يا سللاااام ياخ والله الزول بكون مستمتع غاية الاستمتاع ومستفيد كل الاستفادة وهو بسمع كلام في غاية البساطة من ناس ناضجين وواعيين زيكم.. شكرا عمو معاذ وخالتو آلاء 🌹🤍
بغض النظر عن حبي للبودكاست و المواضيع دي عموماً ❤ موضوع اني اسمع بودكاست بين اتنين متزوجين دا ليه متعة خاصة و بتمنى ربنا ييسر لي بت حلال تفهمني و نكون متقاربين في الأفهام بقدر الإمكان زيكم كدا ❤آمين
عاده بسمع بودكاستات قبل ماانوم وبنوم في نصها 😹. بس حقكم دا تميته كله ✔️. فالواحد متفائل بمحتواكم دا خاصه انه سوداني قليل تلقي محتوي محترم وبيقدم بطبيعيه وتلقائيه كدا ومفيد.. فبندعمكم دايما وعقبال المليون👍✨
الموضوع بتعلق بالقبول اكتر من ما بتعلق بي معرفة الشخص لانو التعمق في معرفة شريك الحياة بدخلك في نقد ووووو وكلام كتير لكن انا بتقبلك بي نواقصك بي أي حاجة وانت تتقبلني ونكمل بعض ونكمل مع بعض
على فكرة انا ساكن شمبات و متابعك من سلسلة حلقات داقي جرس و سبحان الله ايامك الأخيرة في السودان انا شفتك داخل مجمع خدمات الجمهور في المزاد، كنت متمني اسلم عليك لكن زي ما عارف الزحمه الشديدة و كده ما قدرت على كل اعرف انو وراك جيل بستفيد من محتواك الشبابي السوداني الهادف الواقعي #زين♡
صدقت في نقطة التسمية دا، لو في طريقه يسألونا نحن زاتنا قبل يسمونا ياخ، اسمي رباعي محمداحمد حمزة علي محمداحمد وعامل لي ازمة بره السودان ، دي عاده مفروض تندثر.
قال رسول اللّه صلى اللّه عليه وسلم: "إنَّكُمْ تُدْعَوْنَ يَوْمَ القِيامَةِ بأسْمائكُمْ وأسماءِ آبائِكُمْ فأحْسِنُوا أسْماءَكُمْ". إحسان التسمية دا واجب على الوالدين، كمان الاسماء المركبة دي مادام عملت ليك مشاكل تنتهي عندك وماتبتلي بيها اولادك
حبييت الحلقه حلوه شدبد و عندي سؤال طيب في ناس فتره ما قبل الزواج بتحاول تجمل من شخصيتها او ما بتكون على طبيعتها بشكل اصح يعني ممكن نسأل الاسئله دي و اجاباتها ما تكون صحيحه و نكتشف الحقيقه بعد العرس كيف ممكن نتفادى حاجه زي دي
السلام عليكم.. ربنا يسعدكم و يحفظكم يارب و يوفقكم يارب العالمين عندي سؤال لي معاذ كرجل.. ليه في شباب بيكونوا في علاقات و كانت جاده و فجأه بينسحبو حتى من غير ما تكون في مواجهه أو أي توضيح؟؟
جميل جدا ان نرى متزوجين مسلمين يتحدثون ويتناقشون بانفتاح واحترام كبير اللهم بارك . حابة اعطيكم نصيحة بسيطة جدا اذا تقبلونها مني. لان ماشاء الله عليكم الاثنين عندكم اراء جميلة ، خلوا كل واحد فيكم دائما يظهر انبهار واعجاب بفكرة الآخر وانه فعلا شايفها تضيف له شخصياً، هذه النقطة مهمة في الزواج يقولون خلاصة احتياجات الزوجين ان يسمعوا ويروا ويفهموا to be seen, heard and understood فالتعقيب على كلام الاخر ولو بكلمة مثل فعلا او معك حق او واو او جميل بتعطيه احساس انك فعلا سمعته وكلامه له قيمة عندك بس لو انتقلت على نقطة ثانية بعد انتهاءه من كلامه تعطيه احساس انك ما كنت تسمع او ما عجبه كلامك او طنشته. اشكركم ثانية على المحتوى الراقي جداً اللهم بارك
طبعا الحياة فيها تنازلات مالم تكن في الحاجات الاساسية يعني ممكن عشان شخص فيه صفات كتير كويسة انت بتتنازل،، وحتي الأولويات بتتغير مع الوقت، يعني مثلا انا طبيبة وكنت بشوف الطب والشغل دا شغفي الما ممكن ابدلو باي شي بس لما اولادي بدو يكبروا شوية وبدية اشوف احتياجاتهم الروحية والنفسية والمورال وأهمية جودة الوقت معاهم بقيت انظر لشغلي انو مصدر دخل فقط ولو لقيت بديل مادي وانا مع أولادي ممكن عادي اغير ،، بس النقطة المهمة فعلا انك ما تفترض حاجات مسلم بيها في شريك حياتك مهما هو قال او الناس قالوا عنو لانو في ناس كذابين في ناس يقولون ما لا يفعلون ،،، حتي زواج أهلنا زمان كان بكون ناجح بالاحترام المتبادل والتنازلات والإهتمامات الإجتماعية المختلفة،،،، طلب اخير آلاء اعملي لينا فيديو للبنات عشان ذوقك حلو في اللبس من وين بتنسقي لبسك ، انا محجبة في أوروبا ومرات بغلبني عديل .
بغض عن التنازلات بين الطرفين؟ انا شايف المرأة القوية المتمسكة بتعاليمها الإسلامية هي راس الرمح لتغير الزوج ليكون افضل؟ التجارب كلها تدل على ذلك اذا كانت الزوجة ست بيت فلا خوف على الحياة الزوجية 😍✋
ما شاء الله دردشتكم لا غنى عنها ♥️ .. عندي سؤال في بالي : لو الاحتاجات الاساسية زي الموية و الكهرباء و العش اتوفرو في السودان بي شكله الحالي هل حيكون افضل ليكم ولا لسة حتعيشو تجربة الاغتراب و ممكن تستقرو في السودان لي قدام ؟
@@ChitChatMuazAlaa صح والله .. لكن ممكن تكونو في حتة هادئة ما الا العاصمة هسا نحن في القضارف حوادث 9 طويلة و القلع دي شبه مافي الا النشل و السرقة في لكن القلع دا نادر و حسب الحي
الكورس دا الغربية بيعملوهو للناس في ماليزيا قبل الزواج www.aljazeera.net/news/lifestyle/2019/2/20/%D9%85%D8%A7%D9%84%D9%8A%D8%B2%D9%8A%D8%A7-%D8%AD%D9%84%D9%88%D9%84-%D9%85%D8%A8%D8%AA%D9%83%D8%B1%D8%A9-%D9%84%D9%85%D8%B4%D9%83%D9%84%D8%A9-%D8%A7%D9%84%D8%B7%D9%84%D8%A7%D9%82
حبايبي والله دردشتكم دي بتحلي على دوامي بكون فاتح الحوار الجميل وشغال بحب اعمل فديوهات لكن ما قاعد انشر فكر اعمل فديوهات افصل فيها مواضيعكم البتتناقشوها دي
خيارااتك ... كلمة مريحة وفيها كمية من الاحساس بحريتك واستقلاليتك .. لكن فكرة (الخيارات) في مجتمعنا باهتة الملامح بالذات في رحلة ما الزواج .. لأنه الطريق مابعد الزواج مرسوم وروتيني ومتفق عليه .. يبدأ من (اها مابقيتو ٣) وينتهي ب(ولد الولد اعز من الولد) ههههه .الحوالينكم حيسألوكم عن الانجاب بعد شهر .. لأنه ده النمط المعتاد .. انكم مفروض تبقو 3 وأي رؤية تانية حتكون مستهجنة ... وتستمر القصة ع الخط المرسوم التقليدي .. الولد الاول سموه ع جدو .. دخلوه الروضة الجمب البيت .. المدرسة الفيها اولاد عمو ..لأنه اول الصف حيمشي علمي .. حيدخل طب زي ابوهو .. ابوه كبر يبقى هو لازم حيغترب عشان يشيل اهلو .. وهكذا.. التطور الطبيعي المقبول لقصة الزواج ههههه.. لكن لو تخيلنا couples بهذه الخيارات: ماعاوزين نبقي 3 .. عاوزين نكون مع بعض 5 سنة لحدي مانتأكد اننا مؤهلين لتربية جيل حتي نقرر نجيب اولاد .. وحنسكن داخل السودان لكن في حتة بعيد من اهلي واهله .. مدارس اولادنا حنختارا حسب مواصفات المدرسة وليس الموقع ... دراسة اولادنا depend على خياراتهم .. عادي لو عايزين يمشو مجال ادبي حتى لو نحنا الاتنين دكاترة .. ممكن نرسلهم يدرسو برة السودان اذا المجال البحبوه برة احسن ..اولادنا ماحنلزمهم باي منصرف تجاهنا .. لاننا حنكون دبرنا مشروع صغير يشيل كبرنا .. وح نربي اولادنا بنفس الاستقلالية وماحندخّل في حياتهم .. طبعا كوبلز بالقصة الفوق ديل حيكونو محط استغراب .. التفكير خارج الصندوق مهم شديد والله .. قيود مجتمعية كتيرة محتاجين نكسرها لا لمجرد الرغبة في التجاوز لكن لانها فعلا قيود بالية ماانزل الله بها من سلطان .. تشكراات معاذ والاء ع المواضيع الهادفة .. وياليت تتكلمو لينا عن.. انخفاض مستوى وعي الطالب الجامعي ..وتدني ثقافة الشباب السوداني واهتماماتهم ..
نقاش ممتع وهادف من معاذ وزوجته 😍 بس أسئلة ماقبل الزواج عن شريك الحياة تحتاج التريث في أخذه للاعتبار؟ بعض البنات يظهرن وجه مخالف للواقع وكذلك الشاب المقبل للزواج؟ الالتزام الديني ربما شخص غير ملتزم لكنه بعد الزواج يغير حياته لدرجة لا تصدق بأن الشخص ده هو نفسه ماقبل الزواج؟ الزوجة تلعب دور كبير في تغيير طبع زوجها للأفضل او العكس 😂
سؤال لي خالتوا الاء … انا كولد عايز اتزوج شايف انه البنات(اغلبهم) بخافوا او بعملوا حساب لي "مجمتع النسوان "و نظرتهم ليها ف دا بعمل تغيير كبير ف حياتها و واختياراتها…. خالتوا الاء ممكن تقدم نصيحة للمجموعة دي شنو؟ نصيحة منك كزولة اتزوجت معاذ ممكن تدينا رايك برضو مع انه م حيشتغلوا بينا البنات🙂 (رجاء م تقولوا اسمي)
وجهة نظر انو ضروري اي زوجين مقبلين علي الزواج لازم يذهب الي الطبيب لإجراء فحوصات من الامراض المزمنه كدا ممكن تكون مدركه تماما لكن إذا ماعملت فحوصات قبل الزواج بعدين بتكون في مشاكل بيناتكم عشان كدا اي شخص مقبل لزواج يعمل فحوصات عشان حتي لو في مشكله ممكن الطرف الثاني يقبل ولا وممكن في علاج ولالا وهل نعالج المرض دا بعداك نزوج ول نفترق وشكر......... متابك من 2017معاذ كل الحب ونتمني ليكم حياة زوجيه سعيده ❤❤❤❤
في نقاط ياريت تتناقشو فيهم وتدونا رايكم يا معاذ والاء اللي هي القصه بتاعت مدي فرضية كلمة الرجل علي زوجتو خصوصا عندنا في المجتمعات السودانيه انو الراجل قال كده معناها done deal ومافي حته بتاعت تفاهم لانو في فكرة خاطئه انو المرأة بتتعامل بالعاطفه مع انو كل زول human being بيتعامل بالعاطفه و كيفية التعامل مع المشاكل وخصوصا اننا عارفين انو الحياة الزوجيه لا تخلو من المشاكل ف منو كلمتو الحتمشي و النقطة التانيه طريقة تربية الاولاد وهل حتكون تعنيف ودق مبرح من طرف الراجل او تربيه قويمه بما يرضي الله وبي تعاليم الرسول صلى الله عليه وسلم واللي فيها ضرب بس الي حد ما حاجه بس تخوف الطفل ما تعوقو ونقطه اخرى ممكن نسألها للطرف التاني قبل الزواج وهي انت مستعد تقدم شنو من تضحيات بعد الزواج وأسال الله ان يرزقكم الذريه الصالحه والحياة الزوجيه السعيده
عموما كده انا بحب البودكاستس والجلسات الفيها كلام عميق وفي آراء ونقاشات بس حرفيا كلو ما ينتهي البودكاست حقكم مع الساوند تراك الرهيب الخاتيو معاذ بحس بانشراح صدر وفرحه كده رهيبه، شكررررااااا ياخخي بستمتع شديد بالمحتوى دا، واخيرا ي معاذ متابعك من 2017 فا كيب جوينج ma G أمن مستتب والله 😂😂وبالنسبة لآلاء بالله حلقة الطب ودمتم في رخاء 😂🙏❤️❤️❤️❤️❤️❤️
@@ChitChatMuazAlaa ايوا تنظيم النسل عادي بس انا بتكلم عن التحديد انو الزول يحدد يجيب واحد او اتنين +الرسول صلى الله عليه وسلم قال (تزوجو الودود الولود فإني مكاثر بكم الامم يوم القيامه)
بصراحة انا مرات بشوف الزواج عن طريق الترشيح أفضل لانو زي ماذكرتوا من خلال كلامكم انه الزواج عن طريق التعارف المسبق فقط من خلاله بتعرف 20% عن الشخص الآخر في الوقت الانت بتظن انو تعرفت على الشخص تماماً وهو المناسب ليك 100% لكن المفاجأة بتحصل لمن تلقى اشياء سيئه في الشخص بعد الزواج وهنا بتبدأ المشاكل لكن زواج الترشيح اصلا حيكون نفس النسبه موجوده والباقي بتتحصل عليه بحسن الظن يعني أشياء ممكن ماتكون موجوده في الشخص لكن بتعاملك معاه على اساس انها موجوده فيه دي قد تبني فيه أشياء جيده ماكانت موجوده فيه.
كلو ما كعب اذا انت حتقضي فترة تسأل الاسألة المهمة و تعرف حقيقة الزول و بعد داك تقرر .. اما اذا عمياني كدا طوالي اتزوجت احتمالية المشاكل بتكون اكبر لانكم ما عرفتو بعض كويس .. بالمناسبة حتى الزواج عن حب احيانا بكون عمياني بتلقاهم ما بعرفو شي غير كلام الحب البت ما بتعرف الولد دا علاقتو مع ربنا كيف مع اهلو كيف و الولد برضو نفس الشي
انتو قاصدين شنو ب كلمة يرشحوا ليك ؟ نحن عندنا يرشحوا ليك معناها ناس البيت يقولوا ليك نحن البت ديك عجبتنا نخطبها ليك لو وافقت طوالي الموضوع يتم يعني الفأس وقع في الرأس تاني اي كلام يكون بعد الخطوبه يعني بعدها الزوقه بتبقى ليك شينه 😅 ... بالإضافة لي كدا انا شخصيا بشوف انو اقعد اتكلم مع بت عايز اتعرف عليها عشان اخطبها ولو مانفعت معاي اقول ليها مع السلامه دي زاتها حركه ما كويسه وفيها جرح لمشاعر البت.
معلومات اكتر من رائعه ربنا يسعدكم في ميزان حسناتكم آلاء ماشالله بنت فاهمه ربنا يحفظها حاولت اتواصل معاها علي انستا مافي رد دايره الاقيكم يشرفني وسعدني اتعرف بيكم please let me know I’d love to meet y’all please 🙏
يا سللاااام ياخ والله الزول بكون مستمتع غاية الاستمتاع ومستفيد كل الاستفادة وهو بسمع كلام في غاية البساطة من ناس ناضجين وواعيين زيكم.. شكرا عمو معاذ وخالتو آلاء 🌹🤍
فعلا
انتو ناس رهيبيييييين بمعنى الكلمة ❤️❤️❤️وحرفيا فتحتوا دماغي لحاجات كتييييرة
بغض النظر عن حبي للبودكاست و المواضيع دي عموماً ❤
موضوع اني اسمع بودكاست بين اتنين متزوجين دا ليه متعة خاصة و بتمنى ربنا ييسر لي بت حلال تفهمني و نكون متقاربين في الأفهام بقدر الإمكان زيكم كدا ❤آمين
والله الواحد بحضركم وهو مبسوط ومتكيف ومستمتع ومستفيد ❤️
ربنا يسعدكم يارب ويوفقكم
يا عمو معاذ وخالتو الاء شكرا جميلا .. انا بقيت منتظر الحلقة كل اتنين 😍😍😍🥰
ايجابية رهيييييبة 😁🌺🌺
كويس خالتو الاء حانشوفه تاني كتير لاني كنت حااقول ليك ماتخليها تنقطع مننا تاني انسانه فاهمه جدا
تحياتي ياعمو معاذ
راحه نفسيه اقسم بالله وطمئنينه لفل الف معاكم وتحيه كبيره لمعاذ لكل مجهود بتبذلوا عشانا وفي الختام غنيه الختاميه دي درعه والله قدااام استمر
جوء إيجابي وكلام سليم واسلوب راقي جدا ماشاءالله
حبيييت البتقدموه لو الناس كلها مشت بالنظام ده ح تكون في نجاحات في الأسر
معاذ اتعلمت منك كثير الحمدلله وبذات حاجه معينه كان قلتها زمان في تغريدة بالتويتر
كل الحب يا اجمل كوبل
عاده بسمع بودكاستات قبل ماانوم وبنوم في نصها 😹. بس حقكم دا تميته كله ✔️. فالواحد متفائل بمحتواكم دا خاصه انه سوداني قليل تلقي محتوي محترم وبيقدم بطبيعيه وتلقائيه كدا ومفيد.. فبندعمكم دايما وعقبال المليون👍✨
الموضوع بتعلق بالقبول اكتر من ما بتعلق بي معرفة الشخص لانو التعمق في معرفة شريك الحياة بدخلك في نقد ووووو وكلام كتير لكن انا بتقبلك بي نواقصك بي أي حاجة وانت تتقبلني ونكمل بعض ونكمل مع بعض
I think (don't assume) is the key of the episode
إنتو الاتنين ظابطين بس حبيت الاء عسل واقعية شديد عفوية وم متكلفة وربنا يبارك في حياتكم
نقاشكم جميل ومثمر بقيت استناكم عديل ❤❤❤❤
عمو معاذ وخالتو الاء بنحبكم شدييد ربنا يسعدكم 😍🥰❤❤❤
ي سلااام ياخ الصباح الظابط مع الفيديو الظابط ... موفق ي معاذ
الاء دي انسانه جميلة وروحها حلو بشكل لا يوصف❤
الحلقه حلوة شديييد استمتعت جدا ❤️❤️❤️
شكرا جزيلا على هذا الحوار الراقي. . وأتمنى أن يحذوا الشباب حذوكم لإدارة حوارات جادة ومفيدة وممتعة
جزاكم الله خير وربنا يوفقكم ويحفظكم
يديكم العافية بجد، كمية الاريحة والنقاش حاجه مبهرة جد ،الله يخليكم لبعض
حلقة جميلة شديد و اسلوبكم اجمل💕 .. عاوزين كتير من الحلقات دي ربنا يوفقكم يا رب
هادف جدا بالجد مستمتع منكم استمروا ي عزوز تحياتي ليكم
حبابكم والله.. احلى اشعار يجيني😍😍💕💕
Always gives a like for support without seeing the content when I'm busy , best wishes
جزاكم الله خير❤️
كلامكم حلوو شديييد ياخي بس ياريت تلغوا الموسيقى اللي في النهاية عشان م يكون ذنب عليكم والله أعلم
As always, Such a nice and informative Podcast, Thank you guy's.
شكرا علي الحلقه الجميله ❤️
سؤالي ليك ي معاذ زوجي ما بصلي الصبح في نظرك كيف اخلي يصلي
اول تعليق ❤ حب كبير ليكم احلى كبل
احنا كمان روتينا بقى احلى بعد بقيتي تعمل البرودكاست دا والله 💚💚💚
على فكرة انا ساكن شمبات و متابعك من سلسلة حلقات داقي جرس
و سبحان الله ايامك الأخيرة في السودان انا شفتك داخل مجمع خدمات الجمهور في المزاد، كنت متمني اسلم عليك لكن زي ما عارف الزحمه الشديدة و كده ما قدرت
على كل اعرف انو وراك جيل بستفيد من محتواك الشبابي السوداني الهادف الواقعي
#زين♡
الحلقة 🔥
حبايبي الحلوين منتظرتكم من بدري انا قريبه منكم في اوهايو كولومبس الاء فهم ودرايه انت محظوظ بيها ابقى ١٠٠عليها ً
بحبكم شديد والله 🥺 🤍
ارهب اتنين في الحياة والله الله يسعدكم يارب 💜💜
سؤالي ليكم يا معاذ وآلاء كيف قادرين توفقو بين شغلكم وبين حياتكم العامه وهل حاسين بتطور في شغلكم ؟ مشكورين مقدما وبالتوفيق يارب
منورين ❤❤❤❤❤❤
شكرا لكم
حبيت ❤️ ❤️ 😇 ❤️ منوررررين والله شكرا جميلاً ❤️ ❤️
موضوع مهم جداً بستاذنكم استعين بكلامكم في خطبة أو محاضرة عن الزواج
بحبكم شديد 😍😍
ماشاء الله تبارك الله عليكم ياشباب كل الإحترام ليكم ❤️✨
ظريفين♥️
انا بنتظركم كل اتنين بفارق الصبر
الظريفين جدا ❤
Alaa took over the podcast 🌚
الاء انتي عسولة شديد عاوزة ابقى صحبتك 🥹😭💓💓💓
صدقت في نقطة التسمية دا، لو في طريقه يسألونا نحن زاتنا قبل يسمونا ياخ، اسمي رباعي محمداحمد حمزة علي محمداحمد وعامل لي ازمة بره السودان
، دي عاده مفروض تندثر.
برة عندهم عادي الزول يغير اسمو
قال رسول اللّه صلى اللّه عليه وسلم: "إنَّكُمْ تُدْعَوْنَ يَوْمَ القِيامَةِ بأسْمائكُمْ وأسماءِ آبائِكُمْ فأحْسِنُوا أسْماءَكُمْ".
إحسان التسمية دا واجب على الوالدين، كمان الاسماء المركبة دي مادام عملت ليك مشاكل تنتهي عندك وماتبتلي بيها اولادك
تمنياتنا بمزيد من التقدم ✨️✨️✨️✨️
#ود الصادق 👍👍👍
حبييت الحلقه حلوه شدبد و عندي سؤال طيب في ناس فتره ما قبل الزواج بتحاول تجمل من شخصيتها او ما بتكون على طبيعتها بشكل اصح يعني ممكن نسأل الاسئله دي و اجاباتها ما تكون صحيحه و نكتشف الحقيقه بعد العرس كيف ممكن نتفادى حاجه زي دي
عايز أسالكم عمو معاذ و خالتوا ألاء
نظرتكم شنو لي موضوع الإنجاب و الأطفال ؟
هل متفقين أنكم تأجلوا و الأسباب شنو ؟
السلام عليكم.. ربنا يسعدكم و يحفظكم يارب و يوفقكم يارب العالمين
عندي سؤال لي معاذ كرجل.. ليه في شباب بيكونوا في علاقات و كانت جاده و فجأه بينسحبو حتى من غير ما تكون في مواجهه أو أي توضيح؟؟
مراااحب
جميل جدا ان نرى متزوجين مسلمين يتحدثون ويتناقشون بانفتاح واحترام كبير اللهم بارك . حابة اعطيكم نصيحة بسيطة جدا اذا تقبلونها مني. لان ماشاء الله عليكم الاثنين عندكم اراء جميلة ، خلوا كل واحد فيكم دائما يظهر انبهار واعجاب بفكرة الآخر وانه فعلا شايفها تضيف له شخصياً، هذه النقطة مهمة في الزواج يقولون خلاصة احتياجات الزوجين ان يسمعوا ويروا ويفهموا to be seen, heard and understood فالتعقيب على كلام الاخر ولو بكلمة مثل فعلا او معك حق او واو او جميل بتعطيه احساس انك فعلا سمعته وكلامه له قيمة عندك بس لو انتقلت على نقطة ثانية بعد انتهاءه من كلامه تعطيه احساس انك ما كنت تسمع او ما عجبه كلامك او طنشته. اشكركم ثانية على المحتوى الراقي جداً اللهم بارك
طبعا الحياة فيها تنازلات مالم تكن في الحاجات الاساسية يعني ممكن عشان شخص فيه صفات كتير كويسة انت بتتنازل،، وحتي الأولويات بتتغير مع الوقت، يعني مثلا انا طبيبة وكنت بشوف الطب والشغل دا شغفي الما ممكن ابدلو باي شي بس لما اولادي بدو يكبروا شوية وبدية اشوف احتياجاتهم الروحية والنفسية والمورال وأهمية جودة الوقت معاهم بقيت انظر لشغلي انو مصدر دخل فقط ولو لقيت بديل مادي وانا مع أولادي ممكن عادي اغير ،، بس النقطة المهمة فعلا انك ما تفترض حاجات مسلم بيها في شريك حياتك مهما هو قال او الناس قالوا عنو لانو في ناس كذابين في ناس يقولون ما لا يفعلون ،،، حتي زواج أهلنا زمان كان بكون ناجح بالاحترام المتبادل والتنازلات والإهتمامات الإجتماعية المختلفة،،،، طلب اخير آلاء اعملي لينا فيديو للبنات عشان ذوقك حلو في اللبس من وين بتنسقي لبسك ، انا محجبة في أوروبا ومرات بغلبني عديل .
بغض عن التنازلات بين الطرفين؟ انا شايف المرأة القوية المتمسكة بتعاليمها الإسلامية هي راس الرمح لتغير الزوج ليكون افضل؟ التجارب كلها تدل على ذلك اذا كانت الزوجة ست بيت فلا خوف على الحياة الزوجية 😍✋
ما شاء الله دردشتكم لا غنى عنها ♥️ .. عندي سؤال في بالي : لو الاحتاجات الاساسية زي الموية و الكهرباء و العش اتوفرو في السودان بي شكله الحالي هل حيكون افضل ليكم ولا لسة حتعيشو تجربة الاغتراب و ممكن تستقرو في السودان لي قدام ؟
السودان مافيهو أمان، الواحد يرجع مزعزع ويضيع اولاده في وضع غير مستقر لماذا؟
@@ChitChatMuazAlaa صح والله .. لكن ممكن تكونو في حتة هادئة ما الا العاصمة هسا نحن في القضارف حوادث 9 طويلة و القلع دي شبه مافي الا النشل و السرقة في لكن القلع دا نادر و حسب الحي
هيثم زول جميل
Masallah ❤❤alaa 🫶🏽🥰🥹
والله يا معاذ بقيت مهتم بالبودكاست والونسة مع المدام اكثر من حلقات يوم الخميس
شنو يا مان ياخ ؟؟
لانها أهم من حلقة الخميس
@@ChitChatMuazAlaa ربنا يحفظكم لبعض
@@ChitChatMuazAlaa 👌❤...
فعلا لمن قالت اولادنا ح نسميهم منو ح نهرب ههههه فعلا
حلقة تحفة واستفدت منكم كتير جزاكم الله خير.. فعلا المغترب (زي حلاتي كدة) بيعاني عشان يلاقي شخص مناسب ..
انا عندي اقتراح .. مفترض قبل أي اتنين يتزوجوا يعملوا ليهم كورس اجباري (رخصة زواج) عشان البلاوي بتاعة الانفصال والتناقضات البنشوفها دي تخف حبة
تحياتي وتقديري
الكورس دا الغربية بيعملوهو للناس في ماليزيا قبل الزواج
www.aljazeera.net/news/lifestyle/2019/2/20/%D9%85%D8%A7%D9%84%D9%8A%D8%B2%D9%8A%D8%A7-%D8%AD%D9%84%D9%88%D9%84-%D9%85%D8%A8%D8%AA%D9%83%D8%B1%D8%A9-%D9%84%D9%85%D8%B4%D9%83%D9%84%D8%A9-%D8%A7%D9%84%D8%B7%D9%84%D8%A7%D9%82
شكرررآ ليكم شديد يا حلوين ♥️♥️🫶🏼
ده شنو يا معاذ😂😂😂😂
انتهت مننا عديل كده 😂
اها مرتاح كده بقينا ناس ساهلين عاجبك كده😂❤️❤️❤️❤️
حبايبي والله دردشتكم دي بتحلي على دوامي بكون فاتح الحوار الجميل وشغال بحب اعمل فديوهات لكن ما قاعد انشر فكر اعمل فديوهات افصل فيها مواضيعكم البتتناقشوها دي
احلى كبولز ول ايه ❤
خيارااتك ... كلمة مريحة وفيها كمية من الاحساس بحريتك واستقلاليتك .. لكن فكرة (الخيارات) في مجتمعنا باهتة الملامح بالذات في رحلة ما الزواج .. لأنه الطريق مابعد الزواج مرسوم وروتيني ومتفق عليه .. يبدأ من (اها مابقيتو ٣) وينتهي ب(ولد الولد اعز من الولد) ههههه
.الحوالينكم حيسألوكم عن الانجاب بعد شهر .. لأنه ده النمط المعتاد .. انكم مفروض تبقو 3 وأي رؤية تانية حتكون مستهجنة ... وتستمر القصة ع الخط المرسوم التقليدي .. الولد الاول سموه ع جدو .. دخلوه الروضة الجمب البيت .. المدرسة الفيها اولاد عمو ..لأنه اول الصف حيمشي علمي .. حيدخل طب زي ابوهو .. ابوه كبر يبقى هو لازم حيغترب عشان يشيل اهلو .. وهكذا.. التطور الطبيعي المقبول لقصة الزواج ههههه.. لكن لو
تخيلنا couples بهذه الخيارات:
ماعاوزين نبقي 3 .. عاوزين نكون مع بعض 5 سنة لحدي مانتأكد اننا مؤهلين لتربية جيل حتي نقرر نجيب اولاد .. وحنسكن داخل السودان لكن في حتة بعيد من اهلي واهله .. مدارس اولادنا حنختارا حسب مواصفات المدرسة وليس الموقع ... دراسة اولادنا depend على خياراتهم .. عادي لو عايزين يمشو مجال ادبي حتى لو نحنا الاتنين دكاترة .. ممكن نرسلهم يدرسو برة السودان اذا المجال البحبوه برة احسن ..اولادنا ماحنلزمهم
باي منصرف تجاهنا .. لاننا حنكون دبرنا مشروع صغير يشيل كبرنا .. وح نربي اولادنا بنفس الاستقلالية وماحندخّل في حياتهم ..
طبعا كوبلز بالقصة الفوق ديل حيكونو محط استغراب .. التفكير خارج الصندوق مهم شديد والله .. قيود مجتمعية كتيرة محتاجين نكسرها لا لمجرد الرغبة في التجاوز لكن لانها فعلا قيود بالية ماانزل الله بها من سلطان ..
تشكراات معاذ والاء ع المواضيع الهادفة .. وياليت تتكلمو لينا عن.. انخفاض مستوى وعي الطالب الجامعي ..وتدني ثقافة الشباب السوداني واهتماماتهم ..
كلامك دا ياهو الافتراض حقك، لانو نص الحاجات القلت انو دا الطبيعي انا أول مرة اسمع بيها
فكره مجنونه
خلي الاء تصور وتعمل مونتاج للبودكاست براها 😂
نقاش ممتع وهادف من معاذ وزوجته 😍 بس أسئلة ماقبل الزواج عن شريك الحياة تحتاج التريث في أخذه للاعتبار؟ بعض البنات يظهرن وجه مخالف للواقع وكذلك الشاب المقبل للزواج؟ الالتزام الديني ربما شخص غير ملتزم لكنه بعد الزواج يغير حياته لدرجة لا تصدق بأن الشخص ده هو نفسه ماقبل الزواج؟ الزوجة تلعب دور كبير في تغيير طبع زوجها للأفضل او العكس 😂
عايزين نشوف رسوماتك يا خالتو الاء
instagram.com/its_meee_alaa
💙❤️
3:00 This is "hinai" lol
هل تحديد النسل حلال؟؟؟
تنظيم النسل حلال ومذكور في القرآن.
تحديد النسل دا ما حلال على حسب علمي والله اعلم
كان مرة قلت لصحبتي انو اول م تبدو تسمو عيالكم حتنفصلو وفعلا انفصلو بعد فترة بسيطة😂
عندكم جزء تالت ولا لا
لا نعتقد قريبا
سؤال لي خالتوا الاء … انا كولد عايز اتزوج شايف انه البنات(اغلبهم) بخافوا او بعملوا حساب لي "مجمتع النسوان "و نظرتهم ليها ف دا بعمل تغيير كبير ف حياتها و واختياراتها…. خالتوا الاء ممكن تقدم نصيحة للمجموعة دي شنو؟ نصيحة منك كزولة اتزوجت
معاذ ممكن تدينا رايك برضو مع انه م حيشتغلوا بينا البنات🙂
(رجاء م تقولوا اسمي)
وجهة نظر انو ضروري اي زوجين مقبلين علي الزواج لازم يذهب الي الطبيب لإجراء فحوصات من الامراض المزمنه كدا ممكن تكون مدركه تماما لكن إذا ماعملت فحوصات قبل الزواج بعدين بتكون في مشاكل بيناتكم عشان كدا اي شخص مقبل لزواج يعمل فحوصات عشان حتي لو في مشكله ممكن الطرف الثاني يقبل ولا وممكن في علاج ولالا وهل نعالج المرض دا بعداك نزوج ول نفترق وشكر......... متابك من 2017معاذ كل الحب ونتمني ليكم حياة زوجيه سعيده ❤❤❤❤
الشيييييييير افتحو الشغل ياااااا 😢
انت بطل تشتري حاجات فارغة وبندلات غالية
تحديد الاطفال دا ما حرام ؟
تنظيم النسل حلال ومذكور في القرآن.
تحديد النسل دا ما حلال على حسب علمي والله اعلم
احلا اتنين والله حبك كبير الله يحفظكم
في نقاط ياريت تتناقشو فيهم وتدونا رايكم يا معاذ والاء اللي هي القصه بتاعت مدي فرضية كلمة الرجل علي زوجتو خصوصا عندنا في المجتمعات السودانيه انو الراجل قال كده معناها done deal
ومافي حته بتاعت تفاهم لانو في فكرة خاطئه انو المرأة بتتعامل بالعاطفه مع انو كل زول human being بيتعامل بالعاطفه و كيفية التعامل مع المشاكل وخصوصا اننا عارفين انو الحياة الزوجيه لا تخلو من المشاكل ف منو كلمتو الحتمشي
و النقطة التانيه طريقة تربية الاولاد وهل حتكون تعنيف ودق مبرح من طرف الراجل او تربيه قويمه بما يرضي الله وبي تعاليم الرسول صلى الله عليه وسلم واللي فيها ضرب بس الي حد ما حاجه بس تخوف الطفل ما تعوقو
ونقطه اخرى ممكن نسألها للطرف التاني قبل الزواج وهي انت مستعد تقدم شنو من تضحيات بعد الزواج
وأسال الله ان يرزقكم الذريه الصالحه والحياة الزوجيه السعيده
عموما كده انا بحب البودكاستس والجلسات الفيها كلام عميق وفي آراء ونقاشات بس حرفيا كلو ما ينتهي البودكاست حقكم مع الساوند تراك الرهيب الخاتيو معاذ بحس بانشراح صدر وفرحه كده رهيبه، شكررررااااا ياخخي بستمتع شديد بالمحتوى دا، واخيرا ي معاذ متابعك من 2017 فا كيب جوينج ma G أمن مستتب والله 😂😂وبالنسبة لآلاء بالله حلقة الطب ودمتم في رخاء 😂🙏❤️❤️❤️❤️❤️❤️
حصل إنقلاب وخلاص القناة بقت حقت آلاء 😂
حصل انتخابات ديموقراطية
❤❤❤
بس تحديد النسل حرام 😭😂
تنظيم النسل حلال ومذكور في القرآن.
تحديد النسل دا شيء تاني والله اعلم
@@ChitChatMuazAlaa ايوا تنظيم النسل عادي بس انا بتكلم عن التحديد انو الزول يحدد يجيب واحد او اتنين +الرسول صلى الله عليه وسلم قال (تزوجو الودود الولود فإني مكاثر بكم الامم يوم القيامه)
خاشي قاعة الامتحان
امتحن واجيكم☻️
بالتوفيق
بصراحة انا مرات بشوف الزواج عن طريق الترشيح أفضل لانو زي ماذكرتوا من خلال كلامكم انه الزواج عن طريق التعارف المسبق فقط من خلاله بتعرف 20% عن الشخص الآخر في الوقت الانت بتظن انو تعرفت على الشخص تماماً وهو المناسب ليك 100% لكن المفاجأة بتحصل لمن تلقى اشياء سيئه في الشخص بعد الزواج وهنا بتبدأ المشاكل لكن زواج الترشيح اصلا حيكون نفس النسبه موجوده والباقي بتتحصل عليه بحسن الظن يعني أشياء ممكن ماتكون موجوده في الشخص لكن بتعاملك معاه على اساس انها موجوده فيه دي قد تبني فيه أشياء جيده ماكانت موجوده فيه.
كلو ما كعب اذا انت حتقضي فترة تسأل الاسألة المهمة و تعرف حقيقة الزول و بعد داك تقرر .. اما اذا عمياني كدا طوالي اتزوجت احتمالية المشاكل بتكون اكبر لانكم ما عرفتو بعض كويس .. بالمناسبة حتى الزواج عن حب احيانا بكون عمياني بتلقاهم ما بعرفو شي غير كلام الحب البت ما بتعرف الولد دا علاقتو مع ربنا كيف مع اهلو كيف و الولد برضو نفس الشي
لو رشحوا ليك واتزوجت من غير ماتقعد وتسأل وتتناقش، يبقى ماف فايدة برضو. في كل الحالات الواحد لازم يناقش الحاجات المهمة
انتو قاصدين شنو ب كلمة يرشحوا ليك ؟ نحن عندنا يرشحوا ليك معناها ناس البيت يقولوا ليك نحن البت ديك عجبتنا نخطبها ليك لو وافقت طوالي الموضوع يتم يعني الفأس وقع في الرأس تاني اي كلام يكون بعد الخطوبه يعني بعدها الزوقه بتبقى ليك شينه 😅 ... بالإضافة لي كدا انا شخصيا بشوف انو اقعد اتكلم مع بت عايز اتعرف عليها عشان اخطبها ولو مانفعت معاي اقول ليها مع السلامه دي زاتها حركه ما كويسه وفيها جرح لمشاعر البت.
هل تؤيد الزواج من غير بنت بلدك لو كنت بتعرف اخلاقها وبتعرف اهلها وبينكم توافق؟
وين المشكلة ؟
@@ChitChatMuazAlaa المشكلة في العادات والتقاليد حالياً ممكن تتجاوزها بس لي قدام هل ممكن الحاجه دي تأثر بينكم
طبعا الموضوع بيكون فيهو اختلافات، نسبة لإختلاف العادات... بس طالما اي شيء بيرجع للدين مامفروض يكون في اي مشكلة, ولازم المرونة في المواضيع الصغيرة 👍
معلومات اكتر من رائعه ربنا يسعدكم في ميزان حسناتكم آلاء ماشالله بنت فاهمه ربنا يحفظها حاولت اتواصل معاها علي انستا مافي رد دايره الاقيكم يشرفني وسعدني اتعرف بيكم please let me know I’d love to meet y’all please 🙏
كدي رسلي لآلاء تاني ، لانو قالت مالقت الرسالة
❤❤❤