اشتراک رئیس جمهور در مراسم فاتحهء مارشال فهیم

۲۱ حوت ۱۳۹۲
رئیس جمهور کرزی در مراسم فاتحهء مارشال فهیم اشتراک کرد
حامد کرزی رئیس جمهوری اسلامی افغانستان بعد از ظهر امروز در مراسم فاتحه خوانی مارشال محمد قسیم فهیم که در مسجد عیدگاه شهر کابل برگزار گردیده بود، اشتراک کرد.
رئیس جمهور اسلامی افغانستان در این مراسم، بر روح مارشال محمد قسیم فهیم معاون اول ریاست جمهوری اتحاف دعا کرد.
رئیس جمهور کشور، تسلیت و غمشریکی خویش را به خانواده و دوستان مرحومی ابراز نمود و برای مارشال فهیم جنت برین و به بازماند گان اش صبر و شکیبایی از بارگاه ایزد متعال استدعا کرد.
در مراسم فاتحه، بر علاوهء رئیس جمهوری اسلامی افغانستان، معاون دوم رئیس جمهور، اعضای کابینه و شورای ملی، شخصیت های سیاسی و جهادی، وزیر مشاوران، شماری از کاندیدان ریاست جمهوری و معاونین آنان، رئیس و اعضای ستره محکمه، رئیس و اعضای شورای سراسری علمای افغانستان، روسای ادارات مستقل، مسئولین بلند رتبه دولتی، هیات رهبری ریاست امنیت ملی، شماری از والیان، جنرالان و افسران بلند رتبه قوای مسلح، فامیل، یاران و همسنگران شادروان مارشال فهیم و صدها تن از شهروندان کابل، اشتراک کردند.
----------------
Office of the Spokesperson & Directorate of Communications
Presidential Palace -- ARG
Kabul, Afghanistan
Website: www.president.gov.af