قصيدة في الشهيد "خالي سعد" - فايز البخيت
Вставка
- Опубліковано 9 лип 2021
- بسم الله أبدا وأشكره .. وأثـني عليه
منزل تبـارك .. والتغـابن .. والرعـد
نطلـبْك يا اللـي .. نرفع ايدينا إلـيه
واحـد أحـد .. ما لك ولد .. فردٍ صـمد
تحفظ ملكنا العـادل الحـزم النزيـه
وتعـزّ شعب المملكة .. بنت وولـد
وإنـك توفّـق صاحب الراي الوجـيه
وإنْ تدحر الكفار .. وأخصـام البلـد
سـلام .. وكل إنـاء ينضح باللي فيه
والعـز ساعة من زمـن .. أمـا بعـد
هذا الوطن .. دونه اجنـودٍ تحتميه
من ماضـي الأزمان .. وإلـين الأبـد
شجعان صدق بدون كيف ولو وليـه
وما فيهم اللي قد توانـى .. وابتـعد
في دورنا مستامـنين .. ومعلـيه
وبفضلهم بعد الله نعيـش فـ رغـد
وقبل أمس .. رنيَـه ودّعت من تحتـويه
نبكي فـراقـه .. ونتبـاشَـر بالســعد
دون الوطن والدين .. عمره مفتـديه
يقبـل ولا يدبـر .. ليا حان الوعـد
وهذا فخـر .. هذا شـرف .. كلن يبيـه
شهيـد بإذن الله .. يا خـالي ســعد
شفيع لـ اهله .. ولْـ عياله .. ولْـ ذويـه
وفي دار ما فيهـا نــكد .. ولا كــبَد
هــذا .. وكل إنـاء ينضح باللـي فيه
وصلـو على محمد صـلاة ابـلا عـدد
~. ~. ~.
فايز البخيّت ..
صح لسانك مدد و ابلا عدد 👍
بيض الله وجهك يابومبارك. والله يطول عمر من خلفك. والله يرحم خالك سعد ويجعله في عداد الشهداء مع الصديقين والأنبياء وحسن اولئك رفيقا.
كيف حالك اخوي فايز كيف اخبار الشايب ابوك عساها بصحة وخير
بغيت راقم ابوك الوسحمت