(زواج الاجانب) اجرائات الزواج من المانية في مصر (إشترك)👇
Вставка
- Опубліковано 7 вер 2024
- للتواصل :
Pop.rashed55@gmail.com
Instagram: Rashedvlogs
Snapchat: arashed5555
Facebook: / posts
LinkedIn: / ahmed-rashed-6856751bb
Twitter: Rashedvlogs
Telegram: Rashedvlogs
هات ورقه وقلم واكتب الخطوات..
احجز معاد توثيق في سفاره المانيا الاتحاديه .. لانه بياخد وقت
اما بقيت الاوراق اسبوع بالكتير وتخلص او اسبوعين
١-#شهادة #ميلاد
٢-#قيد #فردي
٣-#اقرار #فردي
٤-#صوره #اول #صفحه#جواز #السفر
بالتفصيل ..
شهاده الميلاد والقيد الفردي هتستخرجهم من السجل المدني التابع لمحل الميلاد يعني المدينه اللي مولود فيها ..
او من السجل الرئيسي في العباسيه القاهره ..
لما تعمل القيد الفردي وشهاده الميلاد اطلب من مدير السجل يعطيك ختم اذن توثيق خارجيه ..
بعد كدا هتروح الشهر العقاري تطلب نموزج فاضي ب 5ج تقريبا
هتكتب فيه .....
اقر انا ........
انني لم اتزوج من قبل مصريه او اجنبيه داخل مصر او خارجها
وتمضي تحتها وتدخل توثقها وتطلب من مدير الشهر العقاري يعطيك ختم اذن توثيق خارجيه برضو ..
لو كنت متجوز قبل كدا هتكتب ..
اقر انا .......
انني غير متزوج من مصريه او اجنبيه حاليا داخل مصر او خارجها
وتمضي
ودي صيغه تنفع برضو لو اعزب ..
بعد كدا هتاخد
شهاده ميلادك
اقرارك الفردي
القيد الفردي عليهم ختم اذن توثيق خارجيه
وتروح لاقرب مكتب توثيق خارجيه
هتدفع لكل ورقه ١١ ج تقريبا يعني ٣٣ ج
وبعد كدا هتاخد ال ٣ ورقات دول وتصور باسبورك اول صفحه وتروح للمترجم
يترجم لك كل الاوراق دي ولما تستلمها منو هيكون معادك للتوثيق اللي حجزته قرب .. هتروح توثق ال ٤ ورقات ..
كل ورقه هتترجم تقريبا ب ٢٠٠ ج مصري
كل ورقه هتتوثق ب ١٠٠٠ ج مصري تقريبا
يعني لحد ما تخرج بيهم من السفاره متوثقين ومترجمين وجاهزين للسفر للزوجه هتكون تقريبا صرفت
حوالي ٢٠٠ ج استخراج بالكتير
٣٣ج توثيق خارجيه
٨٠٠ ج تقريبا ترجمه
تقريبا ٤٠٠٠ ج توثيق
يعني اجمالي مصاريف ك بدايه
٥٠٠٠ ج مصري
بعد كدا هتبعت الاوراق دي لعنوان خطيبتك او زوجتك
في البريد .. اي مكتب بريد
لازم هي اللي تمليك العنوان بالتفصيل صحيح ورمز المدينه وكل حاجه تتكتب صح وياريت تحت العنوان تكتب رقمها عشان لو اى حاجه حصلت لقدر الله مترجعش تعمل كل دا تاني .
يا اما لو هي موجوده في مصر تاخد الورق معاها ..
هتروح مكتب جواز الاجانب هنا هي ..
هتطلب موافقه بالجواز منك في مصر .
هتقعد حوالي اسبوعين او ٣ علي حسب
وبعد كدا تاخد الورق وتجيلك مصر
اول حاجه بعد ما توصل ليك مصر ...
تدخل السفاره تبدل الورقه اللي جابتها من المانيا
بورقه تانيه فيها بياناتها بالكامل وبياناتك
حاول لما يسالوك علي مصدر دخلك تقول رقم قريب من ٥٠٠٠ ج
دا كلو روتيني
هيسالك بتشتغل ايه وهي
دخلك كام
وحجات بسيطه ....
لازم تكون ديانتها ... مسلمه او مسيحيه او يهوديه
غير كدا مش هينفع تتجوزها
لازم تقول في السفاره ان هي ع ديانه من ال ٣ السماويه
بعد كدا
مجمع التحرير الجوازات
ختم فيه التاريخ بالوصول ودا تطلبه علي الشباك او تقول للظابط عاوز فيزا شهر للزواج مجانيه
بعد كدا هتصور باسبورك وباسبورها
صور شخصيه ليك وليها ..
تكون متفق مع اتنين شهود ضامنهم .. هتصور برضو بطايقهم
حاول يكون معاك عدد كبير من الصور مش بخساره
..
مطلوب شهادات صحيه ليك وليها ودي بتتعمل في اي مستشفي حكومي دي حيرتني شويه ....
حاول تعرف الاول انهو مستشفي متوفر فيها الشهادات دي قبل ما توصل زوجتك وتعطل
وياريت لو تشوف طريقه بالفلوس تستخرجها اسرع وتكون جاهزه معاك في الملف
هتروح بعد كدا علي وزاره العدل الدور الرابع زواج الاجانب ...
معاك ....
٢ شهود وبطايقهم فوق ال ٢١ سنه ومعاك صور البطايق
باسبورك وبطاقتك متصورين وباسبورها برضو متصور اول صفحه والصفحه اللي فيها الاقامه اللي جت من مجمع التحرير
..
هدخل تقدم ورقك .. تاخد دورك تتجوز ..
لو حظك حلو ورايح بدري هتاخد العقود معاك في نفس اليوم
هيتكلف الموضوع حوالي ٢٠٠ ج مثلا
تطلع بعد كدا علي الشهر العقاري الرئيسي في رمسيس
توثق هياخد حوالي ساعه
وبعد كدا لو لحقت تروح اى مكتب توثيق خارجيه توثق العقود
بعد كدا تقدر تروح للمترجم تسيب له العقود يترجمهالك وبعد كدا توثقهم في السفاره برضو ..
تعطي لزوجتك العقد بتاعها وتسافر هي تسجلك هنا في المانيا انك بقيت زوجها خلاص ..
وتقدم ليك علي تامين صحي وتسجلك في عقد ايجار الشقه اللي هي عايشه فيها لو كانت ايجار ..
لو كان عندها شقه ملك او بيت مش مطلوب تسجل لك في حاجه ..
وكدا ..
لسا دورك انت تجهز نفسك للتقديم ع الفيزا ودي هعمل ليها فديو قريب ان شاء الله اشرح فيه ازاى قدمت واخدت الفيزا ..
موقع السفاره قائمه المترجمين المعتمدين للسفاره
kairo.diplo.de...
..
.موقع السفاره الالمانيه بالقاهره
kairo.diplo.de...
.
.
.سفارة جمهورية ألمانيا الاتحادية .
2 شارع برلين، الجبلاية، الزمالك، محافظة القاهرة، مصر
+20 2 27282000
maps.app.goo.g...
عنوان السفاره
.
.
.
.
.
عنوان اقرب مترجم للسفاره وسعر ترجمه معقول
دكتور عبد الناصر
1 El Gezira El Wosta, أبو الفدا، الزمالك، الجيزة، مصر
maps.app.goo.g...
..
اتمني اكون وضحت كل حاجه وتحت امركم في اي استفسار
