ايهما افضل 🔥 | سكودا فليشيا - ولا فيات سيينا . و السعر الافضل SKODA FELICIA & FIAT SIENA

في عز الاسعار الغريبه ال بنسمعها دلوقت في العربيات اغلب الناس بقت بتتجه لعربيات اقتصاديه تناسب الظروف ال احنا كلنا فيها دلوقت اقتصاديه من ناحيه السعر او استعار التشغيل عشان كدا هقارنلك بين عربين اصحاب شهره وانتشار واسع في السوق المصري ومعروفين بالاقتصاديه و العربيتين دول هما سكودا فليشيا و فياا سيينا .
فأول مقارنه هتبقي في الاقتصاديه فمن ناحيه استهلاك البنزين فسواء سيينا او سكودا الاتنين بييجو بمعدل متساوي و ال هو ٦ لتر لكل ١٠٠ ك و المعظل دا طبعا بيختلف علي حسب اسلوبك في السواقه او لو في اعطال او حاجه .
اما بالنسبه لمصاريف التشغيل ف الاتنين مبيصرفوش بشكل كبير سواء صيانه او قطع غيار و التقييم هيتساوي مع الاتنين ٨ من ١٠
الحجم حجم الاتنين قريب نسبيا بالنسبه للابعاد لكن الافضليه هتييجي للسيينا بسبب مساحه الشنطه الخلفيه و ال مش موجوده مع الفليشيا وبرده وبسبب الشنطه ف السيينا انسب للعائليه بشكل اكبر و التقييم طبعا في صالحها ب ٧ من ١٠ اما الفليشيا ٦
التصميم وبيظهر هنا تفوق السيينا علي سكودا في التصميم ودا لان شكلها اقرب للعصريه بشكل كبير سواء في التصميم الداخلي او الخارجي اما الاسكودا شكلها مش متناسق فتلاقي الجزئ الامامي جميل وهجومي علي العكس من الجزئ الخلفي و الشنطه فيكدا تتفوق السيينا في التقييم ب ٦ من ١٠ اما الفليشيا ٤
المتانه و نظام التعليق وفي النقطه دي مش محتاج اقولك مين الافضل لان بديهيا كدا الفليشيا بتاعه شغل ومتينه وتتحمل معاك بشكل كبير ودا بيظهر سواء في قوه الصاج او الشاسيه علي عكس فيات سيينا ال مش بتاعه هلك وشغل كتير فالتقييم هييجي في صالح الفليشيا ب ٧ من ١٠ اما السيينا ٤
الاعتماديه سواء السيينا او الفليشيا فالاتنين موديلات قديمه ولازم لازم تهتم بصيانتهم وفحصهم من وقت للتاني لكن بشكل عام في عيوب في السيينا خاصه مع الموتور في السخونه وحلها زي مذكرتلك الفيديو ال خاص بيها بأنك تشغل المروحه مباشر بشكل مستمر عشان تتفادي مشكله السخونه وانك تشيك علي دوره التبريد ووارد يبقي في حلول افضل اما الفليشيا برده هتحتاج صيانه من وقت للتاني سواء كهربا او ميكانيكا لكن في كل الاحوال ولان المكنه الخاصه بيها كاربيراتير فبتكون اعتماديه اكتر من موتور السيينا ودا ال بيخليها مناسبه اكتر مع المسافات و المشاوير لكن دا برده هتلاقي معاها مشكله في السخونه ودا لان دوره التبريد بتاعتها مغلقه غير وزن العربيه التقيل وال مش متناسب مع عزم الموتور فالعربيه بتسخن ونفس الحل ال ذكرتهولك للسيينا هتعمله مع الفليشيا بالنسبه للمروحه لكن الحل دا وارد ميكنش كافي للدرجه ال تخليك تعتمد علي تبريد المروحه بشكل كامل
فالتقييم هيبقي متقارب ب ٦ من ١٠ للفليشيا و ال سيينا ٥
التسارع و السرعه القصوي
التسارع متقارب مع الاتنين بمعدل ١٢ او ١٣ ث من صفر ل ١٠٠ اما في السرعه القصوي بتتفوث السيينا بسرعه قصوي بتوصل من ١٦٥ ل ١٨٠ ك في الساعه اما الفليشيا لحد ١٦٠ ك
قبالتالي التقييم هيبقي في صالح السيينا ب ٦ من ١٠ اما الفليشيا ٥
تجربه القياده الاتنين سواقتهم مع السرعات مقبوله حدا واقرب للراحه لكن بتتميز السيينا في السرعه القصوي ليها بأنها اعلي من الفليشيا لكن التدثيات بييجي في مصلحه الفليشيا اكتر وهتلاقي منها اتزان قوي ودا بسبب وزنها التقيل لكن في المقابل هتلاقيها مع الطرق بتاعتنا هتحس بشكل كبير بالنقر و المطبات ودا لان مفيش مرونه اوي في العفشه زي السيينا وبالنسبه للتوجيه برده الفليشيا الدركسيون بتاعها بيكون اتقل في الحركه من السيينا فمن رأيي وبسبب سهوله القياده مع السيينا تجربه القياده ليها امتع و التقييم في صالحها ب ٦ من ١٠ اما الفليشيا ٥
التجهيزات ووسائل الامان
الاتنين بييجو بتجهيزات متواصعه الي حد ما ممكن السيينا تتميز شويه بسوند سيستم اعلي و وضعيه كراسي افضل ونظام اضاءه اعلي في المشافات الماميه عن الفليشيا لكن غير كدا الاتنين زي مذكرتلك متواضعين لدرجه ان التكييف في الاتنين مبيشتغلش ولو اشتغل هيأثر علي اداء الموتور وبالنسبه بقي اوسائل الامان فبحكم اتزان ومتانه صاج الفليشيا ونفس النظام الشاسيه فالافضليه طبعا هتبقي ليها عن السيينا ال مع الوقت بيظهر فيها الجوده الضعيفه للخامات و الصاج
فبكدا التقييم هيبقي من رأيي في صالح الفليشيا بسبب الاتزان ال يعتبر اهم من التجهيزات ب ٦ من ١٠ اما السيينا ٤
قطع الغيار قطع غيار الاتنين متوفره واسعارهم متفاوته لكن بشكل عام اسكودا فليشيا متوفره بشكل اكبر
والتقييم هيبقي في صالحها ب ٧ من ١٠ اما السيينا ٦
الصيانه
زي م اتميزت الفليشيا في قطع الغيار بتتميز برده في الصيانه ودا لان صيانه السيينا اصعب بسبب حوض العربيه الضيق غير ان كهربتها هتحتاج لصنايعي مختص وفاهم لكن بشكل عام الاتنين صيانتهم مش مكلفه و التقييم هيبقي للفليشيا ب ٧ من ١٠ اما السيينا ٥
السعر مع تذبذب الاسعار وعدم ثباتها فالاتنين صعب احددلك سعر فيهم لكن السعر متقارب ويكاد يكون متساوي وفي اغلب الاحزل ممكن تكون السيينا ارخص ولان سعرهم رخيص ومقبول فبالتساوي التقييم ٨ من ١٠
اعاده البيع نظرا لشعبيه الفليشيا وانتشارها فأعاده بيعها افضل بكتير من السيينا لكن الوضع دا مش مستمر وعلي حسب حاله العربيه والسعر المعروض فيها اعاده بيعها هتبقي اسرع والتقييم بشكل عام هييجي في صالح الفليشيا ب ٧ من ١٠ اما السيينا ٦
طيب بعد المقارنه دي ملخص الكلام علي اي . حابب اقولك انا عن نفسي برغم اني انتقدت السيينا ومرشحتهاش لان مشاكلها وارد تبقي صعبه في التعامل معاها خاصه الاعطال لكن انا عن نفسي هرشحها وافضلها عن الفليشيا والسبب في كذا حاجه زي سعرها وسواقتها وتصميمها وبالنسبه لمشكله السخونه انا عن نفسي ممكن اتعامل معاها بأني اشوف صنايعي مختص للسيينا و الفيات عامه واتعامل معاه واعدل في دوره التبريد او المروحه وفي الحاله دي اضمنلك العربيه بحاله وكويسه واداء احسن
دا كان فيديو ايهما افضل متنساس اللايك و السبسكرايب
سلام ي وحش

[@user-bc6rx2yb4q]

سكودا منها فورمان و فليشيا كومبي والاتنين صالون واسع وشنطه كبيره وهما هما نفس الفيليشا في كل شيء ما عدا إن شنطتهم وصالونهم أوسع سيارات عائليه جدا

[@muhamedawad8193]

#سينما_السيارات ❤️

[@fadyking6103]

بتمني تنزل عن هونداي اكسيل
ال1300 و ال1500

[@muhamedawad8193]

بأذن الله
#سينما_السيارات ❤️

[@abidithabet]

ماذ عن كيا ريو مودال 2010 وقتاه تهدر لينا عليها

[@muhamedawad8193]

بأذن الله قريب
#سينما_السيارات ❤️

[@Habasatha]

عاوز حاجه فى حدود 100

[@muhamedawad8193]

ممكن دايو ماتيز . او فيات 131 وغيرهم من العربيات مرشحها في فيديوهات مفصله
#سينما_السيارات ❤️