صديق احمد يعتبر علامة فارقة لاغنية الطمبور و الشمال … نجح في خلق معجبين من جميع قبايل الشمال و عبر لوجدان كثير من السودانيين و مهد بذلك الطريق لمغنيين الطمبور اللاحقين ليكونو جمهور في السودان متعك الله بالصحة يا صديق احمد و امد في عمرك شكرا يا محمد عوض
كتب شعراء الشمال في سفر المحبوب بالباخره أو القطر اما شيخ العاشقين عبد الله محمد خير كتب حبل الصبر (مع بص التوفيق) (جننو البتوفيق رحل) تلب أمسك حبل الصبـر خلـو فتلك لا يبقـي نـي أصلو ود أب زيد كل يوم مـن بلدنـا يرحـل جـدي شن بسويلك عـاد أنـا القبلـك الحرمـان مـر بـي والضنا الهسا عليك زاد من زمان أنـا زايـد علـي كم حبيبا شغل الفؤاد في العيون كـان متـل الصبـي حل بي (توفيق) السواد مافي زول قـال كفـاره لـي أرقى يـا تلـب ودعـت قبلـو كـم قمـره منـوره وكم تحف نادرات سافرن وكم فراشه وكـم جوهـره وكم قلوب متلك بالفـراق الأنيـن والشـوق سهـره شوف عوض عبدون الحروف خل من باطنه ظاهـره يا عوض مدرسة الشعر بـي جـداره إيـاك ناظـره بي غناك حرف السين بقت فوق بنات جيلـه مبطـره سابـك اللـى بلـد الجليـد ودعـك ودقّ مـغـادره يا قلب مالك انجـرح ولسـه ليـه جرحـك مابـره أما أنا المسكيـن الطـروف غـرزت فـي أظافـره وين غناي لي شتـل الجـروف والجنايـن وأزاهـره أسألوا الدرويش عن صديق عمرو كم جمرات عاصره خلو يحكيلكم عـن حيـاه النجيفـى الهـو معاصـره الككر يا رحمن زمان ضـاع مـع العشـاق شاعـره مانفع تغريدو الحزيـن مـا نفـع صـدق مشاعـره جننو (البتوفيق) رحـل وهـام ورا القـام بالباخـره خلا دنياهـو فرندقـس مـا عـرف أولـه وآخـره أرقى يا رحمن في السمـاح مافـي بلـداً بتجاكـره الله مديها سماحه صـاح مـن كروهـا ولـى تكـره أصلو ود أب زيد معترف بي جريمتو ومـو ناكـره كلو جـور القـال سفروهـا وقطـع ليهـا تذاكـره
صديق احمد يعتبر علامة فارقة لاغنية الطمبور و الشمال … نجح في خلق معجبين من جميع قبايل الشمال
و عبر لوجدان كثير من السودانيين
و مهد بذلك الطريق لمغنيين الطمبور اللاحقين ليكونو جمهور في السودان
متعك الله بالصحة يا صديق احمد و امد في عمرك
شكرا يا محمد عوض
العملااااااااق القامه ملك الطمبور الهرم الكروان صديق أحمد
كتب شعراء الشمال في سفر المحبوب بالباخره أو القطر اما شيخ العاشقين عبد الله محمد خير كتب
حبل الصبر (مع بص التوفيق) (جننو البتوفيق رحل)
تلب أمسك حبل الصبـر خلـو فتلك لا يبقـي نـي
أصلو ود أب زيد كل يوم مـن بلدنـا يرحـل جـدي
شن بسويلك عـاد أنـا القبلـك الحرمـان مـر بـي
والضنا الهسا عليك زاد من زمان أنـا زايـد علـي
كم حبيبا شغل الفؤاد في العيون كـان متـل الصبـي
حل بي (توفيق) السواد مافي زول قـال كفـاره لـي
أرقى يـا تلـب ودعـت قبلـو كـم قمـره منـوره
وكم تحف نادرات سافرن وكم فراشه وكـم جوهـره
وكم قلوب متلك بالفـراق الأنيـن والشـوق سهـره
شوف عوض عبدون الحروف خل من باطنه ظاهـره
يا عوض مدرسة الشعر بـي جـداره إيـاك ناظـره
بي غناك حرف السين بقت فوق بنات جيلـه مبطـره
سابـك اللـى بلـد الجليـد ودعـك ودقّ مـغـادره
يا قلب مالك انجـرح ولسـه ليـه جرحـك مابـره
أما أنا المسكيـن الطـروف غـرزت فـي أظافـره
وين غناي لي شتـل الجـروف والجنايـن وأزاهـره
أسألوا الدرويش عن صديق عمرو كم جمرات عاصره
خلو يحكيلكم عـن حيـاه النجيفـى الهـو معاصـره
الككر يا رحمن زمان ضـاع مـع العشـاق شاعـره
مانفع تغريدو الحزيـن مـا نفـع صـدق مشاعـره
جننو (البتوفيق) رحـل وهـام ورا القـام بالباخـره
خلا دنياهـو فرندقـس مـا عـرف أولـه وآخـره
أرقى يا رحمن في السمـاح مافـي بلـداً بتجاكـره
الله مديها سماحه صـاح مـن كروهـا ولـى تكـره
أصلو ود أب زيد معترف بي جريمتو ومـو ناكـره
كلو جـور القـال سفروهـا وقطـع ليهـا تذاكـره