راجل مش بنت يعني انتي وهو وبنت والاسوأ انتي وهو وراجل او تبادل الأزواج ، انا عارفة ان فيه ناس حتتصدم من كلامي حتى صاحبة التعليق ممكن تقول لا مش دي الفتنة اللي اقصدها انا عارفة ان الكلام دة مش كتير لكن مش نادر مش قليل للأسف ، المهم اني عايزة انبهم انه مش بيحصل مرة واحدة كدة وانتي في كامل وعيك لا هو بيجوعك كويس فترة طويلة حارمك من العلاقة وبعدين ييجي يلخبطك ويبعت لك صور اباحية وبعدين يقول لك عادي كل الأزواج بيبعتوا لبعض ويتحايل عليكي تتفرجي معاه على فيلم ويتحايل زي الشيطان ويقول لك مرة واحدة والله وخلاص المرة دي بس وانتي لانك جعانة حتوافقي ويقول لك انا وانتي ومش حرام وربنا عارف واحنا زوجين وكلام مقزز ومقرف وكله كذب وفتنة ، المهم بيوريكي في الأفلام دي اللي هو عايزه منك وبتكون تقريبا تعليمية بيعلمك ويعلق تعليقات ان هو دة اللي عايزك تعمليه وانك لو عملتي دة حيعمل وحيشتري وحيكتب لك وحيديكي وخصوصا لوكان بخيل عليكي كمان فبيحاول يغريكي بكل الطرق ويدخل الحب اللي انتي محرومة منه في الموضوع ولو بتحبيني و... ولو رفضتي يزعل وياخد جنب وانتي مش بتحبيني ومش عايزة تضحي عشاني وانتيب تبخلي عليا ، المهم الدي ع الودان امر من السحر وهنا بتقعي في الكارثة اللي بعدها وقعتي في الفتنة انا مش عايزة أتكلم اكتر من كدة في الموضوع كفاية أقول لكم انهم بينجحوا انهم يقنعوا الزوجة المتدينة الملتزمة بيقنعها بعلاقة ثلاثية وبتقع فعلا في الفتنة . دي اكتر أنواع الفتن اللي بتحصل ، فيه بقى نوع تاني ودة باقي أنواع النرجسيين وهي فتنة المال ، ازاي نجيب فلوس ومش مهم مصدرها ويقنعها ان الحرام حلال ،الربا يحلله ويقول لها بصي احنا حنديه الفلوس وهو حيشغلها وحيدخل له ربح فلما ييجي يردها يدينا نسبتنا من الأرباح واصلا اللي بيستلف يكون حيعمل بيها عملية ولو هي قالت له كدة حيقول لها انا أيه ذنبي لو الفلوس فضلت معايا كانت حتجيب لي كذا في الوقت اللي هو واخدها يبقى من حقي اخد ربحي دة ، وبالزن برضه كالعادة بتقع في الفتنة ، وحاجات كتير تانية انا قلت لكم الشائع والمنتشر منها طيب فتنك في دينك وبعدين؟ خلاص كدة نقنط من رحمة ربنا؟ ونقول خلاص لا رجعة ولا نقول انا استخرت وربنا يسرها فهو كان عايزني اقع ولا ربنا أصلا مش بيحبني عشان كدة سابني له يعمل فيا اللي هو عايزه ويفتني في ديني؟ تبقي بتظلمي نفسك . أصلا انتي استخرتي هل كنتي مفوضة في الاستخارة
#صحةـنفسية #القوة #الاكتئاب #النرجسي #النرجسية