'E QUARTIERE SPAGNOLE
Вставка
- Опубліковано 3 жов 2024
- 'E QUARTIERE SPAGNOLE
Nun date retta a cchillo ca ‘o scunziglia
‘e cammenà pe ddinto a ‘sti quartiere
ca chi c’è ghiuto se fa meraviglia
e ccagna sempe in meglio ‘stu penziero.
E’ ccome a ‘na città dint’ â città
chiena ‘e culure ‘e panne c’ànno stiso
addò ‘nu poco ‘o sole e ffa asciuttà
e addò vide ‘e panare semp’ appise!
‘E ffemmene s’affacciano ê bbalcune
si passa ‘o verdummaro ca lle canta:
“A cquant’ ô chilo ‘e ffaje tu chesti pprune?
E cchillo allucca, risponne e ...tte 'ncanta:
“Femmene bbelle addò state, acalàte,
scennite ‘stu panaro e ppo vedite.
A cchistu prezzo ll’aggio rialàte,
songo squisite, pruvate, currite!”
Quanta vitalità ca truove cca,
e nun te siente sulo cu ‘sta ggente,
ca pure si se trova in povertà,
‘a meglia parte nunn è mmalamente!
Carmen Auletta