Belipuna Records Presents, Ikko Sach, a new Punjabi Kali Rang about the inevitable truth of human life.
Song:- Ikko Sach
Singer/Lyricist/Composer:- Baba Beli
Music:- KV Singh
Video By:- Gurpreet Singh
Producer:- Jeevanpreet Kaur
Edit:- Ashu Kathpual
Production:- Gurpal Singh Billa & Tarsem Singh Pandori
Label:- Belipuna Records
Lyrics
ਇੱਕੋ ਸੱਚ ਦੁਨੀਆਂ ਦਾ, ਕੁੱਲ ਦੁਨੀਆਂ ਨੂੰ ਮਾਲੁਮ ਹੈ,
ਇਹ ਦੁਨੀਆਂ ਚਾਰ ਦਿਹਾੜੇ ਦੀ
ਨਾ ਤਕੜੇ ਦੀ ਨਾ ਮਾੜੇ ਦੀ
ਕੋਈ ਅੱਜ ਤੁਰਦਾ, ਕੋਈ ਕੱਲ ਤੁਰਦਾ
ਇਕ ਦਿਨ ਹੋ ਜਾਣੇ ਸਭ ਮੁਰਦਾ
ਫਿਰ ਕਾਹਦਾ ਮਾਣ ਭਰਾਵੋ ਓਏ.......
ਇੱਕੋ ਸੱਚ ਦੁਨੀਆਂ ਦਾ, ਕੁੱਲ ਦੁਨੀਆਂ ਨੂੰ ਮਾਲੁਮ ਹੈ,
ਕਿੱਸੇ ਖੂਬ ਜੋੜਕੇ ਪੇਸ਼ ਕਰੇ ਫਨਕਾਰਾਂ ਨੇ
ਜਿਸ ਦਿਨ ਆ ਗਈ ਘੜੀ ਅਨੋਖੀ ਸਿਰ ਤੇ ਮਿੱਤਰਾਂ ਦੇ
ਓਸੇ ਪਲ ਮੁੜ ਜਾਣੇ ਮੁਖੜੇ ਦਿਲ ਦਿਲਦਾਰਾਂ ਦੇ
ਇਹ ਸਭ ਜ਼ੋਰ ਹਕੂਮਤ ਮੇਲੇ ਪਲਕਾਂ-ਝਲਕਾਂ ਦੇ
ਮੰਜੇ ਫੜਨੇ ਇਕ ਦਿਨ ਬਲੀਆਂ ਤੇ ਬਲਕਾਰਾਂ ਨੇ
ਲਾਲੀ ਦਗਦੀ ਉੱਡ-ਪੁੱਡ ਜਾਣੀ ਹੁਸਨੀਂ ਚਿਹਰੇ ਤੋਂ
ਮੱਠੀਆਂ ਪੈ ਜਾਣੈ ਸਭ ਤੇਜ਼-ਚੁਸਤ ਰਫਤਾਰਾਂ ਨੇ
ਸੁਣ ਬੰਦਿਆ, ਜਿਸਮ ਦਾ ਗਹਿਣਾ
ਨਹੀਂ ਸਦਾ ਦਮਕਦਾ ਰਹਿਣਾ
ਪੌੜੀ ਸੰਭਲ-ਸੰਭਲ ਕੇ ਚੜੀਏ
ਬਾਣੀ ਨੇਮ ਨਾਲ ਨਿੱਤ ਪੜੀਏ
ਜੋ ਆਇਆ ਉਸਨੇ ਜਾਣਾ ਹੈ
ਰਾਹ ਵੱਖਰੇ ਸੇਮ ਟਿਕਾਣਾ ਹੈ
ਪਗੜੀ ਸ਼ਾਲ ਸਿਰੋਪਿਆਂ ਨਾਲ ਪੇਟੀਆਂ ਭਰੀਆਂ ਨੇ
ਨਿਭਣਾ ਨਾਲ ਸਰੀਰਾਂ ਨਹੀਂ ਲੀਰਾਂ ਰੰਗਦਾਰਾਂ ਨੇ
ਖਾਲੀ ਜੇਬ ਕਰਾਕੇ ਵਸਤਰ ਲਾਹਕੇ ਬਦਨਾਂ ਤੋਂ
ਸਿਰ ਤੇ ਦਹੀਂ ਮਲਾਕੇ ਤੁਰ ਜਾਣੈ ਸਰਦਾਰਾਂ ਨੇ
ਪੁਤਲਾ ਪੰਜ ਤੱਤਾਂ ਦਾ, ਤੱਤਾਂ ਦੇ ਵਿਚ ਰਲ ਜਾਣਾ, ਅਗਨੀ ਜਾਇਆਂ ਨੇ ਜਦ ਆਣ ਚਿਖਾ ਨੂੰ ਲਾਉਣੀ,
ਤੇਰੀ ਦੇਹੀ ਸੜਕੇ ਰਲਣੀ ਵਿਚ ਹਵਾਵਾਂ ਦੇ, ਬਚੀ ਜੋ ਢੇਰ ਖਾਕ ਦੀ, ਮਿੱਟੀ ਵਿਚ ਸਮਾਉਣੀ,
ਬਣਕੇ ਧੂੰਆਂ ਮਿੱਤਰਾ, ਉੱਡਣਾ ਤੈਂ ਅਸਮਾਨਾਂ ‘ਤੇ, ਤੇਰੀ ਮੁੱਠ ਹੱਡੀਆਂ ਦੀ ਪਾਣੀ ਵਿਚ ਵਹਾਉਣੀ......
ਘੱਟ ਤੋਂ ਘੱਟ ਚੀਜ਼ਾਂ ਨਾਲ ਸਿੱਖ ਲੈ ਬੰਦਿਆਂ ਜਿਊਣਾ ਤੂੰ,
ਤੇਰੇ ਕਸ਼ਟ ਵਧਾਉਣੇ, ਖੋਹਕੇ ਲਏ ਉਪਹਾਰਾਂ ਨੇ
ਇਕ ਦਿਨ ਦੇਣਾ ਈ ਪੈਣੈ ਲੇਖਾ ਡਾਕੇ ਮਾਰਿਆਂ ਦਾ,
ਆਖਰ ਹੱਕ ਨੂੰ ਹਾਸਲ ਕਰ ਲੈਣੈ ਹੱਕਦਾਰਾਂ ਨੇ
ਇਹ ਦੁਨੀਆਂ ਸੁਪਨਾ ਈ ਦਿਨ ਚਾਰ,
ਤੂੰ ਬੇਲੀ ਬਣ ਬਾਬੇ ਦਾ ਯਾਰ,
ਅੰਤ ਨੂੰ ਦੇਣੇ ਕਾਲ ਦੀਦਾਰ,
ਫੇਰ ਕੀ ਤੁਣਕੂ ਤੂੰਬਾ ਤਾਰ,
ਤੂੰ ਮੁੱਖ 'ਚੋਂ ਵਾਹਿਗੁਰੂ ਨਾਮ ਉਚਾਰ,
ਕਿ ਪੰਛੀ ਉੱਡ ਜਾਣੇ, ਛੱਡ ਜਾਣਾ ਸੰਸਾਰ............
@ ਬਾਬਾ ਬੇਲੀ
#newpunjabisong #latestpunjabisong #romanticsong #bababeli #baba_beli #belipuna