Katika Yohana 1:1, mtume anasema kwa uwazi kwamba Yesu ni Mungu, Mwana wa kimbingu. Matokeo yake, katika Yohana 1:4 Ndani yake ndimo ulimokuwa uzima, nao ule uzima ulikuwa nuru ya watu” - rejea kwa ajili ya uzima hapa yapasa iwe ni uzima wa kiungu, hali ya kuwepo milele kwa nafsi isiyozaliwa. Kwa sababu Yeye anao uhai ndani Yake Mwenyewe, anaweza kuweka uhai Wake chini na kuutwaa tena (Yohana 10:17). Na, kwa sababu anao uhai ndani Yake, anaweza kumpatia uhai yeyote Anayemtaka (Yohana 5:21; linganisha na Yohana 14:19).
Neno uzima (zoe) linaonekana mara 36 kwenye Injili ya Yohana. kama asilimia 25 ya matumizi hayo katika Agano jipya Katika Yohana 1:4, 5, kando ya kuzungumzia chanzo cha uzima katika sayari yetu, neno pia linaunganishwa na wokovu. Kote katika Yohana. wazo hili la uzima (zoe) mara nyingi zaidi linazungumziwa kama uzima wa milele, ahadi ya wokovu (Taz. Yohana 3:15, 16, 36; Yohana 4:14, 36; Yohana 6:27, 40, 47, 54, 68; na Yohana 10:27, 28). Hivyo, Yeye alitoa uhai kwenye Uumbaji Ndiye huyo huyo anayeleta wokovu, uzima wa milele, kwa ulimwengu uliopotea.
Kwa nini Yesu alikuja hapa duniani? Yohana 1:29; Yohana 3:16; Yohana 6:40; Yohana 10:10; Yohana 12:27.
“Na kama vile Musa alivyomwinua yule nyoka jangwani, vivyo hivyo Mwana wa Adamu hana budi kuinuliwa; ili kila mtu aaminiye awe na uzima wa milele katika yeye” (Yohana 3:14, 15).
Kama vile yule nyoka wa shaba alivyochukua nafasi ya Waisraeli waliokuwa wameumwa na nyoka, vivyo hivyo Yesu alichukua mahali petu, sisi ambao tumeangushwa na dhambi. Yeye alichukua adhabu iliyokuwa yetu ili tupate uzima uliokuwa Wake.
Ni shauku ya Kristo pia kwamba sisi tupate uzima na kuwa nao tele (Yohana 10:10). Hivyo, “bali wote waliompokea aliwapa uwezo wa kufanyika watoto wa Mungu, ndio wale waliaminio jina lake; waliozaliwa, si kwa damu, wala si kwa mapenzi ya mwili, wala si kwa mapenzi ya mtu, bali kwa Mungu” (Yohana 1:12, 13).
Kristo alikuja kumdhihirisha Baba kwetu. Kwani, “hakuna mtu aliyemwona Mungu wakati wo wote; Mungu Mwana pekee aliye katika kifua cha Baba, huyu ndiye aliyemfunua” (Yohana 1:18). Kwa kuona tabia ya Yesu, tunaweza kuona tabia ya Baba.
Tunaweza kujifunza nini kutokana na maisha ya Bwana Yesu kuhusu tabia ya Baba? Kwa nini udhihirisho huu ni habari njema kiasi hicho?