Сюжет в эфире Россия 24 - Алания

Уæрæсейы, Цæгат Ирыстоны æмæ Таджикистаны адæмон артист стыр æвæрæн бахаста аивадмæ. Курдиатджын артист кинойы æмæ театры сценæйы цы сурæттæ сарæзта, уыдон ныры онг хуыздæр ахъазын никæмæн ма бантыст. Уататы Бибойы ном æнустæм баззайдзæн цæргæйæ, йæ курдиатæн ын стыр аргъ чи кодта, уыдоны зæрдæты.
Токаты Азæ, Уататы Бимболаты хо: «Мадзурайы ролы сценæмæ куы рацыд, уæд ыл адæм къухæмдзæгъдæй сæмбæлдысты. Æз æй мæхæдæг дæр не `мбæрстон, нырма фыццаг хатт куы рацыд, уæд ын афтæ цæмæн цин кæнынц, фæлæ йæ хъысмæт афтæ уыдис æмæ йæ адæм афтæ бауарзтой йæ фыццаг рацыдæй фæстæмæ».
Æвæццæгæн, æмæ йын йæ фыццаг рацыдæй сценæмæ адæм бамбæрстой йе стыр курдиат æмæ фидар удыхъæд. Уæдæй фæстæмæ аивадуарзджыты сæ къухæмдзæгъд не `вгъау кодтой Бибойæн. Рæсугъд æмæ хæларзæрдæ адæймаг, номдзыд актер, Ирыстоны кадджын фырттæй иу сценæйы сарæзта бирæ сурæттæ. Уыд æцæгæй дæр «адæмон артист». Йæ хо, Токаты Азæ куыд зæгъы, афтæмæй чысыл сабитæ куы уыдысты, уæд æй бамбæрста, Бимболат хуымæтæг кæй нæу, æмæ дзы стыр лæг кæй рауайдзæн уый. Скъолайы иу æпппынæдзух архайдта алыхуызон концерты æмæ театралон равдыстыты.
Токаты Азæ, Уататы Бимболаты хо: «Буроны скъолайы куы ахуыр кодтам, уæд Баллаты Володя спектаклимæ бацыдысты уырдæм æмæ йæ Володя бамбæрста, раиртæста, ацы лæппуйы исты кæй ис, æмæ йын уæд загъта, рацу дам театрмæ æмæ дæм мах уым æркæсæм».
Афтæмæй 18-аздзыд лæппу райдыта кусын Ирон театры. Хазби æмæ Чермен, Аслæнбег «Сæрмæт æмæ йæ фыртты», Шекспиры Лир æмæ Отелло, паддзах Эдип.
Астæуыккаг Азийы киностудиты цы сурæттæ сарæзта, уыдон дæр сты хицæн ныхасы аккаг. Уæдæ йын фылдæр кæй бантыстаид, уый дæр дызрдыггаг нæу. Уæрæсейы, Цæгат Ирыстоны æмæ Таджикистаны адæмон артист, Хетæгкаты Къостайы номыл паддзахадон æмæ РудАкийы номыл премиты лауреат. Куыста Цæгат Ирыстоны музыкалон-драмон театры, Мæскуыйы Драмæ æмæ комедийы театры Таганкæйы, кинонывты режиссерæй, уыд нæ республикæйы культурæйы министр дæр.
Бибо æгæрон уарзтæй уарзта адæмы æмæ сын кодта стыр аргъ. Уыдис ын хæлæрттæ æнæхъæн зæххы къорийыл. Мæт кодта йæ чысыл Ирыстоны хъысмæтыл. Стыр ныфс кæмæн уыд, уыдоны зæрдæты йæ сурæт цæрдзæн æнустæм.

[@user-fs3he5gz5j]

Какой же великим человеком был он... 100 лет один рождаются такие как он! Нет к нему равных и не будет никогда!

[@rindalizade719]

Асатины вы нашей крови,мы все Персы!Земля тебе пухом!

[@user-um5nj5tk8l]

Rind Alizade Салам алейкум спосибо брат был хорошим человеком рухсаг уад

[@user-kv4gn6mo4r]

Мо ирон астэм мо фарзабон астэм