法性講場 第56集 如何處理破舊的經本

上集提到一個都頗常遇到的問題，假若後輩唔會再供奉自己已經「請」咗返屋企嘅經本或佛像，應該如何去處理呢？但在此之前，我哋有一個更常見嘅問題，就係因經常翻閱經本而導致破舊的經本。
　　
就咁講好似好誇張，但法師曾經遇過一啲老居士，用咗幾十年嘅經書，書邊的位置都被翻到變黃，但丟掉又怕會有損福德或唔恭敬…..呢啲舊經書應該如何去處理呢？「呢本經書都已經如此殘舊，你會唔會送俾其他人去用？或者你長期放置，導致被蟲蛀、受潮、發霉，咁樣又係咪稱得上恭敬？」法師經常強調：「不可故意損壞佛經。」因經本係將佛法智慧流傳嘅法寶，是需要珍而重之！假若整個社區只有你嘅一本經本，而已經殘缺不堪，你應該將其先抄寫一遍，等佢可以一直流傳。
　　
而舊經書有兩種處理方法：
1. 以恭敬之心，將經書放到乾淨嘅盤子內當天化掉
2. 搵一個乾淨嘅地方，或者喺樹下掘個洞將經書埋下
　
但現今香港，當然不能夠隨意到山上掘坑埋書，但如果屋企有後花園就冇問題。所以最慣常做法都係將經書化掉。有居士會覺得焚燒經書係損壞緊法寶，但其實我哋最應該要考慮嘅係經書最好嘅處理方法，如果經書唔會再流通，而我哋又唔係惡心損毀法寶，所以根本無需要擔心。更應該要考慮嘅係，呢本經書如果係孤本，我哋應該要點樣將佢流傳落去。
=============
想睇返上集內容，可到：
【法性講場】第55集 「請」佛經
dn-ph.org/scvrnhq
【法性講場】第54集 新居入伙做啲咩？
dn-ph.org/VmWb7P3
【法性講場】第53集 參訪寺院的衣著要求
dn-ph.org/GLTMQTn