تجربتي القاسية مع الوحم روتين من كل فن شوية تدابير تنقص عليك التعب وصفة مطاعم بابسط اشياء البنة تهدر
Вставка
- Опубліковано 16 вер 2023
- الطلاق و الحمل و الوحم كلشي صعيب على المراة لكن كي يكون ربي معاك كلشي تفويته
حساء سمك
وصفة مطاعم
وصفة راقية و اقتصادية
ختي داتها خالتي وخالتي هذي غير هيا لي عندنا زعمة وختى تربات في حجرها وهبلت باش داتها لولدها قالتها ندرلك دنيا دنيتين وفالخر دارت فيها لمنكر فيوسط 10من العيلة لدرجة قفلو عليها لباب وهي تتوحم باش يطيح لبيبي وبنتها لي تتوحم مع ختي يقلولها ويشوولها وختي رجعت تجبد لخبز ليابس لي يحطوه فطاقة تاعها تشمخو بالماء وتطيبو على لحديدة مدة خمس ايام المهم صرا فيها الباطل وعلى أساس لبيبية جاية برجلها لازم سيزغيان زكرو فيها حتى بدات تخرج لبيبي طلعوها كي وصلت قريب ماتت المهم صرا ما صرا ورجعت لدار عام وهي في دارنا ورجعها بشرع وزدو كتر من قبل عجبو فيها حتى هربت عند لجيران في يوم عيد الأضحى ورحنا جبناها بسرقة المهم طلقت منو بطفلة جات فترة الاكتئاب ولبكى وحالتها حالة ومنبعد دارت لكوراج وبدات تخدم لڨاطو وتعلم لبنات تاع لجيران وكملت قرات وشاركت في مسابقة نجحت ودرك راهي بخدمتها وڨرادها وزادت تزوجت ودارت عرس مطرطق ولدت 3ولاد معاه وبنتها ربحت لباك لعام هذا وراهي في نعمة ولوستها لي كانت سباب طلاقها تزوج عليها راجلها وطلقها على 3بنات وكل واحد جاتو ضربة وحتى زادت دارت عدل وراهي لباس عليها الدنيا دور حنونة كل واحد تضلم تفرج عليه والظالم يجبهالو ربي
من اسباب الطلاق السكن مع اهل الزوج حيث تختفي الخصوصية ربي يعوضك اختي
انا توحمت على الشينة من الشجرة مباشرة و رحت لمصنع العصير توجة و شفت من السور اشجار الشينة عيطت للعساس و مدلي وحدة من الشجرة كليتها و راهي في راسي لليوم.
فكرتيني في حملي الاول بتوام كيما كنت مع العائلة محال ننسى واش جاز عليا رغم مرور 14سنة لكن اليوم الحمدلله راني مستقلة عليهم ربي ينجحلي توامي في شهادة التعليم المتوسط
صح انا كي كنت نترحم لوستي قالتلي بسيشيك ماشي صح. كنت نتقيا ونموت الف موتة مانقدرش نرفد راسي من لفراش وانا كنت عايشة مع 5 نساء عجوزتي و3 لواساتي ومرت سلفي كنت نتمنى تدخل عليا وحدة فيهم تسقسي عليا ولا تقولي إذا حبيتي تاكلي حاجة باش نقولها جيبيلي غير كأس ماء بارد مكانش تقول راني عايشة مع أهل قريش شيء الوحيد لمليح كان راجلي معايا غير يهدرولو مايسمعلهمش غير هو لي كان واقف معايا الناس ماترحمش ربي وكيلهم
اختي حتى انا والله داروهالي الي احكيتي على الكبدة انا دروهالي بشوى انتاع اللحم والله الحست المقلى باش ماجيش في اصغير انتاعي وهاكاك جاتو في صبعو من تحت واشوية في اصباعتيه الثلاثة اللخرانيين واعجوزتي زعما بنت عمي داروا فيا التير اعجوزتي وامها وبنتها وانا دوكة امطلقة وعندي اطفل واعطاوني دار سكن اجتماعي الحمد لله واخرجت اخدمت على ولدي ودوكة اكبر ولدي وعاد يخدم وانا كملت اقرايتي في الجامعة والحمد لله غير الخدمة مانيش نخدم
ياختي كامل جوزنا هذا الوحم انا كونت نكره دوارة ولات عجوزتي طيبها بي كولي أنواعها وكنت نكره اللحم طيبو يومين والي تشهيتها غير تبيخة تع الفول واللجلبانة ومسفوف وقرنطيطة البيتزا مايطيبوش في الدار بصح الحمدوالله ربي سترسلي وليدي وخرجلي كي الببون العين زرقة وروجي انا زاد قاتلي وعلاه جبتيلي طفل وكانت تقولي ولديك مايعيشش ومريض وذك ولا راجل عندو 21سنة ربي يحفظولي وذك ولات تحبو كثر من خياتو
أه وهيا راهي مريضة بسرطان و حد نهار لمننساهش مشيت نتقهوى صباح كونت بايت عندهم ودار كبيرة و قاتلي ارواحي يمى راهي مريضة مشيت كيوصلت جابدتلي كامل دار ودارهم كبيرة بايت انا نسيق صباح مشيت نتقهوى ورجلي طايبها كي شافتني طلعت خواتها في وجهي وقاتلي ارواحي نقي فريجيدان وحتى يماه راجلي ڨالها نوال نتقهوى بالخبز مدتلو خبز زغيور وطلعت و انا مشيت نحب زبدة نحاتلي من يدي وقاتلي انتي سمينة وتزيدي منسمحش دنيا واخرة قالهم راجلي جيبو خدامة موالفين تجبو انا مرتي مشي خدامة قالولو نوال حرشاتك اه والله منسمح هدا غير شويا والحمد الله ياربي لي راجلي راه خدام
ايه واش نحكي على وحم انا من تيارت تزوجت في بشار هوما عندهم في عاداتهم يوم 27 من رمضان يديرو طعام بكابويا حمراء كي قربت 27 قلت خت زوجي وامه كي ديرو زيدولي معاكم راهي في خاطري كابويا كل ما نرقد نشوف في روحي ناكل فيها قالتلي صحا غير رواحي كي رحت عطاوني طبسي صغير فيه غير شوي طعام بصح كابويا مكانش دمعة بدات تهود غير وحدها ومعندي حتي واحد في بشار مقطوعة من شجرة بكيت دم خرجت في بنتي فخضها كامل احمر حسبي الله ونعم الوكيل حتي راجلي انا نبكي ونقوله شوف مين دبرلي ليوم كامل بشار دير طعام وكابويا هو يقولي رقدي رقدي معندي مين ندبر ليك
فكرتني توحمت على اللحم وكنت صح بعيدة على دارنا ومكليتهش وجات مرت سلفي قاتلي انا وفت رمضان كمل باللحم زدت تشهيت بزاف وكليتو بصح مش في وقته حمد الله فوتنا ولاكن منسامحش 😔وخطرة خرجت مع مرت سلفي للسوبيرات نا بلا دراهم لخطر رحت طبيب وفت معاها وتشهيت مقروط متامنوس عقلكم تقول فحياتي لاكليت رفدت باطة وقتلها اي مقروط راه يتباع والله جعت مشراتليش ومقدرتش نقلها شريلي وكنت متشهية ڨىاف حسبي الله ونعم الوكيل فيهم
سبحان الله عالم عجيب، غريب.. حنا تربينا في عائلة تقيم الكنة و نديروها كي بنتنا و نديرولها حساب.. أختي جابت عروسة لوليدها هذا العام 3سنين وساكنة معاها ، فالعام الأول اختي هي اتطيبو هي تسيق و العروسة والفت و ماتدير والو .. اختي تحشم و متندهش الواحد نوض تخدم و لا نوضي تسيقي صافي حصلت ولات تدير كلش و هي فايتة 60 سنة و العروسة صغيرة ماتدير والو .. الزوج مايدير اية ملاحظة للزوجة و أنا غاضتني اختي مي منقدروش نهدرو فالوجه.. ماهو الحل؟؟
حسيتك تحكي عليا وكيلهم ربي انا ثاني عشت نفس التجربة تاعك .هل من مستغفر ومصلي على الحبيب عليه افضل الصلاة و السلام
لي ضروني في وحامي، لا في ثقلي ولا في نفاسي لي بكاوني... لي شهاوني... لي غبنوني... حسبيا الله ونعم الوكيل لا سماح لا غفران و عند الله تلتقي الخصوم
شكون الي حبت تعرف شحال في عمرها عبييير محبوبة الجماااهير❤❤❤ أدير لاااااايك😊
والله يا خياتي غير جاتني الدمعة وتفكرت بعض الصوالح ادعو لي بالولد الصالح راني في بداية الوحم يرحم والديكم
راني مع الوحم وصاري فيا العجب 😢😢 وراجلي بلا خدمة ادعولي ياخياتي ادعولي ربي يرزقو بخدمة حلالية 🙏🙏🙏🙏
فكرتيني بروحي طلقوني و أنا حامل في 6 اشهر و كنت صغيرة عندي 18 عام نوكل عليهم ربي بصح حمد الله ختي عبير ربي عوضني براجلي و ولدي دوك راه كبير عندو 10 سنين ربي عوضك عوض يعجب له أهل الأرض و السماء
راني معاك 100% لي ما جربتش الوحم ما تقدرش تعرف انا ضرني بزاف بزاف الوحم تسع أشهر وانا نتعذب مع القيا وما نأكل ما نشرب ما نجي نكمل فترة الحمل نموت ونحيا
صح لوحم صعيب لبنات خلو شوية وقت قبل ما ترفدو الحمل شوفو عقلية الناس لي راكم معاهم والله غير رجعنا في وقت يخوف 😢
حببتي عبير أنا متتبعة قديمة من مك ليك نتي هههه نموت عليكم ادعي لي يسلكني ربي على خير أنا وولدي ونرجع لداري وولدي على خير ما تنساونيش بارك الله فيكم ❤❤❤❤❤❤❤