फर्माईश : माझी कन्या | कवी बी Kavita | Spruha Joshi | Marathi Poems
Вставка
- Опубліковано 10 тра 2022
- For Brand Collaborations & Partnerships: teamspruhajoshi@gmail.com
Instagram : / spruhavarad
Facebook : / spruhavarad
Twitter : / spruhavarad
_______________________________
गाइ पाण्यावर काय म्हणुनि आल्या?
कां ग गंगायमुनाहि या मिळाल्या?
उभय पितरांच्या चित्त-चोरटीला
कोण माझ्या बोललें गोरटीला?
उष्ण वारे वाहती नासिकांत,
गुलाबाला सुकविती काश्मिरांत,
नंदनांतिल हलविती वल्लरींला,
कोण माझ्या बोललें छबेलीला?
शुभ्र नक्षत्रें चंद्र चांदण्यांची
दूड रचलेली चिमुकली मण्यांची
गडे! भूईवर पडे गडबडून,
कां ग आला उत्पात हा घडून?
विभा-विमला आपटे-प्रधानांच्या
अन्य कन्या श्रीमान कुलीनांच्या
गौर चैत्रींची तशा सजुनि येती,
रेशमाची पोलकी छिटें लेती.
तुला लंकेच्या पार्वती समान
पाहुनीयां, होवोनि साभिमान
काय त्यांतिल बोलली एक कोण
'अहा! - आली ही पहा- भिकारीण!'
मुली असती शाळेंतल्या चटोर;
एकमेकींला बोलती कठोर;
काय बाई! चित्तांत धरायाचे
शहाण्यानें ते शब्द वेडप्यांचे?
रत्न सोनें मातींत जन्म घेतें,
राजराजेश्वर निज शिरीं धरी तें;
कमळ होतें पंकांत, तरी येते
वसंतश्री सत्कार करायातें.
पंकसंपर्कें कमळ का भिकारी?
धूलिसंसर्गें रत्न का भिकारी?
सूत्रसंगें सुमहार का भिकारी?
कशी तूंही मग मजमुळें भिकारी!
बालसरिता विधु वल्लरी समान
नशीबाची चढतीच तव कमान;
नारि-रत्नें नरवीर असमान्य
याच येती उदयास मुलातूंन.
भेट गंगायमुनांस होय जेथें
सरस्वतिही असणार सहज तेथें;
रूपसद्गुणसंगमी तुझ्या तैसें,
भाग्य निश्चित असणार तें अपैसें.
नेत्रगोलांतुन बालकिरण येती,
नाच तेजाचा तव मुखीं करती;
पाच माणिक आणखीं हिरा मोतीं
गडे! नेत्रां तव लव न तुळों येती.
लाट उसळोनी जळी खळें व्हावें,
त्यांत चंद्राचे चांदणे पडावें ;
तसे गालीं हासतां तुझ्या व्हावें,
उचंबळुनी लावण्य वर वहावे!
गौर कृष्णादिक वर्ण आणि त्यांच्या
छटा पातळ कोंवळ्या सम वयाच्या
सवें घेऊनि तनुवरी अद्भुताचा
खेळ चाले लघु रंगदेवतेचा!
काय येथें भूषणें भूषवावें,
विशिध वसनें वा अधिक शोभवावें?
दानसीमा हो जेथ निसर्गाची,
काय महती त्या स्थलीं कृत्रिमाची!
खरें सारें! पण मूळ महामाया
आदिपुरुषाची कामरूप जाया
पहा नवलाई तिच्या आवडीची
सृष्टिश्रृंगारें नित्य नटायाची.
त्याच हौसेंतुन जगद्रूप लेणें
प्राप्त झालें जीवास थोर पुण्यें;
विश्वभूषण सौंदर्य-लालसा ही
असे मूळांतचि, आज नवी नाहीं!
नारि मायेचें रूप हे प्रसिद्ध,
सोस लेण्यांचा त्यास जन्मसिद्ध;
तोच बीजांकुर धरी तुझा हेतू,
विलासाची होशील मोगरी तूं!
तपःसिद्धीचा समय तपस्व्याचा,
भोग भाग्याचा कुणा सभाग्याचा;
पुण्यवंताचा स्वर्ग की कुणाचा
मुकुट किर्तीचा कुण्या गुणिजनाचा
यशःश्री वा ही कुणा महात्म्याची
धार कोण्या रणधीर कट्यारीची;
दिवसमासें घडवीतसे विधाता
तुला पाहुनि वाटतें असें चित्ता!
तुला घेइन पोलकें मखमलीचें,
कुडी मोत्यांची, फूल सुवर्णाचें,
हौस बाई! पुरवीन तुझी सारो
परी आवरि हा प्रलय महाभारी!
ढगें मळकट झांकोनि चंद्रिकेला,
तिच्या केलें उद्विग्न चांदण्याला;
हास्यलहरींनी फोडुनी कपाट
प्रकाशाचे वाहवी शुद्ध पाट!
प्राण ज्यांचेवर गुंतले सदाचे
कोड किंचित् पुरवितां न ये त्यांचे;
तदा बापाचें हृदय कसें होतें,
नये वदतां, अनुभवी जाणतीं तें!
माज धनिकाचा पडे फिका साचा,
असा माझा अभिमान गरीबाचा!
प्राप्त होतां परि हे असे प्रसंग
हृदय होतें हदरोनिया दुभंग!
देव देतो सद्गुणी बालकांना
काय म्हणुनि आम्हांस करंट्यांना?
लांब त्यांच्या गावास जाउनीया
गूढ घेतों हें त्यांस पुसोनीयां!
" गांवि जातों" ऐकतां त्याच काली
पार बदलुनि ती बालसृष्टि गेली!
गळा घालुनि करपाश रेशमाचा
वदे "येतें मी" पोर अज्ञ वाचा!
- कवी बी (नारायण मुरलीधर गुप्ते)
तुम्हाला कविता कशी वाटली ते नक्की कळवा आणि Like, Share, Subscribe करायला विसरू नका.
#SpruhaJoshi #Poems #Marathi
_________________________________
Credits
________________________________
Produced By
Spruha Joshi
Nachiket Ashok Khasnis
Location & hospitality Partner :
Nitin Dhepe
Rucha Dhepe
Complete Dhepewada team
Filming
Angad Joshi
Shubhankar Havele
Rahul Kulkarni
Editor :
Soham kurulkar
Yogesh Dixit
Tanishq Mohite
Audio: Ameya Ghatpande
Hair & Makeup: Bhagyashree Patil
Styling : Tanmay Jangam
Costumes: Cotton Village
Production stills: Rahul Kulkarni
Partnerships and Brand Collaborations: Anurag Pathak
Social Media : Pornima Khadke
Created By: Nachiket Ashok Khasnis
___________________________
About Spruha Joshi :
___________________________
Spruha Joshi is an Indian Marathi television, film, and theatre actress. She is also a poet and lyricist for films.
____________________________
DISCLAIMER: This is the official UA-cam Channel of Spruha Joshi. The Audio/Video is Strictly meant for Promotional purposes and is intended to Showcase the Creativity and work of the Artist Involved.
__________________________________
अप्रतिम सादरीकरण... कधीही कितीही वेळा ऐकली ,वाचली तरी डोळे घळा घळा वाहू लागतात. आणि आपल्या वडिलांनी सुद्धा त्या वेळच्या त्यांच्या परिस्थिती मध्ये आपले किती लाड केले होते ते आठवून खूप जास्त रडू येते. आता वडील नाहीत त्यांना विसरणं ही शक्य नाही पण ह्या कवितेमुळे अनेक प्रसंग डोळ्यांसमोरून गेले. खूप धन्यवाद स्पृहा
ही कविता ऐकून डोळे ओले न होणारा बाबा सापडणार नाही. कविता अगदी खोल अंत:करणापर्यंत जाते. स्पृहाचे सादरीकरणही तेवढेच जोरकस.
शाळेतलं बालभारतीचं पुस्तक डोळ्यासमोर आलं आणि ज्या चालीत तुम्ही ही कविता सादर केलीत त्याच चालीत आम्ही पण ही कविता म्हणत असू.. शाळेतले सुंदर दिवस आठवले आणि अत्यन्त कळकळीनी, passionately शिकवणारे त्यावेळचे शिक्षक आठवले. त्यांच्या मुळे ही कविता आजही शब्दांसकट, चालीसकट अर्थासकट जशीच्या तशी इतक्या वर्षानंतरही मनात जिवंत राहिली आहे.. ही किमया कवीच्या अद्भुत शब्दांची आहे की समर्पित होऊन शिकवणाऱ्या आमच्या शिक्षकांची आहे हे सांगणं कठीण आहे.Thank you स्पृहा.. 😊
Spruha,tuzi aaji shobhen ya vayachi mi aahe.Pan ajoonhi kitihi vela aikali tari ya kavitene dole bharoonch yetat.Etaki vedana ya kavitet aahe.Suhruda Deshapande.Aani tu nehamich kavitela nyay detes.
🙏 that's it
डोळयात पाणी येते
शालेय जीवनात समोर आलेल्या अप्रतिम कवितांमधली ही एक. तू सादर करत असताना मन खरंच त्या काळात गेलं. किती सुंदर कविता होत्या तेव्हा. तुझं गाऊन सादरीकरण अप्रतिम. खूप गोड तू आणि कविता .👍👏👏
नशिब चाल अगदी आम्हाला शाळेत होती तशीच बोलली आहे त्यामुळे आम्हाला ते शाळेतील दिवस आठवले खुप छान ❤
अप्रतिम सादरीकरण स्प्रुहाजी!
ही कविता आम्हांला लहानपणी अभ्यासाला होती.
आजही ती ऐकताना डोळे आणि कंठ अगदी भरून आले.
छान उपक्रम आहे.त्याकरिता
तुमचे कॊतुक व तुम्हांला हार्दिक शुभेच्छा !
धन्यवाद!
खूप सुंदर सादरीकरण स्पृहा . आठवीत आम्ही ही कविता तोंडपाठ केली होती. बाबांची खूप आठवण आली. मी पुण्यात हॉस्टेलला राहत असताना बाबा खूप आजारी असून सुध्दा १० तासांचा प्रवास करुन मला भेटायला यायचे कारण येण्याजाण्यात माझा वेळ जायला नको म्हणून.
माझे दादा देखील ही कविता माझ्यासाठी म्हणायचे.ते आठवले आणि माझेही डोळे त्यांच्या आठवणीने पाणावले. स्पृहा खूप खूप छान म्हंटले. धन्यवाद!!
हॅलो स्पृहा,कवीने खूपच तळमळीने लिहिलेली कविता तुम्ही तितक्याच तळमळीने गायलीत! जुनी मराठी भाषा,तिची श्रीमती या निमित्ताने पुन्हा एकदा प्रकाशात येत आहे! आपले आभार मानावेत तितके कमीच,धन्यवाद!
माझी पण खूप आवडती कविता.माझे बाबा सुद्धा पूर्ण कविता म्हणायचे.आणि त्यांचे डोळे डबडबलेले असायचे.त्या वयात त्याचा अर्थ कळला नाही. मोठं झाल्यावर मात्र कविता म्हणताना मी पण रडले अगदी हमसून हमसून
Same here
जुन्या आठवणींसह माझे वडील मला आठवुन गेलेत. धन्यवाद .
@@Ratnakar1962 .
..हह
हहह.
धन्यवाद स्पुहा।maazhi कन्या कविता खुप आवडीची आहे।अनेक वेळा dolyatun पाणी येते gatana।सदर छान kele न radataana। कमाल तुझी। सादर करणे कविता kevhadhe है kraerv
मातीत ते विखरले अति रम्य पंख।केले वरी uadar padur निष्कलंक।चंचु tashish च उगड़ी।
कविता खूपच सुंदर आहे. 💯❤️
आणि ती तुझ्याकडून ऐकणे म्हणजे खूप भारी🤩👑
ताई तू खूप सुंदर आहेस 💕♾️🥰
स्पृहा ,तुम्ही थोडक्यात भावर्थासह अप्रतीम सादर केलीत ही कविता...
या व्हिडिओ सोबत खाली दिलेली संपूर्ण कविताही वाचली आणि हे खूप छान केलं की की संपूर्ण कविता discription box मध्ये दिलीत... 👍🏻👌
ही कवि ऐकताना मन हुरळून जाते डोळयांत पाणी येते व मुलीची आठवन व बालपण आठवते 🙏🙏
बालभारती च्या बहुतेक सगळ्याच सुंदर कविता होत्या , आज 40 वर्षांनी ही संपूर्ण कविता तीही शाळेत म्हणायचो त्या चालीत ऐकताना खूप आनंद झाला.
कविता फार म्हटलीआहे ही कविता साठ वर्षे पूर्वी मला नवीमधे होती
ऐकून डोळ्यात पाणी आल दीदी .....खूप छान कविता आहे आणी तुझ सादरीकरण नेहमीच अप्रतिम !....
खूप गोड ❤
तुझ्या मुळे मनातली कवितेविषयीची ओढ टिकून आहे thank you 🎉❤
मी शाळेत असताना हि कविता आमच्या गुरुजींनी इतक्या सुंदर पद्धतीने शिकवली होती की... अजूनही स्मरणात आहे
कवितेच्या शेवटी डोळे नक्कीच पानावतात.
खूप खूप...खूपच सुंदर कविता ऐकायला मिळाली....शाळेत असताना तोंडपाठ होती ही कविता...पण त्यातला एवढा सुंदर अर्थ तेव्हा कळला नव्हता...आज बरेच वर्षानी ही कविता ऐकली आणि अर्थ कळल्यामुळे असेल आता ही कविता जास्त भावली...
कवितेचं सादरीकरण खूपच उत्कृष्ट आहे...शब्दांनुसार तुमच्या आवाजातील भाव सुध्दा खूप छान आहेत... 👌👌🌹🌹🌹
Dear Spruha,
This was extremely emotional. I have a daughter who is 47 years old and remembering the tough times of our life's journey together we could relate this poem tremendously. Thank you, lovely narration.
खूप सुंदर खूप 40 वर्षांनी पुन्हा पूर्ण ऐकायला मिळाली आणि आश्चर्य म्हणजे काही ओळी अगदी सवयी चे असल्या प्रमाणे स्पृहा सोबत गाता आल्या
मी आता ६१ वर्षाची आहे मला ही कविता होती निश्चित आठवत नाही की चौथी,सहावी की सातवीत होती तेव्हा पण डोळे भरुन यायचे शेवटच्या कडव्याला आज पण ऐकतांना अश्रु ओघळत आहेत बाबा पण गरीब शेतकरी होते पण खुप प्रेमळ होते आज परिस्थिती चांगली आहे बाबांची आठवण अस्वस्थ करते ही कविता मी माझ्या मुलीला दररोज एकदोन वेळा तरी म्हणायची ..
उष्ण वारे वाहती नासिकात गुलाबाला सुकविती काश्मिरात नंदनातील हलविती वल्लरीला कोण माझ्या बोलले छबेलिला....खुप आठवणी ताज्या झाल्या कविता ऐकुन ❤❤
कवीता ऐकताना डोळ्यातुन पाणी थांबतच नव्हते ताई खुप छान आवाज आहे तुमचा 👌👌
सुंदर विश्लेषण!👌ज्या छंदात कविता लिहिली आहे त्याच चालीत सादर केलेली ही कविता मनाला पुनःप्रत्ययाचा आनंद देऊन गेली. इयत्ता सातवीला (1973-74) आम्हाला ही कविता होती. स्पृहा तुझा हा उपक्रम खरंच स्पृहणीय आहे.👌👍
बालमनात रुजलेली हृदयस्पर्शी आवडीची कविता,माझे गोकाक कर सर यांनी इतकी छान शिकवली होती ,त्यांची आठवण झाली.वडिलांची आठवन तर शब्दात सांगता येत नाही,ते एक शिक्षक,मोठ्या घराण्यात मी लग्न होऊन आले, आपल्या मुलींना गरीबाची म्हणून हिणवलं जाऊ नये असं त्यांना खूप वाटायचं🙏🏻
खूप भावपूर्ण व छान , जुनी अविस्मरणीय अशी कविता. छान सादर केली.आता अशा सुंदर अर्थपूर्ण कविता शालेय कार्यक्रमातून गायब झाल्यात की केल्या आहेत. त्याचे वैषम्य वाटते
भावी पिढी या ह्या साहित्या पासुन वंचित रहात आहे.
शालेय पाठ्यपुस्तकातुन
तुझ हे सादरीकरण शाळेतल्या बाकावर घेऊन गेल आणि शेवटी 2 कडवे अगदी जड अंतःकरणाने म्हणणारे सर सुद्धा दिसले आणि ते ही अगदी ह्याच चालीत म्हणून दाखवायचे ही कविता 😇 खूप छान सादरीकरण 👍खूप खूप धन्यवाद
शालेय जीवनातल्या स्मृती जाग्या झाल्या आणि आजही ही कविता ऐकताना गळा भरुन आला.... स्पृहा, खुप छान सादरीकरण , धन्यवाद
स्पृहा,अगदी अप्रतिम सादरीकरण,आणी तूझ्या आवाजाने जिवंत झाली,तुला खूप खूप धन्यवाद
khupach chan kavita ani tuze sadarikaran pan khup chan👌👌kavita chalit mhantlyamule ani tuzya goad awajane agdi bhavuk zale,👌👌👌
अतिशय उत्तम,अप्रतिम,माझ्या दादांची मी लाडकी कन्या होते,त्यांची आठवण झाली हि कविता ऐकून,Thx स्पृहा ताई
ताई, तूम्ही खूप चांगली कविता आपल्या आवाजात सुंदरपणे सादर केली. तशी ती कविता अजरामरच आहे. प्रत्येक्ष वडिलांनी आपल्या कन्याला खूप समजून सांगण्याचा प्रयत्न केला आहे पण परिस्थिती मुळे बाप बिचारा हतबल झालेला असतो, पण बापाने आपल्या लाडक्या कन्येला खूपच समजवण्याचा प्रयत्न केला आहे. धन्य ते वडील.
खूप खूप धन्यवाद स्पृहा… इतक्या वर्षांपासून मी ही पूर्ण कविता शोधत होते मधे मला १८ कडवे मिळाले पण आज पूर्ण मिळाली … परत एकदा मनापासून धन्यवाद 🙏🏻🙏🏻😘
खूपच सुंदर कविता सादर केली मला माझ्या लहानपणी ची आठवण करून दिली स कविता ऐकून मला माझ्या वडिलांनी फार आठवण आली आत्ता ते हयात नाहीत
कविता फार छान आहे👌👌
खूप छान कविता आहे आणि तुमच्या आवाजामुळे एकदम आम्ही भारावून गेलो आहे तुम्हाला मालिकांमध्ये पाहायला खूप आवडेल
जुन्या आठवणी आल्या आणि मन भरून आलं. माझी लाडकी नात सुद्धा रडताना पाहून अशाच संवेदना जागृत होतात.आणि कवी बी यांची कविता ओठांवर येते.
मी पहिल्यांदा ही कविता ऐकली....खूप सुंदर कविता आहे .....Thank u so much Spruha Tai ❣️
Khup Chan👍😘❣️❣️❣️
स्पृहा माझी पण आवडती कविता आहे. मला तिसरी, चौथीत असताना
स्पृहा आज शाळेची आठवण झाली मला पण ही कविता खूप आवडायची.खुप छान वाटले.
स्पृहा तुमचे सादरीकरण खूपच सुंदर. मनाला स्पर्शून गेले. आज आमचे वडील शरीर रुपयांनी आमच्यात नाहीत पण ही कविता ऐकून त्यांची खूप आठवण आली आणि डोळे भरुन आले.
स्पृहा, ऊत्तम..! लहानपणी शालेय पुस्तकात ३-४ कडवी होती अभ्यासाला..! त्यातली फक्त पहिल्या दोन ओळी पाठ आहेत.. पुढील कविता तुझ्यामुळे व इतर रसिकांच्य फर्माईश मुळे ३५-३८ वर्षांनी ऐकायला मिळाली, खूप धन्यवाद..!
Sundar distes, Kavita arthpurna, sadarikaran spruhaniya. Waiting for more Kavitas and I love your gammat gaani series.👈👌💗
खुप छान अगदी शाळेतले दिवस आठवले g 🙏🙏khup Sundar 🙏 अगदी आजही तशीच स्मरणात आहे ही कविता🙏🙏😊 thanks 🙏
अगदी डोळ्यात पाणी आल शाळेत असताना पण असाच झालं होत तुझ ही असाच होत होत i Guess 😭thank you so much 🙏😊मला अगदी maaz Ani mazya baba n ch naat athaval 😊अगदी same
खूप सुंदर कविता आहे ही. शाळेत शिक्षक शिकताना अक्षरशः डोळ्यातून घळाघळा पाणी वहायचे.
अगं स्पृहा ताई ही कविता फारच करुणा स्पद आहे 😢😢 छान सादर केली स
माझ्या लहानपणी ही कविता शाळेत आम्हाला होती. मी माझ्या मुलींना त्यांच्या लहानपणी म्हणायचे आणि आता नातीलाही . तुझ्यामुळे आमच्या .(आजी-आजोबा) जुन्या आठवणी जाग्या झाल्या. खुप छान. धन्यवाद.
🌹🙏🌹खूप खूप खूप आवडली कविता.😊🌷खुप दिवसा पासून मी एका चांगल्या आवाजाची वाटच बघत होती🌷.खूप धन्यवाद माझी इच्छा पूर्ण केल्या बद्दल🌹🌹🙏🙏🌹🌹
खूपच छान कविता आहे ही, मला खुप आवडते, Mi पुण्यात असते माझे बाबा गावी असतात , खुप आठवण आली आज बाबांची ते pn माला असच समजाऊन सांगायचे,
माझी मुलगी pn पाच वर्षांची आहे Ani उद्याच तिचा जन्म दिवस आहे , मी ही कविता तिला समजाऊन सांगायचा नक्की प्रयत्न करेन. Ani खरच खूप सुंदर आहे कविता.
किती आठवणी ताज्या झाल्या बालपणी अगणित वेळा मी बाबासोबत अंगणात ही व पोर खाटेवर मृत्युच्या दारा या कविता म्हटल्या असतील अप्रतिम सादरीकरण अन त्याहीपेक्षा पार्श्वभुमी कथन त्यामुळे आकलन सुलभ होते व आवड वाढते🙏
thank you @स्पृहा
माझे आजोबा म्हणायचे ही कविता
ते जावून खूप वर्षे झाली पण कविता काल ऐकल्यासारखी वाटली
या झोपडीत माझ्या ऐकायला आवडेल
धन्यवाद
Khupch chan kavita Spruha di...Tu explain pn khup chan kelis...Thank you for poem
माझे बाबा म्हणुन दाखवायचे ही कविता ..आज बाबा नाही....तुझ्याकडून ऐकतांना डोळे भरून आले....
ही कविता मला शाळेत पाठ्यपुस्तकात होती. तेंव्हाच माझ्या शिक्षकांनी ती कविता खूप छान समजावून सांगितली होती. शिवाय आमची परिस्थिती अशी होती की गरिबी काय हे कोणी समजावून सांगायची गरज नव्हती. त्यामुळेच आज सुध्धा ही कविता वाचली की डोळे भरून येतात. त्या सर्व आठवणी आज परत आल्या.
धन्यवाद.
स्पृहा जोशी तुम्ही कविता खूप छान सादर केली. आम्हाला 7 वीच्या पाठयपुस्तकात ही कविता अभ्यासाला होती. त्यावेळी आम्हाला आमच्या शिक्षकांनी ही कविता तुम्ही जशी सादर केली त्याच पद्धतीने सादर केली होती. सलाम तुम्हाला!
खूपच सुंदर सादरीकरण.
आमची पण ही कविता शाळेत असताना पूर्ण पाठ होती. तेव्हा गर्भितार्थ करण्याएवढे वय नव्हते.पण जसेजसे मोठे होत गेले, तशी तशी ही कविता अंतर्मनात खोल रुजली.
ह्या कवितेत बाप व लेक एकमेकांत किती गुंतले असतात- याचे फारच भावपूर्ण वर्णन आहे.
खूप सुंदर कविता. पूर्ण ऐकून अजून मजा आली असती. आवाज देखील छान आहे. धन्यवाद 🙏
खूप सुंदर सादर केलीत.
धन्यवाद 🙏
राजहंस माझा निजला,ही पण खूप मोठी कविता आहे.
तिचेही असे लघुरूप वाचन केले जावे ही इच्छा🙏
वैशाख वनवा -पद्मा गोळे
ही कविता सादर केली तर फार आवडेन.
धन्यवाद ! स्पृहाताई ही कविता ऐकून मला माझ्या लहानपणीची व बाबांची खूप आठवण झाली. खूप हृदयस्पर्शी कविता आहे.
Superb...कविता ऐकताना माझ्याच लहानपणी ची परिस्थिती डोळ्यासमोरून गेली. Thank you so much...!👌👌
क्या बात है। तुमचे मनापासून धन्यवाद आता आम्हाला अश्याच अनेकानेक कवन ऐकावयास मिळणार ही गोष्ट च मुळात आनंद देणारी... We all love you Spruha...
आदरणीय मॅडम कवितेचे अतिशय प्रभावीपणे वाचन केले, की कवितेच्या वाचनावरून कवितेचा अर्थ समजतो अशी ही कविता भावस्पर्शी हृदयस्पर्शी मनाला भावलेली कविता. पुढील भागात कवितेच्या एकेक ओळीचा भावार्थ समजून सांगणे विनंती. धन्यवाद.
Maze baba lahan panich varle mala versh pn navta zala pn aai nehmi mi radat astana hi kavita gaychi...kharach khup lucky astat te lok jyana aai vadilanche prem milte
मी प्राथमिक शिक्षण घेत असताना आम्हाला चौथीला अभ्यासाला होती ही कविता. तेव्हा पाठ होती, आज काहीच आठवत नाही, स्पृहा उच्चार अप्रतिम वाचन शैली वेगळी ओळख देऊन गेली. फारच आनंद झाला.
स्प्रुहा तुला कशाची उपमा द्यावी कळत नाही तू कशातच कमी नाही .तुझ्या कला धीटपणाचे कौतुक आहे धन्यवाद
खूप छान कविता
स्पृहा ताई स्वर अप्रतिम👌👍
शाळेत असताना जितकी कविता समजली,उमजली, नाही ती आत्ता मुलीचा बाप असल्यावर उमजली.
या कवितेला काळाची मर्यादाच नाही.अतिशय आशयपूर्ण कविता. तसेच वाचन ही फारच सुंदर.
शाळेत शिकत असताना धडे, कविता म्हणजे फक्त अभ्यास,व परीक्षा हेच डोक्यात असते त्यामुळे अशा सुंदर आशयघन कवितांचा खरा आनंद घेताच येत नाही.
शिक्षकांनी सुध्दा कविता शिकवताना आभ्यासा पलीकडे जाऊन शिकवले पाहिजे असे आता वाटते.❤❤❤❤❤❤
पहिल्यांदाच ऐकली आणि खूप छान वाटलं. कधी तरी पूर्ण ऐकायला आवडेल.
Khup chhan ani mazi aavadti kavita.aajavi purn path aahe
मला शाळेत ही कविता होती,आणि मध्यंतरी विडीयो ही आला होता ,खूप दिवसांनी अर्थासहीत ऐकायला मिळाली कानांना छान वाटले
आगळी फारच जीवनात उपयोगी अशी कविता आग्रण गायली आगळ्या
ढगांनी शिवदत्त गवळी सर
My father used to say this poem while lullying... I think, this is made for me...
I like this poem... I still enjoy this
स्पृहा, तुझं कृतार्थ इथलं येणं! तुझे कविता वाचन मनाला स्पर्शून जाते ग... शब्द न शब्द अर्थ उकलून जातो.. अशीच नित्य वाचनातून कविता ऐकवित रहा!... कवी कल्पना साकार करण्याची ताकद तुझ्या आवाजात आहे!
आम्ही बालपणी ऐकलेल्या चालीतच कविता सादर केल्यामुळे पुन्हा त्या काळात जाता आले.हृदयात तशीच कालवाकालव झाली.छान सादर केलीस.कविता म्हणताना तुला पाहणे खूप आनंदमय होते.खूप शुभाशीर्वाद.
खुप खुप धन्यवाद स्पृहा ही कविता माझ्या हृदयाच्या अतीशय जवळची आहे आणि ती पण माझ्या अतीशय आवडत्या व्यक्तीकडून रसग्रहणा सहीत ऐकायला मिळाली व्वा क्या बात है
खूप छान कविता आहे,आम्हाला शाळेच्या अभ्यासक्रमात होती, तेव्हापासून मला ही कविता खूप आवडते. तुझं सादरीकरण इतकं सुंदर आहे की कविता मनाला भिडते.👌👌🙏🌹
My father in law used to say this poem to my daughter when she was very small.really I liked this poem so much.
I missed all those days now
Your poems are awesome 👌😍
I liked to hear
आमच्या लहानपणी पाठ्यपुस्तकात आम्ही शिकलो.तेव्हा चाल आवडली,गाता यायची म्हणून ही कविता आवडायची.मोठे झाल्यावर त्यातील अर्थ कळतो आणि डोळे पाणावतात.माझ्या गोरटीला म्हटले की अख्खा वर्ग माझ्या कडे वळून पाहायचा माझं माहेरचे आडनाव गोरटे.पूर्ण कविता खाली दिल्या बद्दल खूप धन्यवाद 🙏
खूप सुंदर कविता! डोळ्यात पाणी आले. आपण वाचताना त्यातील भाव स्पष्ट होतील असेच वाचन केले आहे आणि अर्थही मनाला भिडणारा व्यक्त केलात. धन्यवाद. जुन्या कविता अजून ऐकायला नक्कीच आवडतील !
खूप सुंदर सादरीकरण .... शब्दांना भावना मिळाल्या .... खूप खूप धन्यवाद तुमचा ...🙏🙏
माझी अतिशय आवडते ही कविता ,,,,स्पृहा dear तुझ्यामुळे खरच खूप खूप छान कविता ऐकायला मिळतात ,,,त्याबाबद्दल तुझे खूप खूप धन्यवाद ,,,,,,,जमलं तर ,,,,,🙏🙏🙏🙏गोधूम वर्ण तिचा हरणाच्या पाडसापरी डोळे ही कविता ऐकवशील का ग ,,,plzzz plzzz आणि नेहमीप्रमाणे सादरीकरण एकच नंबर loves you yaaaaaaar
😘😘😘😘😘😘
Heart touching poem that made me weep.
खूप छान कविता, वाचन पण सुंदर... "आई" कविता ऐकायला आवडेल
Khup Sunder.Maze Baba amha bahinisathi hi Kavita manyache.Aaj tyanchi khup athvan aali.
अतिशय सुंदर सादर केलीत , स्पृहा ताई तुम्ही ही कविता.आणि मनाला भिडली त्यातील अप्रतिम शब्दगुंफण.
अप्रतिम..गाई पाण्यावर आल्या तुमच्या सादरीकरणामुळे.. वडिलांविषयी च्या अनेक आठवणींनी मनाला साद घातली.
I enjoy this poem with heartly, I teached this poem students many years ago ! So very very thanks !
मनापासून आभार स्पृहा. माझ्या कवितेची फर्माईश पूर्ण केल्याबद्दल.. फारच सुरेख सादरीकरण...
👌🏻👌🏻खूप सुंदर व भावनिक कविता.
स्पृहा गाण्यातून केलेले सादरीकरणही आवडले. 👍🏻खूप शुभेच्छा!!💐
आभार 🙏... महप्रलय... आईदेखील मुलासाठी ही कविता म्हणते...१९८६-८७ (वयाच्या ६ व्या,७ व्या वर्षी)नंतर आज कविता ऐकताना आईच्या कुशीतील भावविश्व......🙏🙏🙏
माझे आजोबा आणि बाबा नेहमी हि कविता आम्हाला म्हणून दाखवायचे, आज दोघेही नाहीत, पण तुझ्यामुळे पुन्हा त्यांच्या आठवणी जाग्या झाल्या, सुंदर कविता आणि सादरीकरण ताई
स्पृहा आपण म्हटलेली कविता माझे बाबा नेहमी आम्हांला एकवत ...
आज ते या जगात नाहीत
पण ती तुम्ही एकवून अश्रुंची वाट मोकळी करून दिलीत
आपले आभार!!
स्पृहा तू कविता फार सुरेख सादर केलीस.कवीचे भाव अतिशय तरलतेने आमच्यापर्यंत पोचवलेस.खूप खूप धन्यवाद.
कविता कशी वाटली, काय विचारतेस? अगं दीदी, ही कविता अनेकदा वाचली, ऐकली, पाठही केली शाळेत; पण कळली मात्र आज, तुझ्या तोंडून ऐकल्यावर! खुप छान सादर केलीस कविता…👏🏼👏🏼
हि कविता जेंव्हा जेंव्हा मी ऐकते किंवा वाचते तेंव्हा ती नेहमीच माझ्या डोळ्यात पाणी आणते.. खूपच सुंदर आहे
कविता वाचन ही सुद्धा एक कला आहे. सुंदर सादरीकरण. अभिनंदन. असाच आनंद देत रहा. तुला दीर्घ आयुरारोग्य लाभो हीच ईश्वर चरणी प्रार्थना.
स्पृहा ताई खुपच छान कविता गायन केली माझ्या नातीला व मला खुप आवडते आम्ही रोज ऐकतो
ही कविता तू स्पृहा गाईलीस तितकीच पाठ्यपुस्तकात होतीकारण मी शिकवली आहे ,पाठ होतीच ,मुलीचे भावविश्व बाबा व बाबांचेही मुलगी ,शिकवताना सुध्दा गळा दाटून यायचा.याची चाल हिच आहे ,गुणगणण्याची ,खुप छान.
Wa spruha kya bat hai kavita tar apratim aahech pan tumhi gayali pan khup chaan. Bhav otale aahe tyat. Aamhi hi kavita lahanpani shikalo aahot .
अप्रतिम सादर केलीस. लहानपणी वाचलेली आठवली व डोळ्यात पाणी आले वडिलांच्या आठवणीने
खुप सुंदर कविता आहे.आणि तुम्ही ती गायली ही छान.शाळेची आठवण झाली आणि कविता शिकवलेल्या सरांची ही आठवण झाली.धन्यवाद स्पृहा .
खूपच छान स्पृहा राजास जी महाली सौख्य कधी मिळाली ती सर्व प्राप्त झाली या झोपडीत माझ्या ही कविता म्हण
अत्यंत भावपूर्ण कविता आणि तुझे सादरीकरण ❤️❤️
खूपच सुंदर आहे ही कविता. खूप अर्थपूर्ण आणि मनमोहक. डोळ्यात पाणी आल्यावाचून राहत नाही.
ही कविता मुळातच खूप छान आहे आणि त्यात तुमचे सादरीकरण इतकं सुंदर आहे की परत परत ऐकावेसे वाटते.
मला *शतकानंतर आज पाहिली पहिली रम्य पहाट* ही कविता तुमच्याकडून ऐकायला खूप आवडेल.
मी यशश्री जोशी ( लग्नापूर्वी ) आणि लग्नानंतर आता Vrinda Desai, बेळगावी.
तुम्हाला खूप खूप शुभेच्छा