ابتسم - فايز مبارك
Вставка
- Опубліковано 4 жов 2024
- #ابتسم
~.
يا الآدمي .. من باب تذكـير وإنصاح
شكواك .. سـنّدها على الله وناجه
ولا تفكّر بالخساير .. والأرباح
عِش يومك .. وبكره على الله خَراجه
الحزن منفى ، والوساويس الأشباح
والذِكر مأوى ، والتفاؤل سراجه
أنت ابتسم ، ويزين يومك وترتاح
الابتسامة .. ما تكـلّفك حاجه
وامـزح .. ولا هو عيب لا صِرت مزّاح
ألّا المزوح .. اللي من أول مواجه
ولا تبذل المعروف طمعاً بالأمداح
عيب ، وأثام ، وضِعف نفس ، وسماجه
ولا ضاق صدرك فـ اسجد لْـ رب الأرواح
وفي محكم التنزيل .. تلقى انفراجه
وانصِت لـ عقّـالٍ سوالفهم إصحاح
فيما رواه الترمذي .. وابن ماجه
وعليك باللي للمواجيب .. نطّـاح
رجلٍ .. يـشبّـه سمعته .. بالزجاجه
دمث الجناب اللي من الهم ما طاح
عنده مناعه .. من كثر ما يواجه
عنده ظروف وممتلي قلبه جراح
وإن قابلك وجهه طليقٍ حجاجه
هذا .. هو اللي ينفقد كل ما راح
نظيف قلب .. ولا يحب العواجه
ومكاسب الدنيا تـبي صبر واكْـفاح
والعاقل .. يجـنّب طريق إنزعاجه
~
#فايز_مبارك
#شعر #قصيد #الترمذي #ابن_ماجه
![[UA] NAVI проти G2 Esports | Blast Premier Fall Final](http://i.ytimg.com/vi/QWlIm4FGESQ/mqdefault.jpg)
صح لسانك يبو مبارك.🌹
صح لسانك يا بو مبارك
ابن عمك بداح
هذا الشبل من ذاك الاسد
صح لسانك حكيم
ي سلام وصح لسانك. ي جميل👍🏻♥️
صح لسانك يابو مبارك معك ابو تركي
ونعم يا مرحبا بك
بتطبي ماجيت مثل العود
صدقت
تعلم الإملاء حبيبي😂 وحاول معاد تتحمس تعلق على شي محد طلب رايك.