75 व्या प्रजासत्ताक दिन दूधगंगा विद्यालय कागल २०२३-२४
कागल ता.26- भारताचे,संविधान 75 व्या अंमलबजावणी वर्षात पदार्पण करताना ,आज राजकारण असो अथवा समाजकारण असो दुर्जनांच्या क्रियाशील ते पेक्षा सज्जनांची निष्क्रियता मोठ्ठी आहे.शहाण्या,सज्जन मंडळींनी लोकशाही सुदृढ करण्यासाठी आज योगदान देणे काळाची गरज आहे.असे प्रतिपादन दूधगंगा विद्यालयाचे संस्थापक पत्रकार श्री.अतुल जोशी यांनी केले. आज 75 व्या प्रजासत्ताक दिनाच्या निमित्त दूधगंगा विद्यालयाच्या प्रांगणात आयोजित ध्वजारोहण समारंभात अध्यक्षीय भाषणात श्री. जोशी बोलत होते. प्रमुख पाहुणे कागलचे माजी नगरसेवक श्री.रमेश पाटील होते. प्रमुख उपस्थितीत धरणग्रस्त वसाहतीमधील जेष्ठ आनंदराव पाटील, प्रकाश कदम, रमेश मारूती पाटील, अजय गावडे, सौ कविता पाटील,सोमेश पाटील, योगेश गाताडे, विक्रांत साळोखे,रितेश घाटगे, संजय अतवाडकर यांच्यासह विविध मान्यवर उपस्थित होते. यावेळी आदर्श शिक्षक श्री. कोंडेकर, आदर्श विद्यार्थी,व मतिमंद मुलांच्या शाळेला तिजोरी भेट देणारे रितेश घाटगे यांचा अतुल जोशी व मान्यवरांच्या हस्ते सत्कार करण्यात आला. या देशाची राज्यघटना जागतिक पातळीवर महत्वाचा दस्तऐवज मानला जातो.नागरिकांचे मूलभूत हक्क आणि कर्तव्ये या राज्यघटनेत नमुद आहेत. स्वातंत्र्य, सार्वभौमत्व, एकात्मता,, धर्मनिरपेक्षता, समाजवाद, व लोकशाही या महत्वाच्या तत्वज्ञानावर उभी आहे. देशातील लोकच या देशाचे मालक आहेत. म्हणुनच मतदानाचा अधिकार व तो बजावण्याचा आधिकार घटनेने दिला आहे.त्यासाठी जागरूक राहून जनतेने मतदान केले तर लोकशाही अधिक बळकट होईल, असेही श्री. जोशी यांनी स्पष्ट केले यावेळी स्वागत व प्रास्ताविक मुख्याध्यापक श्री.अशोक बुगडे यांनी पाहुण्यांची ओळख श्री. आरडेसर यांनी तर आभार श्री. कात्रूट सर यांनी मानले. विविध गुण दर्शन व सांस्कृतिक कार्यक्रमांचे उद्घाटन श्री. रमेश मारूती पाटील यांच्या हस्ते झाले.या समारंभास मोठ्या संख्येने पालक व नागरीक बंधू भगिनी उपस्थित होते.