కోటప్ప కొండ -
సర్వచరాచర సృష్టికి లయకారుడైన పరమేశ్వరుడు భక్షయజ్ఞం విద్వంసం అనంతరం శాంతించి దక్షిణామూర్తి స్వరూపంలో కోటప్పకొండపై అవతరించారు. పరమేశ్వరుడు 12 సంవత్సరాల బాలుడిగా మారి బ్రహ్మచర్యానికి పూనుకొని తపస్సు కోసం భూలోకానికి రావడము జరిగింది. కోటప్పకొండ మూడు శిఖరాలు కలిగి ఉండడంతో త్రికూట పర్వతము అని ఇక్కడి స్వామి వారిని త్రికూటేశ్వర స్వామి అని పిలుస్తారు. బ్రహ్మ, రుద్ర, విష్ణు శిఖరాలే ఈ మూడు కూఠాలు. రుద్ర శిఖరం మీద దక్షిణామూర్తి యోగ నిష్టలో బ్రాహ్మాదులకు బ్రహ్మోపదేశం చేసారు. అక్కడే పాత కోటేశ్వరస్వామి ఆలయము ఉన్నది.
పక్కన ఉన్న విష్ణు శిఖరము మీద విష్ణువు పరమేశ్వరునికై తపస్సు చేయగా శివుడు ప్రసన్నుడై త్రిశూలంతో రాతిపై పొడవగా జలం ఉద్భవించిన చోట పాప వినాశేశ్వర స్వామి ఆలయము నిర్మించారు. రుద్ర శిఖరానికి కింద నైరుతి భాగములో బ్రహ్మ శిఖరము ఉన్నది. బ్రహ్మ దేవుడు పరమశివుని గురించి తపస్సు చేయగా, కైలాసము వెళ్ళుటకు ఇష్టపడని పరమేశ్వరుడు కొంత కాలము భూలోకములో తపస్సు చేసుకొని వచ్చెదను అని పలికెను. పిమ్మట బ్రహ్మ అదృశ్యము చెందెను.
కోటప్పకొండకు ఉత్తరముగా యల్లమంద అను గ్రామము ఉండేది.యాల్లమంద నివాసి అయిన సాలంకయ్య అనే భక్తుడు జంగమదేవర రూపములో ఉన్న పరమేశ్వరుని సేవలు చేస్తూ ఉండేవారు. కొన్ని రోజుల తరువాత జంగమాదేవర హటాత్తుగా మాయం కావడంతో చింతించిన సాలంకయ్య అన్నపానాలు మానేశాడు. వెంటనే పరమేశ్వరుడు ప్రత్యక్షమై హితోపదేశం చేసారు. దానితో సాలంకయ్య సంతోషించాడు. పిమ్మట సాలంకయ్య కు పరమేశ్వరుడు మోక్షాన్ని ప్రసాదించారు.
ఆనందవల్లి (గొల్లభామ) అమ్మవారి చరిత్ర :
-------------------------------------------------------
కోటప్పకొండ కు దక్షిణంగా ఉన్న కొండకావూరు అని గ్రామములో యాదవుని వంశమునకు సంబంధించిన ఒక కుటుంబములో ఒక పాప జన్మించింది. ఆ పాపకు తల్లిదండ్రులు ఆనందవల్లి అని నామకరణము చేసారు. ఎందుకంటే ఆ పాప జన్మించిన తరువాత ఆ ఇంట్లో సిరులు పండాయి. ఎంతో ఆనందముగా తల్లిదండ్రులు ఆనందవల్లి అల్లారుముద్దుగా పెంచుకున్నారు. కొంత కాలము తరువాత పరమ శివ భక్తురాలై కొన్ని దినములు తండ్రికి బదులుగా ఆవుల గుంపును రుద్ర శిఖరము మీదికి తోలుకొని వెళ్లి వాటిని మెపుతూ సాయంకాలానికి కొండకావురు వచ్చేసి.
పరమేశ్వరుని ఆకలి తీర్చడానికి ఆ గుంపులో ఉన్న ఒక ఆవు నిత్యం పరమేశ్వరునికి పాలు ఇచ్చేది. ఆ ఆవు దూడకు పాలు సరిపోయేవి కావు. ఆనందవల్లి కి అనుమానము కలిగి ఒకరోజు ఆ ఆవు వెంట వెళ్ళేసరికి పరమశివునికి పాలు ఇస్తూ ఉన్నది. అది చూసిన ఆనందవల్లి పరమశివున్ని మహిమగల వానిగా భావించి, స్వామి రేపటినుండి నీ ఆకలి తీర్చుటకు నిత్యం నేనే ఆవు పాలు తెచ్చి ఇచ్చెదను అని పలికేసరికి దానికి స్వామి వారు అంగీకరించెను. మరుసటి రోజు నుంచి మట్టితో తయారు చేసిన ముంతల్లో ఆవు పాలు తీసుకొని వచ్చెను. అలా పరమేశ్వరునికి నిత్యం సేవ చేస్తూ ఉంది. ఒక రోజు ఆవు పాలని మార్గమధ్యములో ఉంచి మారేడు దళములతో స్వామిని పూజింపతలచి వాటిని కోసుకొని వచ్చేసరికి ఆ పాలను ఒక కాకి దొర్లించినది. వెంటనే ఆనందవల్లి కొండాకావూరు గ్రామమునకు వెళ్లి మరళా ఆవు పాలు తీసుకొని వచ్చేసరికి పరమేశ్వరుడు ఆనందవల్లి ఇలా పలికెను ' ఈ రోజు నాకు ఆకలి తీర్చుకొను సమయం మించిపోయింది కావున ఆ పాలను తిరిగి తీసుకొని వెళ్ళుము '. అప్పుడు ఆనందవల్లి కి న కాకి మీద కోపం వచ్చి నేనే ఈ స్వామికి నిజమైన భక్తురాలిని అయితే ఈ కొండ మీద కాకి అరుపు వినిపించినచో నీలుగు దిక్కుల్లో ఏదో ఒక దిక్కుకు నష్టం కలుగు గాక అని శపించింది. అప్పటి నుండి ఈ కొండ మీదకు కాకులు రావు ను ప్రతీతి.
కొంత కాలం తరువాత, ఆనందవల్లి భక్తిని పరీక్షించదలచిన పరమేశ్వరుడు ఆమెకు మాయాగర్భమును ప్రవేశపెట్టేను. అది తెలియని ఆనందవల్లి నిత్యం. ఆవుపాలను తీసుకొని వచ్చి పరమేశ్వరుడికి సేవ చేసేది. అనుకోకుండా ఒక రోజు పాలు తెచ్చుటకు బాగా ఇబ్బంది పడింది. స్వామి, రేపటి నుండి నేను ఆవు పాలు తీసుకురాలేను, లా పొట్టలో ఏదో నొప్పిగా ఉంది కాబట్టి నా యందు దయవుంచి మీరే నా వెంట మా ఊరు కొండకావూరు రావలసింది గా ప్రార్థించింది. ఆమె మాటలకు సంతిషించి పరమశివుడు, నేను నీ వెనుకే వస్తాను కానీ నీవు మాత్రము వెనుకకు చూడకుండా వెళ్ళు అని చెప్పెను. దానికి సంతోషించిన ఆనందవల్లి నడుచుకుంటూ రుద్ర శిఖరము, బ్రహ్మ శిఖరము దాటినది. పరమేశ్వరుడు రుద్ర శిఖరము మీద నుండి బ్రహ్మ శిఖరము మీదకు ఒక్క ఉదుటనే వచ్చే సరికి పెద్ద పెద్ద ధ్వనులతో శబ్దాలుగా ఆనందవల్లి కి వినపడింది. ఆ శబ్దానికి తట్టుకోలేక ఆనందవల్లి స్వామి వస్తున్నాడా లేదా అని వెనుకకు తిరిగి చోజ్ సరికి బ్రహ్మ శిఖరం మీద పరమేశ్వరుడు, వెనుకకు తిరిగిన చోట ఆనందవల్లి శిలారూపం ధరించారు. ఆయన ఇచ్చిన మాయా గర్భము బయటకు వచ్చి శివలింగాకారములోకి మారినది. ఆనందవల్లి ఇదంతా పరమేశ్వరుని మాయా అని తలచినది. స్వామి మనమిద్దరం కొండ క్రిందకు ఎప్పుడు దిగి వెళ్ళేది అని ఆనందవల్లి స్వామిని అడిగింది. అప్పుడు పరమేశ్వరుడు భక్తులందరూ కలసి భక్తి శ్రద్ధలతో కోటప్పకొండ కు కోటి ఒక్క ప్రభలు ఎప్పుడైతే కట్టుకొని వస్తారో అప్పుడు కొండ దిగువకు ఇద్దరం కలసి దిగి వెళ్లి భక్తులకి దర్శనము ఇస్తాము అని చెప్పెను. స్వామి నీకు పాలు మోసి సేవ చేసే భాగ్యం నాకు ఇచ్చినందుకు చాలా సంతోషం కానీ నాకు మోక్షాన్ని ప్రసాదించండి అని ఆనందవల్లి పరమేశ్వరుణ్ణి వేడుకుంది. అప్పుడు పరమేశ్వరుడు నాకు పాలు తీసుకు వచ్చి నా ఆకలి తీర్చావు కాబట్టి, ఈ క్షేత్రమునకు వచ్చే భక్తులు ప్రధమముగా నీ వద్దకు వచ్చి నిన్ను దర్శించి వారి సంకల్పమును నీకు చెప్పెదరు. నీవు నా వద్దకు వచ్చి ఆ సంకల్పము ను చెప్పుము అని ఆనందవల్లి తో పలికెను.
ఆ రోజు నుండి ఆనందవల్లి అమ్మవారు ప్రథమ దర్శనము అందుకుంటూ ఈ క్షేత్రమున భక్తులు కోరిన కోర్కెలు తీరుస్తూ పూజింపబడితున్నది. @ganapathikamineni
Music Credits
============
@No Copyright Vibes
www.youtube.com/@NO_COPYRIGHT_VIBES
Instagram : shuvo_ghosh056
Facebook : Shuvo.Ghosh4654797693