ربعي الصاعر | كلمات زيد بن مسفر الصيعري أداء المنشد : حسن بن مبروك الصيعري
Вставка
- Опубліковано 18 жов 2024
- البارحه ما غمضت للفكر عين
رما بنفسه في بحور الجزاله
.
البيت ما يكتبه مره وثنتين
البيت منه مثل لكزس وكاله
.
اذا دخل به في بلاط السلاطين
نومس به اصحاب السمو الجلاله
.
مثلت به ربعي من سنين وسنين
وربعي ذخابر شعري وراس ماله
اذا طروا لك راس قوم وحمر عين
ان ماهو بـ منا فـ حنا خواله
.
من دون قاصر فالرجال المسمين
كلن معه حقه وكسبه وفاله
.
يا ربعي الصاعر في الجهل والدين
ما تذكرون الا على كسب طاله
.
فالدين اميتوا جموع المصلين
ومن اول اللي امنوا بالرساله
.
ومع رسول الله طفتوا ملبين
صل الله وسلم عليه وعلى اله
.
وصلتوا وجلتوا في جميع الميادين
لين انتهى عصر البدع والظلاله
.
ويوم انها شر وجهاله عزيزين
ماتاخذون من الضعيّف حلاله
.
ما تضربون الا نحور الميامين
الصاملين اهل الدها والرجاله
.
صوت الحرايب لا دعا قلتوا امين
واللي تجيه الصاعر الموت جاله
.
من قبل تمكين الدول والقوانين
قانونكم بالسيف راس العداله
.
يا كم ذوقتوا عداكم لـ امرين
ومن وقعكم جفّل بطلهم ظلاله
.
وفي سلمكم ذبح المغاوير روتين
كن في يمانيكم عليها وكاله
.
ومن كثر ما تخلط دماهم في الطين
الذيب كل ليله يعشي عياله
.
ولا عاد يدرع في حلال المساكين
شبعان من حذف الجنايز قباله
.
ومداتكم يوم النشاما شحيحين
يسمن بها راس الظبي والغزاله
.
واليوم في ظل الحكومات راضين
ومع ولاة الامر في كل حاله
.
ما انته بلاقي في ربوعي ضعيفين
لا والله الا اهل الفخر والشكاله
.
حتى لو انهم طايشين ومساجين
ما انته بلاقي فيهم الا الجماله
نحضر ليا قالوا غدا العلم علمين
ونغيب لا صارت نعيم وسهاله
.
سناب المنشد حسن بن مبروك الصيعري
/ id6pvgz3
للتواصل مع المنشد : 0552936346
صحح صوتك ي منشدنا 🔥🔥.
والله الأبيات القوية صح الله لسان زيد بن مسفر وصح صوتك ياحسن
الله الله صح صوتك وصح لسان الشاعر زيد بن مسفر 🩵
مبددع يبومبرووك صح صووتك
صح صوتك وصح لسان الشاعر
صح صوتكك ي ابو مبروكك✋🫡
صح صوتك يبو مبروووك🤍🤍
لو تشل في غزل افضل