كيفية الكشف على رداخ بنزين السكوتر . من اسباب عدم الدوارة جزء ٢

bit.ly/scooterc...
حمل تطبيق اسأله وأجوبه عن الاعطال التى تواجهك
**********************
#سكوتر
#scooter_clinic
سكوتر حوا r8
فيه جزء مهم جدااا انك تكشف عليه لما الموتور يبطل ويبقى مش عاوز يدور انا نسيت اقوله فى الفيديو اللى فات وللى مشافش الفيديو وحابب يشوفه هسيب اللينك بتاعه موجود فى الوصف
• اسباب . السكوتر لما يس...
بسم الله الرحمن الرحيم والصلاة والسلام على سيدنا محمد
جزء تانى من اسباب عدم دوارة الموتور
مهم جدا تكشف على رداخ البنزين اول ما يحصل العطل
او فى العادى لو مش عاوز يدور برضه المفروض تكشف علىيه عشان تتأكد انه بيضخ بنزين
ايه هو الرداخ ده للناس اللى متعرفش ..
رداخ البنزين موجود فى الصوره قدامنا وله اكتر من شكل ولكن الفكره واحده فى كل الاشكال …
دوره ايه
بيسحب بنزين من التانك ويوديه على الكربراتير
ملحوظه
فيه ناس بتشغل الموتور من غير رداخ والكلام ده هينفع لو التانك اعلى من الكربراتير زى فى الفيدل مثلا او الاس تى او بينيللى كلاسيك وبعض الانواع اللى التانك بتاعها اعلى من الكربراتير لكن لو التانك تحت الكربراتير زى السكوترات الماكسى او البينيللى سبورت مثلا فهيبقى صعب ان البنزين يطلع من تحت لفوق ولازم يكون فيه رداخ لان هو اللى بيسحب البنزين من التانك ويضخه على الكربراتير
وعموما المشى من غير رداخ مش صح لان لو حصل تسريب لا قدر الله من الخراطيم او من الكربراتير وانت ماخدتش بالك هيفضل يسرب بنزين لغاية ما يخلص البنزين حتى وانت راكنه لان مفيش حاجه تحكمه
الرداخ دوره انه يقفل على البنزين وميسمحش بمرور البنزين الا لما يجيله اوردر من خرطوم الفاكيوم اللى بيبقى جاى من كوعة الكربراتير وشابك فى حرف تى مع الخرطوم اللى جاى من الكربراتير
تعالو نشوف وصلاته ونعرف بيشتغل ازاى
هنتكلم عن الرداخ اللى فيه ٣ فتحات وده اللى غالبا موجود فى كل السكوترات مع اختلاف شكل الرداخ
عندنا مكان للخرطوم اللى جاى بالبنزين من التانك
وعندنا مكان للخرطوم اللى رايح بالبنزين على الكربراتير
والمكان التالت جاى من كوعة الكربراتير وده بيكون جاى بهوا عباره عن انفاس شفط وطرد
والشفط والطرد ده بيحصل نتيجه لحركة الصباب فى الفتح والقفل
يبقى الرداخ لما بيحصل عنده شفط فبيشفط من التانك ومع حركة الطرد بيطرد على الكربراتير وطبعا دا كله بيحصل فى جزء من الثانيه وكل ما تزيد سرعة الموتور بتزيد حركة الصباب وبتزيد حركات الشفط والطرد .
طيب
هنكشف ازاى على الرداخ
بكل بساطه هنشيل الخرطوم اللى خارج من الرداخ على الكربراتير اللى هو فى الصوره ده وتفتح كونتاكتك وتلف بكرة البنزين على الاخر وتدور الموتور
لو ضخ بنزين بشده يبقى الرداخ سليم وزى الفل
ولو مضخش بنزين يبقى طبعا مش شغال ولا زى الفل
وفى الحاله دى يبقى عندنا شوية احتمالات
اما ان الرداخ عطلان
او ان التانك مفيهوش بنزين
او يكون الصباب فيه مشكله ومش بيتحرك وبالتالى مبيحصلش عملية الشفط والطرد
وقصة عطل الصباب دى نتكلم فيه فيديو تانى ان شاء الله
يا رب مكونش نسيت حاجه ومتنسونيش باللايك والشير
استودعكم الله والسلام عليكم ورحمة الله وبركاته
#سكوتر
#scooter
#scooter_clinic
#سكوتر_كلينيك
#GY6_fuel_valve
#fuel_petcock