تصدق بالله انت من اكتر اليوتيوبرز الي بشوفهم مقنع وفاهم ومعلوماتك وفيره ما شاء الله وغير كده بتهتم بالميزانيات الي علي الحديده تسلم يا محترم وام حاجه الاستمراريه
الكلمتين دول يخلو بلد تستمر و الله مش انا بس 🤣❤️ انا و الله كنت بتفرج ع كل اليوتيوبرز في الاول بيهتمو بالغلابه بعد كدا مجرد ميتشهر خلاص كدا ينسا اللي معاه مبلغ صغير عشان كدا قررت اعمل القناه دي
@@Elite_hardware معاك حق والله والمشكلة ان الناس بتروح تجري وتدفع فلوس كتير لمجرد انه شاف يوتيوبر بيجمع كيسه ب 20 الف في حين انه ممكن يجمع كيسه ارخص وهتكفي احتياجاته اتشرفت بيك يا صديقي وبالتوفيق
الڤيديو دا في حساباتي فعلا في المستقبل لأ حاليا مفيش اي إمكانيات أني أطلعه بالجودة اللي انا عايزها بس عمتا بعد متركب الجهاز خش ع البايوس و شغل ال xmp و بعدها ظبط الvram الكرت المدمج هتلاقي ڤيديوهين ع القناة للنقطتين دول و بعد متسطب الويندوز شغل تحديثات الويندوز و هيا هتنزلك كل التعريفات اللي محتاجها و اخيرا نزل سوفت وير الكرت من الشركة نفسها.
يسطا هي تجميعة gtx 1060 3gb و i5 2400 وباور سبلاي 400watt و 8 gb ram كويسة وهل يمكن تكون ب 5000 ؟ الناس بتقول كارت 1060 ما يتدفعش فيه اكتر من 2500 دا صح ولا هبد؟
شكرا ليكي جدا 🤍 التجميعة دي اللي انا بستعملها في مونتاچ كل الڤيديوهات الموجودة ع القناة بس ع adobe premiere pro عملت بيها شوية شغل ع after effects 1080p حوالي ٢٠ ثانيه بس كانت بطيئه جدا في الريندر فلو شغلك كله after effects منصحكيش بمعالج أقل من ٦ أنوية و ١٢ مسار
انا عايز تجميعة فى حدود 11 الف كنت يفكر فى Ryzen 5 2600 Rx 580 8 gb هتكون كويسة و تشغل حاجات زي Cyper punk God of war Eldin ring ولا هتبقى عنق وجاجة و لا فى حاجع احسن فى رينج السعر ال11 شامل البورد و البورسبلاى وكده
ع حسب كلام HP أن الكيس بتدعم كل احجام البورد الطبيعيه و الباور سبلاي 475watt لكن عشان نبقي في الامان برضه ابعتلي صور الباور ع الانستا و صور كابلاته و صور حجم البورد اللي راكبه في الكيس Insta: Ahmed4aw2ii
@@Elite_hardware سيليكون بور سرعه ٣٢٠٠ نفس سعر الباتريوت فايبر ايليت اللي سألتك عليها بسرعه ٣٦٠٠ يعني اخد تيفورس احسنلي ولا مافي فرق بينها وبين سيليكون باور
مش كل محلات الهارد وير بينزلوا نسخ اصلية من موقع ميكروسوفت فلأفضل تنزلها انت بنفسك و بالنسبة لموضوع الفريمات للكروت الخارجية بس عشان السوفت وير بتقدر تعدل منه اعدادات براحتك
@@Elite_hardware انا استقرت علي ٥٥٠٠،و برده b450m و رام ٨*٢ القصه علي امازون به ١٢٤٠٠ طبعا الأسعار مش منطقيه فهنزل ادور في المولات الفكره ان التجميعه دي هتفرق عن العندي انا معايه core i5 4770 و رام ddr3 12gb مع كرت 1050ti الفرق هيستاهل ولا فاكس
شكرا جدا بس عندي سؤال هل في المستقبل لو حبيت اطور في البروسيسور واجيب كارت شاشه خارجي هينفع ولا لا؟ وايه البرنامج اللي اعرف منو درجه حراره البروسيسور او الكومببوتر عموما وعادي لو نولت ويندوس 10 ولا لا وانا بعتذر علي اسالتي الكتير لان دي اول مره ليا اجيب تجميعه
بعد اذنك انا عارف اني اسئلتي كثرت انا بعتذر لكن هجيب تجميعة ان شاء الله 5000 مخطط اني اجيب i3 ثامن حضرتك تنصحني اجيب باقي الكيسة ايه هارد و بورد و كده وهل في معالج احسن في نفس فئته السعرية 1800 ، متشكر ليك وآسف على الإزعاج ❤
ولا يهمك يخويا بالنسبة للمعالج ممكن تشوف جيل تاسع هتلاقيهم قريبين اوي في السعر من بعض i3 و البورد اي بورد h310 رامات اي كيت patriot, lpx اي حاجه عادي متقلش عن ٢٦٦٦ ميجا هرتز هارد هات بس ssd 240 مثلا و بعدين هات هارد زيادة عادي ممكن تجيب باور مستعمل ب٥٠٠/٦٠٠ و تجيب اي كيسه قديمه و تمشي الدنيا
السلام عليكم بعد اذنك في الحقيقة انا معلوماتي عن الكمبيوتر قليلة شوية و مش فاهم نص الكلام تقريبا انا كنت عايز اسئل هل التجميعة دي هتبقى كويسة لتشغيل العاب ثقيلة زي Resident evil 4 remake Red dead redemption 2 و هكذا مع العلم اني مش هقدر اطور كارت الشاشة غير بعد ٥ شهور كده على الاقل فانا عايز اخد الخلاصة
@@Elite_hardware والله شوف انا محتاجها ف اول شهر عشرة ان شاء الله ف يعني هحفظ الفيديو وانت تجمعهالي وتختبرهالي وتشحنهالي وانا ادفعلك كل حاجة ان شاء الله ادعيلي بس اشتري تجميعة حلوة تصبيرة وبعدين اطور وان شاء الله تخلص الاستوديو علي احسن خير💙
تنفع يا صاحبي كل الڤيديوهات اللي ع القناة هنا لحد انهردا معمولهم مونتاچ عليها بس وقت الريندر ممكن يوصل لنص ساعه في ڤيديو ١٠ دقايق 1080p فمتتوقعش حاجه سريعة اوي يعني
انسب شاشة للألعاب 720p او 768p مستعملة في حدود ٤٠٠ج ١٧/١٩ بوصة اما للمونتاچ شوف شاشة dell او HP موديل Z مع دقة عرض 1080p و اتأكد أن الوانها كويسة هتلاقيها ٢٤ بوصة في حدود ١٦٠٠ج
720p أقل الاعدادات متوسط الفريمات ٣٨ فريم و أحيانا بتوصل ل٤٣ فريم ممكن مع كسر سرعة المعالج توصل لل٥٠ مثلا بس دا آخرها معتقدش أن في حاجه هتوصلها ٦٠ فريم 🥹
تصدق بالله انت من اكتر اليوتيوبرز الي بشوفهم مقنع وفاهم ومعلوماتك وفيره ما شاء الله وغير كده بتهتم بالميزانيات الي علي الحديده تسلم يا محترم وام حاجه الاستمراريه
الكلمتين دول يخلو بلد تستمر و الله مش انا بس 🤣❤️ انا و الله كنت بتفرج ع كل اليوتيوبرز في الاول بيهتمو بالغلابه بعد كدا مجرد ميتشهر خلاص كدا ينسا اللي معاه مبلغ صغير عشان كدا قررت اعمل القناه دي
@@Elite_hardware معاك حق والله والمشكلة ان الناس بتروح تجري وتدفع فلوس كتير لمجرد انه شاف يوتيوبر بيجمع كيسه ب 20 الف في حين انه ممكن يجمع كيسه ارخص وهتكفي احتياجاته
اتشرفت بيك يا صديقي وبالتوفيق
@@karimsamir14 تسلم يخويا و تسلم ع التشجيع ❤️
كلام في صواب ومقنع و مفهوم الله يبارك فيك
شكرا ليك ❤️😁
احسن يتيوبر في مصر❤
تعليق بعد دقايق من نزول الڤيديو ؟ ايه الدلع دا يعمنا ❣️
فيديو رائع ممكن سؤال هل البوردة A320 بتدعم معالح Ryzen 5 1600
اه اكيد هتدعمه بسهولة
ممكن تنزل فديو ضروري لتنزيل التعريفات بعد شراء جهاز او من الاخر ازاي اظبط الجهاز بعد الشراء لاني بحثت علي اليوت يوب ومفهمتش حاجه.
الڤيديو دا في حساباتي فعلا في المستقبل لأ حاليا مفيش اي إمكانيات أني أطلعه بالجودة اللي انا عايزها
بس عمتا بعد متركب الجهاز خش ع البايوس و شغل ال xmp
و بعدها ظبط الvram الكرت المدمج
هتلاقي ڤيديوهين ع القناة للنقطتين دول
و بعد متسطب الويندوز شغل تحديثات الويندوز و هيا هتنزلك كل التعريفات اللي محتاجها و اخيرا نزل سوفت وير الكرت من الشركة نفسها.
@@Elite_hardware و شوفت فديو كده بيقول اكتب اسم البورده علي جوجل ونزل حجات كده اعمل زي ما بيقول ولا احدث الويندوس لما انزله
؟؟
تعريفات برضه بس احدث الويندوز ابديت هيريح دماغك و ينزك المهم كله
يسطا هي تجميعة gtx 1060 3gb و i5 2400 وباور سبلاي 400watt و 8 gb ram كويسة وهل يمكن تكون ب 5000 ؟
الناس بتقول كارت 1060 ما يتدفعش فيه اكتر من 2500 دا صح ولا هبد؟
هي التجميعة دي تنفع للريندر على Adobe after effects
و محتواك رائع استمر
شكرا ليكي جدا 🤍
التجميعة دي اللي انا بستعملها في مونتاچ كل الڤيديوهات الموجودة ع القناة بس ع adobe premiere pro
عملت بيها شوية شغل ع after effects 1080p حوالي ٢٠ ثانيه بس كانت بطيئه جدا في الريندر
فلو شغلك كله after effects منصحكيش بمعالج أقل من ٦ أنوية و ١٢ مسار
انا عندي بورده Asus prime b450m_ k ومعالج Amd Ryzen 5 3400g المعالج ممكن اكسر سرعته علي البورده دي
اه اكيد و هتاخد أداء احسن من المعالج حتي لو الفرق مش كبير بس تابع درجات الحرارة 😬😬
ربنا يباركلك انت رائع
شكرا ليك جدا ❤️
قناه مميزه و يتيوبر فاهم وعنده معلومات حلوه👌
شكرا ليك جدا ❤️
ماشاءالله, شرح مفصل وجميل
تسلم ❤️
تجميعة الغلابه 🤣 استمر محتواك جميل
تسلم ربنا يخليك ❤️
انا عايز تجميعة فى حدود 11 الف
كنت يفكر فى
Ryzen 5 2600
Rx 580 8 gb
هتكون كويسة و تشغل حاجات زي
Cyper punk
God of war
Eldin ring
ولا هتبقى عنق وجاجة و لا فى حاجع احسن فى رينج السعر ال11 شامل البورد و البورسبلاى وكده
غالبا تقدر ترفع لمعالج اعلي زي ال
R5 3600
مع نفس الكارت و باقي قطع التجميعه العاديه بنفس السعر
لو سمحت يا PRO انا معايه 12 الف وعايز تجميعة متكامله وقويه لكل حاجه
ومحتار من فديوهات اليوتيوب ولكلام الكتير تنصحني بايه
اعمل بوست ع جروب الفيس يخويا و كلنا هنساعدك
اسف ع التأخير الكومنت كان محطوط سبام بدون سبب
هو الكرت الداخلي للبروسيسور ده و 16 رام بيكون كام داخلي وهل اقدر اعلي ولا هيفضل كده؟
2 gb VRAM
اخره كدا
هل التجميعه دي افضل ولا دي.
i5 6
8 ram
Hard 500
كارت شاشه p600 2جيجا
اللي في الڤيديو افضل بكتير من حيث التطوير فيها
انا عندي كيس hp z400
هل لو جبت البندل اللي في الفيديو اقدر اركبها علي الباور بتاع الhp ؟
ع حسب كلام HP أن الكيس بتدعم كل احجام البورد الطبيعيه و الباور سبلاي 475watt لكن عشان نبقي في الامان برضه ابعتلي صور الباور ع الانستا و صور كابلاته و صور حجم البورد اللي راكبه في الكيس
Insta: Ahmed4aw2ii
@@Elite_hardware تمام هبعتلك ❤️
وايه رايك لو جبت a520 ؟؟
احسن اكيد بس لو سعرها قريب من b450 كويسة ب٤ سلوت رام هات الb450 احسن من الاتنين
تنفع لشاشة full hd ؟
اه اكيد بس مش هتاخد نفس الأداء
@@Elite_hardware طيب تنفع لشاشه 1024 × 1280 بتردد 60 هرتز لاني صراحة بوظت كيستي القديمة ف معيش فلوس للشاشة
تنفع الشاشة ؟
سلام عليكم هل يمدي استخدم Ryzen 3 2200g بدل 3200 g? لاني حصلته ارخص واوفر لي!
و عليكم السلام ورحمة الله وبركاته
الفرق بين الاتنين يعتبر مش موجود اصلا فطلاما ارخص ليك يبقي مبروك عليك 😁❤️
تنصح برامات patriot viper Elite II
16 رام ٨ + ٨ سرعه 3600 ب 42$
لو في مصر كنت هقولك اكيد بسعر ٤٢ دولار يعني ١٣٠٠ج بس لو برا مصر تقدر تجيب كيت silicone power من امازون بحوالي ٢٩ دولار !!
@@Elite_hardware سيليكون باور جيده !
تاني شي لقيت تي فورس ٨ ب ٢ سرعه ٣٢٠٠ ب 45 دولار
@@hasan98s27 سيليكون باور كويسة بس طلاما بتدور ع اسماء الرامات المعروفه فالتي فورس و الباتريوت كويسين انا مجرد بقترح عليك بدايل اوفر زي مثلا Corsair vengeance lpx ع امازون ب٣٩ دولار و هيا أفضلهم 😅
@@Elite_hardware
سيليكون بور سرعه ٣٢٠٠ نفس سعر الباتريوت فايبر ايليت اللي سألتك عليها بسرعه ٣٦٠٠
يعني اخد تيفورس احسنلي ولا مافي فرق بينها وبين سيليكون باور
لا مفيش فرق بين الاتنين و بالنسبه للسرعات فالفرق بين ال٣٢٠٠ و ال٣٦٠٠ مش ملحوظ يعني خد الأرخص ❤️
الفلاشه وانا بشتريها اخلي الراجل ينزل عليها الويندوس ولا مش هيبقا مضمون ؟؟
وهل في برنامج بنزله بيزبط الفريمات ولا الكلام ده للكارت الخارجي بس
مش كل محلات الهارد وير بينزلوا نسخ اصلية من موقع ميكروسوفت فلأفضل تنزلها انت بنفسك
و بالنسبة لموضوع الفريمات للكروت الخارجية بس عشان السوفت وير بتقدر تعدل منه اعدادات براحتك
طيب انا عايز تجميعه مكونه من motherboard -cpu -ram
اعلي حاجه ممكن تتجاب به 10000 جنيه amd جديد
للعلم عندي بقيت الحجات من الجهاز القديم
ال CPU عايزه بكارك مدمج ولا معاك كارت خارجي ؟
@@Elite_hardware لا معايه 1050ti
لو عرفت تجيب بندل
5600x/3700x
B450
16 giga ddr4
يبقي حلو اوي مستعملين و لو معرفتش بدل المعالج بr5 5500 و هيتوفر معاك فلوس
@@Elite_hardware انا استقرت علي ٥٥٠٠،و برده b450m و رام ٨*٢ القصه علي امازون به ١٢٤٠٠ طبعا الأسعار مش منطقيه فهنزل ادور في المولات الفكره ان التجميعه دي هتفرق عن العندي
انا معايه core i5 4770 و رام ddr3 12gb مع كرت 1050ti
الفرق هيستاهل ولا فاكس
i5 4460**
لو حطيت معالج ryzen 5 2400g علي نفس التجميعه دي بدل الryzen 3 2200g هل هيكون افضل؟
اكيد هيديك أداء اعلي
واكيد برضو هقدر اطور واحط كرت خارجي في المستقبل
@@ahmedsedawy2603 اه طبعا مفيش حاجه تمنع
@@Elite_hardwareو اني فيهم يديني اداء افضل في الالعاب و يديني فريمات اكتر؟
2400G بس مش فرق كبير
اكتب ع اليوتيوب 2400G vs 2200G مثلا
طب يا غالى التجميعة دى cpu 55600g هيكون افضل
اكيد ال5600G اعلي بس بحوالي ٤٥٠٠/٥٥٠٠ج لوحده
جبت البوردة بس 2sh بتعت جيجا بايت حلوه؟
كويسة جدا، معظم بورد الs2h و s3h من جيجابايت كويسة
ممكن تقولي الشاشه كام هرتز واجيب معجون ايه؟
الشاشة 60 هرتز لأن كدا كدا التجميعة مش هتحقق ارقام اكبر من كدا
و المعجون ممكن تشوف mx4 او اي حاجه زيه في السوق من cooler master مثلا
شكرا جدا
بس عندي سؤال
هل في المستقبل لو حبيت اطور في البروسيسور واجيب كارت شاشه خارجي هينفع ولا لا؟ وايه البرنامج اللي اعرف منو درجه حراره البروسيسور او الكومببوتر عموما وعادي لو نولت ويندوس 10 ولا لا
وانا بعتذر علي اسالتي الكتير لان دي اول مره ليا اجيب تجميعه
@@ahmedsedawy2603 اكيد تقدر تطور براحتك دا السبب الأساسي للتجميعة دي
بالنسبة لبرنامج للحرارة core temp
و الويندوز اكيد ١٠ او ١١ أو حتي ٨ زي منتا عايز
@@Elite_hardware شكرا جدا لردك♥️
هو بورده asus prime b450 plus تشغل xmp
اه يا غالي تشغل xmp عادي 😁
تشغل ببس وفيفا 2023 وفري فاير وببجي؟
و اي حاجه تانيه نفسك فيها هتشغلها ♥
اسف ع التأخير الكومنت كان محطوط سبام بدون سبب
ممكن مرجعه كارت rx580
عنيا حاضر ❤️
هو لو عاوز اجيب كيسة شكليا احسن شوية هتكلفنى كام؟
في كيس شارك ب٤ مراوح RGB تقريبا ب١٤٠٠ج
@@Elite_hardware هو المعالج الى ف الفيديو متوفر فالمول؟
بقالي فتره منزلتش فمش عارف موجود ولا هتلاقي خلص عمتا اسأل عليه و ع r3 2200g الاتنين قريبين من بعض و ممكن كمان r5 2400g
يسطا الاسعار ظي لسة موجودة دلوقتي؟
الاسعار فرقت ١٠٠/٢٠٠ج في بعض القطع المشكلة في توافر القطع ..
استمر
تسلم ❤️
بعد اذنك انا عارف اني اسئلتي كثرت انا بعتذر
لكن هجيب تجميعة ان شاء الله 5000
مخطط اني اجيب i3 ثامن حضرتك تنصحني اجيب باقي الكيسة ايه هارد و بورد و كده وهل في معالج احسن في نفس فئته السعرية 1800 ، متشكر ليك وآسف على الإزعاج ❤
ولا يهمك يخويا
بالنسبة للمعالج ممكن تشوف جيل تاسع هتلاقيهم قريبين اوي في السعر من بعض i3
و البورد اي بورد h310
رامات اي كيت patriot, lpx اي حاجه عادي متقلش عن ٢٦٦٦ ميجا هرتز
هارد هات بس ssd 240 مثلا و بعدين هات هارد زيادة عادي
ممكن تجيب باور مستعمل ب٥٠٠/٦٠٠ و تجيب اي كيسه قديمه و تمشي الدنيا
@@Elite_hardware تسلم الله يباركلك يارب ❤️
محتاج رابط التعريفات
شغل الويندوز ابديت هيحملك كل التعريفات اوتوماتيك، او لو عايز احدث حاجه ابعتلي اسم البورد بالموديل كامل ع الانستا
هل البورده a320m pro تنفع مع Ryzen 5 4650G
هينفع بس هتحتاج تحدث البايوس
تعرف ممكن اجيبها مستعمل منين بسعر كويس طيب؟
@@yusefreda284 البستان أو market place
دا احسن من ryzen 5 2400g
رديت عليك في الكومنت الاول 🤍
السلام عليكم
بعد اذنك في الحقيقة انا معلوماتي عن الكمبيوتر قليلة شوية و مش فاهم نص الكلام تقريبا
انا كنت عايز اسئل هل التجميعة دي هتبقى كويسة لتشغيل العاب ثقيلة زي
Resident evil 4 remake
Red dead redemption 2
و هكذا
مع العلم اني مش هقدر اطور كارت الشاشة غير بعد ٥ شهور كده على الاقل
فانا عايز اخد الخلاصة
لو جيبت ١٦ جيجا رام
Read dead redemption 2
1080p + fsr performance 30fps
720p + fsr performance 35fps
Resident evil 4 remake
720p low settings 37fps
الخلاصة هتلعب الالعاب دي ع دقة عرض 720p و تاخد تجربه نوعا ما مقبولة مع لاج بسيط احيانا
@@Elite_hardware طب هو أحسن ولا لو جبت i3 ثامن مع كارت شاشه Rx 570
@@iamhaloplayer لا لو جيبت
i3 تامن
مع كارت Rx 570
اكيد احسن بس اكيد مش ب٥٠٠٠ج😂
@@Elite_hardware ايوة تمام انا فعلا بفكر اجيب i3 ثامن و بعد شهرين كده اطورها واجبلها الكارت فكنت عايز اسئل حضرتك هل التجميعة دي هتشغلي الالعاب الثقيلة زي اللي انا ذكرتها فوق
@@Elite_hardware وبشكر حضرتك جدا انا فعلا مبسوط أن حضرتك رديت عليا والله فيديوهات حضرتك جميلة و مفيدة بشكرك جدا و آسف على الإزعاج 🤎
تجميعه في حدود 5000ج
او كيسه زد 400و40 في حدود 5000ج
مش فاهم سؤالك 🥹
محتاج مازر بورد مع بروسيسور في حدود 4الف جنيه
طيب ما دول في حدود ٣٥٠٠ 🤔 اللي بتكلم عنهم في الڤيديو
جيل عاشر ياغالى @@Elite_hardware
مقدامكش غير i3 جيل عاشر و بورد h410 مستعملين بس هتتعب شوية ع متلاقيهم
حبيبي تسلم ياخويا بس انا عايز مازر بورد فيها 4 بنك رام دي فيها 2 بس @@Elite_hardware
٤ بنك رام صعب لأن أقل حاجه b460 هتعمل حوالي ٣ و نص مستعمله، الميزانيه صعبه شوية 🥹
سعر البروسيسور و المازوبورد بكام و ممكن يبقوا ارخص لو جبتهم باندل مع بعض
البروسيسور ١٨٠٠ج
البورد كل واحد بيسعرها بشكل بس هيا في رينچ ١٦٠٠/٨٠٠
و لو جيبت الاتنين مع بعض ممكن تجيبهم ب٣ الاف او ازيد شوية
هو تقدر تشتريهالي وانا اشتريها منك ؟😂 والله بدور وتعبان😅
ادعيلي اخلص الاستوديو الجديد ع خير و انا اجمعهالك بنفسي و اختبرهالك كمان و تيجي ع الاستلام بس ❤️
@@Elite_hardware والله شوف انا محتاجها ف اول شهر عشرة ان شاء الله
ف يعني هحفظ الفيديو وانت تجمعهالي وتختبرهالي وتشحنهالي وانا ادفعلك كل حاجة ان شاء الله
ادعيلي بس اشتري تجميعة حلوة تصبيرة وبعدين اطور وان شاء الله تخلص الاستوديو علي احسن خير💙
@@marogamer122 ربنا يقدملك اللي فيه الخير يحبيبي و يحقللك اللي انت عايزة ♥
تنفع لبرامج المونتاج والفوتوشوب
ياريت ترد بسرعة وسعر الشاشة المناسبة ليها كام
تنفع يا صاحبي كل الڤيديوهات اللي ع القناة هنا لحد انهردا معمولهم مونتاچ عليها بس وقت الريندر ممكن يوصل لنص ساعه في ڤيديو ١٠ دقايق 1080p فمتتوقعش حاجه سريعة اوي يعني
انسب شاشة للألعاب 720p او 768p مستعملة في حدود ٤٠٠ج ١٧/١٩ بوصة
اما للمونتاچ شوف شاشة dell او HP موديل Z مع دقة عرض 1080p و اتأكد أن الوانها كويسة هتلاقيها ٢٤ بوصة في حدود ١٦٠٠ج
لعبه فورت نايت محتاجه لperformance modeعلشان تعدي ال100فريم
بيتهيألي ٥٩ فريم تجربه مقبولة من غير perf mode ? معنديش فكره الصراحه عن اعدادات فورت بس شكرا للنصيحة ❤️
@@Elite_hardware انا صاحبي عنده نفس التجميعه دي وبيقولي ان هي بتشغل god of war ٦٠فريم الكلام ده حقيقي
720p أقل الاعدادات
متوسط الفريمات ٣٨ فريم و أحيانا بتوصل ل٤٣ فريم
ممكن مع كسر سرعة المعالج توصل لل٥٠ مثلا بس دا آخرها معتقدش أن في حاجه هتوصلها ٦٠ فريم 🥹
@@Elite_hardware هي الشاشه ال17بوصه وراك دي لو هجيب واحده مستعمله شبه تعمل كام
@@AYEW_ALY ٣٠٠/٥٠٠ج ع حسب الفرز
اللي معايا فيها خط رفيع كدا فرز تاني جايبها ب٣٠٠
تجميعه 3000, جنيه
شوف الڤيديو دا ua-cam.com/video/1bwH_13pK4M/v-deo.html
الدقيقه حوالي ٣:٢٠ هتلاقيني بتكلم عن كيسة HP elite desk g5 بحوالي ٣٠٠٠
دا احسن من ryzen 5 2400g
لو للألعاب فالأتنين نفس الأداء بالظبط
بس ال2400G فيه ٨ مسارات هيساعدوك في multitask اكتر