Video Editing - Mr Sahil Jadhav
गत २६ वर्षांपासून संस्था विविध सामाजिक समस्यांचे यथाशक्ती निराकरण करण्याकरिता क्रियाशील आहे.
संस्थेचे वर्तमानातील प्रमुख प्रकल्प :
१८+ उड्डाण प्रकल्प -
कायद्यानुसार १८ वर्षे पूर्ण झाल्यावर मूल प्रौढ मानले जाते. हे वय पार केलेल्या अनाथांना त्यांचे संबंधित निवारागृह सोडावे लागते. अशा वेळी आयुष्यात केवळ तग धरण्यासाठी देखील प्रसंगी त्यांना मोठ्या संकटांना तोंड द्यावे लागत असते. या कोवळ्या वयात ते स्वतःच्या अभ्यासक्रमाविषयी योग्य निर्णय घेण्यास पुरेसे सक्षम नसतात. स्वतःच्या आवडीस व आकलनक्षमतेस अनुकूल असा अभ्यासक्रम निवडण्याकरिता त्यांना यावेळी योग्य पाठिंबा व मार्गदर्शन यांची आवश्यकता असते.या टप्प्यावर योग्य संस्थात्मक सहाय्य हे त्यांच्या आयुष्यास उत्तम दिशादर्शक ठरते. आमच्या प्रकल्प-18+ उड्डान अंतर्गत आम्ही बदलापूर येथे मुली आणि मुलांसाठी स्वतंत्र ‘आफ्टर केअर सेंटर’ चालवत आहोत. १८ वर्षांपेक्षा जास्त वयाच्या अनाथ आणि निराधार मुलांना आम्ही येथे मोफत अन्न, निवास आणि शिक्षण सुविधा उपलब्ध करवून भावी सुसंस्कारी, स्वावलंबी नागरिक घडवितो. आम्ही संस्थेद्वारे तरुण विद्यार्थ्यांना कौशल्य शिक्षणाच्या विविध संधी उपलब्ध करून देतो. संस्था अनाथ आणि निराधार तरुणांना आदरातिथ्य व्यवस्था, आरोग्य आणि अन्न उद्योग इत्यादी क्षेत्रात कौशल्य शिक्षणाच्या विविध संधी उपलब्ध करून देत असते.
प्रकल्प- शिक्षा अंतर्गत, ठाणे आणि पालघर जिल्ह्यातील ग्रामीण आणि दुर्गम भागातील जिल्हा परिषद शाळांमधील विद्यार्थ्यांना शैक्षणिक साहित्य पुरवून, संस्था मुलांमध्ये शिक्षणाची गोडी वाढविण्याचा प्रयत्न करीत असून त्यांना शिक्षण व्यवस्थेच्या मुख्य प्रवाहात ठेवण्यासाठी प्रयत्नशील आहे. आत्तापर्यंत ७०० पेक्षा अधिक विद्यार्थ्यांनी शालेय साहित्य आणि स्कूल बॅगचा लाभ घेतला आहे.
शैक्षणिक साहित्य संचामध्ये शाळेचे दप्तर, पाण्याची बाटली, वह्या, कंपास बॉक्स, पेन, पेन्सिल, शॉपनर, खोडरबर, पट्टी, चित्रकला वही, रंगीत पेन्सिल, अंकलीपी इत्यादी विद्यार्थ्यास एक शैक्षणिक वर्षास पुरतील अश्या गोष्टींचा अंतर्भाव असतो.
श्री गजानन लीला चॅरिटेबल ट्रस्ट संचलित,
प्रकल्प: 'माई' बाल सदन (बालकांसाठी)
संगोपन - संस्कार - शिक्षण
'6 ते 12 या वयोगटातील एकलपालक, अपंग पालकांची मुले, दुर्धर आजाराने ग्रस्त पालकांची मुले यांच्या करिता संस्थेने बाल सदन सुरु केले आहे. अश्या मुलांना त्याच्या विपरीत परिस्थितीत आधार देऊन त्यांना सुरक्षित निवारा, पोषक आहार तसेच योग्य ते संस्कार व शिक्षण देऊन त्यांचे उत्तम भविष्य घडविण्यास संस्था प्रयत्नशील आहे.
#JagdishJadhav #ShriGajananLeelaCharitableTrust #InspiringStory #OvercomingObstacles #HumanityAndCompassion #Resilience #CharityWork #HelpingTheHelpless #RiseAboveHardship #HopeAndKindness #EmpathyInAction #SpiritualJourney #MotivationalStory #CompassionForTheNeedy #InspirationForAll #HeartwarmingStory #SocialWork #Transformation #HelpingHands #orphan #viral #youtbeshorts