SOBIR SHODIYEV LAVHA XOVOS TUMANI
Вставка
- Опубліковано 15 вер 2024
- #Mahallabay
E’tirof - faxr va mas’uliyat yuklaydi
Davlatimiz rahbari tomonidan barcha sohadagi ishlarni avvalo mahallaga borgan holda tashkil etish, mavjud muammolarni aniqlash va hal qilish, aholining turmush sharoitini yaxshilash borasida “mahallabay” ishlash tizimi yaratib berildi.
Ayni paytda barcha joylarda bo‘lgani kabi Sirdaryo viloyatida ham soliq xizmati inspektorlari “mahallabay” ishlash tizimida samarali faoliyat yuritib kelmoqdalar.
Soliq xizmati organlariga mahalla darajasiga tushib ishlash bo‘yicha berilgan topshiriqlar ijrosini ta’minlash maqsadida Sirdaryo viloyatida 239 ta mahallaga 149 nafar soliq xodimi biriktirildi. Ularning zimmasiga norasmiy tadbirkorlik faoliyatini qonuniylashtirish, o‘zini o‘zi band qilganlarga kichik biznes toifasiga o‘tishga ko‘maklashish hamda tadbirkorlarni qo‘llab-quvvatlash orqali ularning faoliyatini kengaytirish va daromadlarini oshirish hisobiga soliq bazasini ko‘paytirish yuklatilgan.
Xususan, Xovos tumani soliq inspeksiyasi shaxsiy tarkibi xodimi davlat soliq bosh inspektori Sobir Shodiyevning bugun mehnatlari yuksak baholandi va munosib taqdirlandi. Tumanning "Xusnobod" va “Bo‘ston” mahallalariga biriktirilgan S.Shodiyev tizimdagi faoliyatiga 26 yil bo'ldi, belgilangan vazifalarni mas'uliyat ila bajarib, egnidagi formani sharaf deb bildi. Ta’kidlash lozim, mahallaga biriktirilgan soliq inspektorlarining ish samaradorligi “Mahallalarda soliq organlari faoliyati” axborot tizimi orqali 21 ta yo‘nalish bo‘yicha (KPI) mezonlari asosida baholab borilmoqda. 2024-yil Iyul oyi yakuni bilan Sobir Shodiyevning ish samaradorlik ko‘rsatkichi 100 foizga yetdi va bugungi kunda o‘z ishining chinakam peshqadami bo'ldi.
Har bir kasbning o‘ziga yarasha mashaqqati bor. Lekin o‘z kasbiga mehr qo‘ygan insongina uning mashaqqatiyu, qiyinchiligini yenga oladi. Bugungi kunda soliq xizmatida faoliyat olib borayotgan har bir mahalla soliq inspektorini ham ana shunday matonat bilan o‘z oldiga qo‘yilgan vazifalarni sidqidildan bajarayotganligiga hech shubha yo‘q.
