ဆယ်ဂျုံးဘုရင်မင်းမြတ် အပိုင်း(၁)

🎀စာအညွှန်း🎀
🌹ကိုရီးယားနိုင်ငံ၏ ရှည်လျားလှသော သမိုင်းကြောင်းအဆက်ဆက်တွင် ချန်လှပ်ထား၍ မရနိုင်သော အထင်ကရ ပုဂ္ဂိုလ်ထူးတစ်ဦးဖြစ်သည့် ဆယ်ဂျုံးဘုရင်မင်းမြတ်၏ ဘဝဇာတ်ကြောင်းအစုံအလင်ကို ဖြစ်ရပ်မှန်အတိုင်း အပိုအလိုမရှိ ဂုဏ်ပြုရေးသားထားသော အတ္ထုပ္ပတ္တိ စာအုပ်ကောင်းတစ်အုပ်ဖြစ်သည်။
🌹ညှို့ယူဆွဲငင်အားကောင်းသော ဤအတ္ထုပ္ပတ္တိတွင် စာဖတ်သူအားလုံးအနေဖြင့် ဆယ်ဂျုံးဘုရင်မင်းမြတ်၏ ပြည်သူများအပေါ် ထားရှိသော ချစ်ခြင်းမေတ္တာကြောင့် ကမ္ဘာပေါ်တွင် ဆန်းသစ်တီထွင်မှုအရှိဆုံး ကိုယ်ပိုင်စာအရေးအသား စနစ်ဖြစ်သည့် ကိုရီးယားအက္ခရာကို မည်ကဲ့သို့ စတင်တီထွင်ဖန်တီးနိုင်ခဲ့ကြောင်းကို ဤစာအုပ်မှတစ်ဆင့် လေ့လာသိရှိနိုင်မည်ဖြစ်သည်။
🌹ဆယ်ဂျုံးဘုရင်မင်းမြတ် ချန်ထားရစ်ခဲ့သော အမွေအနှစ်သည် ကိုရီးယားအက္ခရာ စတင်တီထွင်ဖန်တီးခြင်း တစ်ခုတည်း၌သာ အဆုံးသတ်ခဲ့ခြင်း မဟုတ်ပေ။ သူ၏ နန်းစံသက်အတွင်း သိပ္ပံပညာနှင့် နည်းပညာမှသည် အနုပညာနှင့် ယဉ်ကျေးမှုအထိ နယ်ပယ်များစွာတွင် အံ့မခန်း တိုးတက်ပြောင်းလဲမှုများ ရှိခဲ့သည်။ ဆယ်ဂျုံးဘုရင်မင်းမြတ်မှတစ်ဆင့် ကျွန်ုပ်တို့သည် ခေါင်းဆောင်တစ်ဦး၏ ကြီးကျယ်မြင့်မြတ်မှုဆိုသည်မှာ ထိုခေါင်းဆောင်၏ ရာထူးအာဏာတွင် တည်ရှိခြင်းမျိုး မဟုတ်ဘဲ တိုင်းသူပြည်သားတို့ကို ရှေးရှုသည့် စစ်မှန်သော ချစ်ခြင်းမေတ္တာနှင့် ထိုချစ်ခြင်းမေတ္တာကို လက်တွေ့အကောင်အထည်ဖော်ရန်အတွက် စဉ်ဆက်မပြတ်သော ကြိုးစားအားထုတ်မှု၊ စိတ်အားထက်သန်ပြင်းပြမှုတို့တွင်သာ ရှိကြောင်း နှိုင်းချင့်တွက်ဆမိလာခဲ့သည်။
🌹ဆယ်ဂျုံးဘုရင်အနေဖြင့် သူ၏ နန်းစံသက် (၃၂) နှစ်အတွင်း အကောင်အထည်ဖော် လုပ်ဆောင်ပြခဲ့သည့် အရာတိုင်းသည် တိုင်းသူပြည်သားတို့၏ အနာဂတ်ဘဝကောင်းစားရေးကိုသာ ရှေးရှုလုပ်ဆောင်ခဲ့ခြင်းဖြစ်သည်။ ထို့ပြင် ဂျိုဆောင်ခေတ်၏ အာဏာအရှိဆုံး ဘုရင်တစ်ပါးပင် ဖြစ်လင့်ကစား မိမိဆန္ဒသည် ပြည်သူတို့၏ ဆန္ဒနောက်တွင်သာ ရှိပြီး မိမိကိုယ်ကျိုးထက် အများကောင်းကျိုးကိုသာ လိုလားသော စိတ်ထားဖြင့် နယ်ပယ်ပေါင်းစုံတွင် အများထက် အမြဲ ခြေတစ်လှမ်းသာအောင် အမျှော်အမြင်ရှိရှိ တွေးခေါ်ကာ လက်တွေ့ဆောင်ရွက်တတ်သူတစ်ဦးလည်းဖြစ်သည်။
နောက်ခံစကားပြော - နှင်းသက်မေထွေး
Please Like & Subscribe