Вставка
- Опубліковано 30 лис 2022
- #MM #700萬種生活 // 搬入上水過仿古生活 創自家生態循環 用旱廁回收排泄物做肥料種本地農作物 用太陽能家電 每日平均僅花3度電 媲美林超英！
留意減廢活動的人，一定聽過日青這名字。她10年前創辦Oh Yes It’s Free，一個免費回收換物的減廢平台，帶動減廢的思維。2017年因緣際會，跟戚師傅遷到蕉徑。
「你哋會唔會寫到，我哋啲鄉郊生活又Chill又浪漫㗎？我哋唔係咁㗎喎，好複雜㗎喎！」電話裡的日青劈頭就問。 鄉郊生活，除了耕田賣菜，還有許多想像。不是一個農業園，「請班農夫入園種菜」就一樣的。這裡濃縮了他們幾年來看書，看UA-cam，上課上講座，學回來的知識。目標是用自己能做到，又舒服的方法，過最低碳的生活。今晚Elaine就在此住一晚，我們一起看看他們怎麼生活吧。
溫馨提示，請click開林海峰的《返鄉下耕田啦你》，歌裡的「臣服大自然奧秘」同「刮暴雨十七級風，乜都冧晒 ，全部冇晒」，是受訪者的真實寫照。
█ 成屋都係執嘅
這間屋，9成東西都是撿回來的。大廳有用紅酒箱砌成的日式圍爐裡。中間放個中式大鑊，平時在鑊上燒柴生火，煮煲仔飯，烤田裡採來的蔬菜。衣服、杯盤碗碟來自《我個世界無垃圾》的Gibson。髒了的麻色上衣，染樂工房的Eric幫忙染成漂亮的藍色。兩個北歐品牌咖啡壺，來自兩個不同的場合；幾個小巧玻璃杯，是雞精樽。「可能我們已過了看外表的年紀，現在覺得適合就好。」省下的錢，豪氣地買本地食材和二手物品，支持大家的減碳路。他曾花千元向Gibson買了套Armani西裝，卻附送了Gibson撿的三套港女煲。
屋外有60年代掘下來的水井，連大學教授都要來研究，接駁逆滲透濾水器就直接有純淨水喝了。
家裡如電燈、熱水、電飯煲、雪櫃及咖啡機等設備都以太陽能驅動。後園大叠大公司「Upgrade」綠色設備時換下來的二手太陽能板。太陽能能源，儲存到24V的汽車充電器裡，家裡電器換成24V汽車電器。他們還是有用市電的，支撐二手、洗衣機、雪櫃，偶然要用的焗爐電費。每日平均花電2至3度，乘兩個月，與交電費最低消費400度電尚有成倍距離。拍得住林超英1月時貼出的自家電費單。
一定有人幻想這麼早遁入鄉郊過簡單生活「未來堪憂」。惟戚師傅是工程判頭，日青是自由業者，曾為演藝學院教書，跟朋友辦導賞團，討論活得「更減碳」同「優質生活」的平衡。他們在日本鄉郊買了房子，你真係唔使同佢哋憂。
█ 屋企就是小型生態循環鏈
萬事俱備，戲肉了。
黃昏，我們在田裡生火煮晚餐。不時不食，及盡量食本地農產品。如田裡的早水蘿蔔、莧菜苗； 隔籬秀秀農場的紅肉木瓜； 大棠出品漢堡菇。為了減低不經意的碳排放，他們只挑選最遠2000公里內的食物。當木柴燒到變灰前，用泥土真空蓋熄它，隔天會變成炭。把樹木曾吸收的二氧化碳鎖在炭裡，或撈起來，成為旱廁的墊料。是的，她家是用旱廁的。吃了沒農藥的Farm to Table，腸胃勁潤滑，大便極暢通。那乾淨天然的營養不能浪費。他們以澱粉袋套起廁桶，以晚飯燒完的炭作墊料，蓋起糞便，送回田裡發酵堆肥。從太陽能、水井、種田、燒柴煮食，到營養回歸土裡。然而六個人，花了兩小時煮出一桌盛宴。好玩，但好肚餓啊！日青卻不嫌麻煩，「可以逃出石化能源，完成碳循環，其實好開心。」
戚師傅初來幫忙開荒之時曾被紅火蟻咬： 「那次我以為自己死梗。」日青則覺得，蚊、蟲、濕度，你總有辦法習慣適應，鄰居用殺草水，她吃了沾了殺草水的農作物會頭痛、眼窩痛、頸痛。她嘗試用半個鐘給農居，殺草水清雜草，但對方讓她看醫生：「吃藥，你就可以接受殺草水。」過去做社會運動，覺得不對的事，日青總會大聲說出來，但原來當目標是鄰居，「唔知點解覺得好難解說。」「這是我未學習到的，如何很委婉、溫柔，受落地說下去。」
生命裡，任何時候都有讓人學習的事，除了研究碳循環，與村民相處，都令生活變得豐富精彩。「可惜我們沒時間，這裡快消失了。」蕉徑的農業園計劃將於2024年開始。現役農夫將可入農業園做「員工」，「繼續耕種」。記者去做資料搜集時，才看見挖土機在農田的遠方，三星期後的拍攝天，挖土機已來一片菜田的水溝前。勁有效率。
大家念口簧都愛說，「撈唔掂」就「返鄉下耕田啦你！」或「種菜就梗係攞去賣啦！」是日青的禁句。雖然未來也許都沒得講了。只要你真心住過，努力適應過這裡的風霜雨霧； 研究過如何讓農作物，不靠農藥在惡劣天氣依然長得樣靚身材正，這話你一定說不出。「『撈唔掂就返鄉下耕田』得農二代有資格咁講，因為他們從小在田邊生活，知道乾濕冷暖，空間距離，我哋都要捉摸好耐才能做到。這是一個很高技術的，累積而來的生活智慧，你不可以輕視它。」
策劃：陳慧敏
主持：陳伊鈴
攝影：葉沅晴 潘志恆 許先煜 伍永健
剪接：葉沅晴
插圖：黎安敏
監製：王秋婷
#上水 #減碳 #日清 #旱廁 #本地農作物
#太陽能 #林超英 #陳慧敏 #MM_Man #MillMILK
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 UA-cam APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記：
@@旱廁原來唔臭，
有沖水廁所的鄉郊就有化糞池，然後有蚊，出動之時係癲到撞入你耳仔。
執或用二手物品唔係因為「無錢」，係因為「咁多嘢用唔晒做乜仲買啫？」
錢呢，可以儲起，或用嚟支持同道人。
@@一講鄉郊生活，大家都會講好Chill好Hea好輕鬆。
但真係唔係。Research之時，，她send了一堆關於自製旱廁、酵素、營養循環、大規模製作太陽能板產生資源問題的UA-cam片給我「預習」，淨係屋裡的小型圍爐裡，她：「睇過沙漠文化、西部牛仔、Hangi cooking(紐西蘭傳統自然煮食法)、還有Biochar的爐頭設計。。。。。。」
每問一個問題，每摸一件家品/Setting都會多一條片，上多一個Leature，開多一個我無諗過的宇宙。（可襯X-File配樂，唔該。）作為一個理科白痴，我連自己喺邊部份Lost咗都未必講得出。看似原始的生活，裡面有好多前人經驗，或後代科學在支撐。
@@然後，當你專心至志砌好心中的宇宙，生活一樣有枷鎖。
日青好少出街食嘢，佢話「種咗嘅菜，遲咗摘食唔切會變黃，嘥咗; 燒少幾次柴，不夠炭做旱廁，個碳循環又斷咗; 出街，啲糞便留咗喺商場廁所，營養又流失咗，心情有啲失落。搞搞吓都好似被土地綁住咗咁。」不過講完佢又夾住舊炭笑笑口講呀講，幾有滿足感。
醒唔起X File嘅音樂，個腦不斷loop Rick and Marty 😂
🤣我真係聽到好迷失㗎
返去睇片明返
可能做造個火箭爐更好
其實用全世界用炭火煮食 地球會係幾年內冇晒植物 所以根本唔持續 希望唔好鼓吹
見到佢地，發覺林超英原來都唔算發燒，佢地生活要非常多的知識，非一般的專注力。最難得是找到同一理念的另一半。
我地都有用"林超英小風扇". 方便又舒適
只要你喜歡，就會鑽研，不會覺得深奧，氮、磷、鉀、二氧化碳、碳排放、太陽能、旱厠、堆肥、廚餘跟黑水虻與種植......
日青，您好嗎？與妳初見面，係完全不懂種植，都係由工廈的秘密小天地，到復耕計劃租到焦徑開始了，還是有另一半同行同一理想，慢慢走到簡約生活。
如我現在喜愛釣魚，水流、風向、魚餌、目標魚、水面魚、綫厚度、拉腳線、綁結...初時以為繁複，對老太婆我快60歲，吸收係緩慢，但都能初步掌握。
我得，你實得💪加油，只要想
Elaine 訪問技巧不會overpower被訪者，係一個令人睇得好舒服的主持。
50萬訂閱！Congratulations!太厲害了！
700萬種生活係我最鍾意嘅MM系列，今集呢種生活，我真係做唔到，非常佩服日青同戚師傅可以，實在大開我眼界！多謝MM！Elaine呢集表現好好👍
多謝☺️呢隻故仔係Elaine負責做主持， Ah man喺背後策劃。
買本地菜唔難丫
多謝日青同戚師傅呢個訪問
又學到野又可以體驗下低碳生活
Btw戚師傅都好型仔😂😂🥰
Elaine 嘅故仔越嚟越高質素越嚟越好睇
呢個故事係阿Man做嘅，Elaine負責出鏡體驗
改變世界，由自己做起，今集兩位主角身體力行，令人佩服！雖然呢種生活並非人人可以做到，但都可以作為一種inspiration。環保不是去買一堆聲稱「環保」的物品，而是物盡其用，自己需要幾多用幾多，減少浪費，看兩位主角的生活方式，就是極好的參考。多謝MM做出好睇又有意義的訪問。
相比D向名畫澆廣告彩/示威宣揚要環保人士,今次嘉賓高質👍👍
係真正嘅 #環保人 而且唔係排斥所有環保方法,見有D食材香港冇,都盡量買近D嘅產地減少碳排放,唔係一味苦行憎方式去環保,做少少,例如片中所提一個lunch 熄下燈,又唔影響正常生活,莫因善小而不為👏👏💪
城市人多d買本地菜是最易做的低碳生活
人都無得搭飛機
食幾條秋葵要飛過來實在太高碳
@@hkecowitch 而家都多咗農墟或者菜包買，易咗好多呢
呢種題材好好睇，而家生活壓力好大好辛苦，睇吓呢D片會成個人輕鬆好多，多謝你哋嘅制作！！！
做得越嚟越好喇Elaine! 已經掌握到MM嘅節奏，加油。
恭喜MM 50萬訂閱！預祝你哋呢家人越嚟越多新成員加入你哋繼續發掘新故仔。
多謝Alvin! 呢隻故仔係Elaine負責做主持，ah man喺幕後策劃㗎。
但反而鍾意 慢D 既 2ling 😊
新一代MM女神Elaine高級美食又得, 貼地低碳生活主題又handle到厲害,加油!
真心好勁要好多知識技術先實踐到呢種生活！希望有一日都可以遠離塵囂過得舒服自在😿
好玩的噢
這是我小時候的生活，在林村。放學後，下田耕種，上山執枯樹乾草回家煮飯，閒時一班小同伴山澗暢泳，無憂無慮的日子，好懷念
17:42 嗰位係蕉徑文哥，近日因為農業園收地令佢忙於將有營養的面泥搬去另一邊，近日出唔到菜俾日常豊作了。
#店主A 自10幾年前係fb搵環保資訊，總會見到日青呢個名，後來自發嘅回收站又學多咗嘢。始終我係城市長大的人，總會諗住九龍係咪就環保唔到？其實一樣好似日青同戚師傅咁諗，慢慢研究慢慢試。
我希望試下，一個社區嘅人可唔可以支持到一間社區環保雜貨店嘅營運，至少支持到我店主一個人嘅基本生活支出，好努力咁搵緊方法，每週將蕉徑嘅新鮮菜帶到九龍，但除咗無大陸菜個排生意好之外，平日就好少人訂菜。近日因氣候異常，本來應該有冬天菜同莖菜都少。依家環保仲有無用？我會覺得至少盡咗力試。
能夠過低碳生活,真係需要既係一個人有好勁既理想同知識
即係低炭既好多麻煩,對於我地黎講就係單純既麻煩
但係對於佢地而言,係對於理想既不停嘗試同實踐,個意義係完全唔同既
佢地係先行者,為未來既人開拓唔同生活方式既可能性
低碳生活的知識真好精彩！愈學愈有。 但，又原中學 phy chem bio的已經可以解決到大部份以為要打仗才可解決的能源問題。
令人費解
@@hkecowitch 現代人貪舒服、貪方便、追求所謂經濟增長，不顧一切竭澤而漁，今日的結果，一個「貪」字可以總結，一點也不費解
好鐘意戚師傅介紹井嗰part👍🏻. Respect 佢哋兩口子嘅生活態度。
致敬真正環保人士👍
What is "環保人士" ??..... Where are the local farmers gone to? And why isn't the next generation of Heung Yee Kuk doing this kind of work as well any more ???... Why ?....
Elaine 啲片睇得好開心佢個人好有活力 ❤
Elaine 愈做愈好，有自己嘅style ！加油
Elaine搵呢個故事好有趣好好睇 同埋佢真係好可愛😍👍
好佩服好欣賞故事主角 好厲害!!!!!
好中意呢條片，親近大自然好减壓✌️，神仙眷侶的樸素生活~心向往之。
Thank you MM。
一年50萬sub真心好癲！繼續衝呀MM！
17:34 留下來的香港人，其實進步了，聽見而感激。
👍 睇完Elaine幾條去荒山野嶺片，覺得真係好啱佢
好難得倆口子是同道中人,👏👏👍
超級好笑的一集，尤其男主角解釋何時使用濕廁。Can’t stop laughing during watching the whole episode. 😂
👍👍👍好厲害的一對環保勇士！尊敬你倆呀！多謝MM介紹及製作。🙏🙏🙏
恭喜MM 五十萬訂閲🎉🎉🎉
加油！繼續努力。
好好睇、好感動！
好喜歡呢個節目
多謝報導
support 身體力行嘅真.環保人
好佩服呢種生活，亦都好欣賞呢種生活 ! 😘
佩服你倆
影片令人思考許多自己的生活，節目有內涵！
好想試下，多謝您們的片
超厲害👍👍👍
好大嘅決心同毅力堅持，非常佩服！
謝謝分享❤❤❤佩服兩位的環保生活❤️🙏🏼❤️
具備一定的能力⋯才有得選擇😅👍🏻
支持，有得選擇先至係人生💕💕💕💕💕💕
純樸的自力更生。
不錯的農村生活
我真係好鍾意睇你哋嘅題材，增長知識之外，真係令人大開眼界！衷心感謝您們的努力💪❤❤❤
難得人生，看見兩位的面容，健康快樂！早日結婚！
好正🎉
佩服
主持做得好
減碳生活原來需要好多知識先去得盡呢😮，Elaine 叻女新片好睇有深度🎉
Elaine is the eternal sunshine of the spotless mind 🤣
I went already in their place ...and I love it
羨慕！
勁！Thx and support!
好正❤
真心佩服
十年前見過日青，佢係一個好熱心既人
Elaine 好可愛❤
日青嘅成就等同Steve job喎～戚師傅成個小fan屎咁，好sweet好閃呀！
Thanks for sharing!
生活可以有好多唔同嘅方式/方法…旁人未必理解…只要自己承受到個唔方便/ 麻煩就可以…respect💪🏻
我都好鐘意睇Elaine 嘅古仔👍🏼
敬佩
mm好好睇❤
二拎好好呀
貓貓好靚
多謝！
Very good production
好睇過電視多多聲! Very Good
I really enjoyed this video a lot! 你地個種執着REMINDER ME 我自己曾經為左環保而食左素 2年既經歷，多謝你地令我回想起個種感覺。我好開心，其實700萬種生活真係好正，就算係香港呢個咁AISAN and 物質化既社會，你地可以做到咁，我真係覺得你地好勁！真心SUPPORT！繼續開心 and enjoy! have a great one!!!
500k subs!!🥳MM絕對值得更多！
👍❤️💪主要解決到去沖涼🚿及去廁所🚽問題，其他不是問題啦！真的係一種體驗。
多謝MM介紹香港人可有不同生活
正喎！好有感染力
佩服
柴火煮食好正嘎。諗起以為如區紀復那種簡單生活。
謝謝mill milk.分享
感恩佢哋成為我曾經讀過嘅course 嘅 field trip tutor
elaine 加油,你好好睇
好偉大
19:28 超可愛
太陽能系好有用! 大白天時還可以推動一部小冷氣...小便可以直接流落田野, 但大型就迫著要用水廁了...
Real ECO flighter .....appreciated to
You all guys who may suffer
Or enjoy it.....
幸福
男～好有型
Elaine 好cute
謝
Love you 500K
真係好難做得到，好佩服佢地兩個。
Thanks ❤❤
易拎產量都好高
Respect!
你地開左個好好嘅頭，本地offgrid是可行的，謝謝
Congratulations 500,000 subscribe 🍾🍾🍾🍾🍾
勁
佩服，唔係人人做到
不如整個古老灶呀，不用浪費太多燃料及不用煙到自己，好好用既
好
日清，昨天高興在講座認識你
Oyan 多謝你願意同我哋分享❤ 真係好感動
NICE
大家都咁生活法好快變生存.