شيلة ( راعي البويضا وخيالها ) مهداه لمقام

#نواف_أبن_ملحم #زيزوم_وايل.
ياكفي استل القلم من هامتي فاض القصيد
في راسي اللي يقهر الهزلة ولا يشقالها
جنيةٍ غليتها بكبال واصفاد الحديد
من عقب ممسيت ولقيت مقطعات حبالها
تقدح محاجرها شعر يدوي كما صوت الرعيد
في ساحة اللي للجزايل هامته غربالها
مجنونةٍ عيت تنام ورهطها كله رقيد
مطنوختن مالومها ساس البلا شيالها
شيالها من لابتن تاطا على خشم الضديد
واما الصديق لعزوتي يبشر بطيب افعالها
هل البويضا لابتي ورادت الموت الشديد
اللابة اللي نوخت راس الخصيم قبالها
ربعي حسنة تاريخهم حافل قديمه والجديد
بالمرجلة وبطيب العلوم بجميع اشكالها
ربعي هل السيف الحدب ربعي مزبنت الطريد
ربعي صواعد لا اعتزو ربعي بحمص رجالها
ربعي مرشقة الفشق ربعي هل الجيش العتيد
ربعي مكرمة الضيوف اللي تناطح فالها
ربعي نواقيص الخطر شامت لهم حمص الوليد
العزوه اللي حققت كل خاطرنٍ يطرالها
ربعي هل الواجب هل الناموس والعلم المجيد
ربعي كعام المعتدي ثوب الفخر يزهالها
ربعي مطنخ من طناخة نايفٍ في راس حيد
طلق المحيا شيخنا اللي شايلنٍ لثقالها
ليث المواقف والشيم اللين الصلف العنيد
ريف اليتامى والضعوف اللي قضى عيالها
شيخ التواضع والمكارم صاحب الراي السديد
عز الرجال الوافية ومايلتفت لسفالها
نواف ابن عبدالعزيز الملحم العقل الرشيد
عليه دار العز تبني بالصميم امالها
لاهنت ياوجه السعد يالذيب ياشبل الفقيد
يالشيخ ياللي بالفخر ربعك فدتك رجالها
دامك سليل اهل السطر دام انت لطراد الحفيد
هاك الامير اللي مشرف سوريا وابطالها
ودامك ابن شيخ الشيوخ اللي على عهده فريد
له رحمة الله وجنته بسهولها وجبالها
اقدم يا ابو عبدالعزيز بهيبة المجد التليد
وبهيبتك ياراع البويضا وياخيالها
علي ملحان