The legend of Karmapa by Sherten and Tsewang Lhamo, New Tibetan song 2017

རྒྱལ་མཆོག་ཀརྨ་པ་ཆེན་པོའི་འཁྲུངས་རབས་དད་པའི་གསོས་སྨན།
ཚིག། བཀྲ་ཤིས་སྙན་གྲགས།
དབྱངས། ཤེར་བསྟན།
ལེན་མཁན། ཤེར་བསྟན།ཚེ་དབང་ལྷ་མོ།
མགོན་ས་ར་ཧ་ཡི་སྤྲུལ་པའི་གར།།
རྗེ་དུས་གསུམ་མཁྱེན་པ་ཀརྨ་པའི།།
སྐུ་སྐྱེ་ཕྲེང་འཛིན་པ་བཅུ་བདུན་པ།།
རྗེ་ཨོ་རྒྱན་ཕྲིན་ལས་རྡོ་རྗེ་མཆོག།
སྐུ་མཚན་དཔེ་བཞད་ཚུལ་ཇི་ལྟར་ལགས།།
རུས་ལྷ་ནས་ཆད་པའི་རིགས་རྒྱུད་དང་།།
དཔུང་ཐོག་ལྟར་རྒོད་པའི་ས་ཡི་ཆ།།
ཡུལ་དགེ་བཅུ་ཚང་བའི་ལྷ་ཐོག་ཏུ། །
སྐུ་གོང་མས་མ་འོངས་མངོན་གཟིགས་ལྟར།།
ལྟས་རྟགས་མཚན་བཟང་པོས་མཚན་དཔེ་བཞད།།
ཡུལ་གངས་ཅན་སྤྲུལ་སྐུས་སྲོལ་འབྱེད་པ།།
ལྷ་སྤྱན་རས་གཟིགས་དབང་ཀརྨ་པའི།།
སྐུ་སྐྱེ་ཕྲེང་འཛིན་པ་བཅུ་བདུན་པ།།
མགོན་ཨོ་རྒྱན་ཕྲིན་ལས་རྡོ་རྗེ་ཡིས།།
ཕྱོགས་རིས་མེད་སློབ་གཉེར་ཇི་ལྟར་གནང་།།
སྐད་བཞི་ཡི་ལོ་ཙཱ་ཐོགས་མེད་བསླབས།།
སྒྲ་སྙན་ངག་བཟོ་གསོ་མ་ལུས་དང་།།
གཞུང་བཀའ་པོད་ལྔ་སོགས་མདོ་སྔགས་བཅས།།
ལོ་ཉི་ཤུ་ལྷག་ཏུ་སྦྱངས་པ་གནང་།།
གླིང་ཤར་ནུབ་མཁས་པས་གདེངས་འཇོག་ཐོབ།།
མཚན་སྙན་གྲགས་འཛམ་གླིང་ཁྱབ་པ་དང་།།
བོད་གཞིས་བྱེས་རེ་སྨོན་ཆོས་ལུགས་དང་།།
༧གོང་སྐྱབས་མགོན་ཐུགས་བརྩེ་ཟབ་པ་སོགས།།
རྗེ་མཚུངས་མེད་རྒྱལ་མཆོག་ཀརྨ་པའི།།
སྐུ་གཞོན་རུང་མཛད་ཕྲིན་ཇི་ལྟར་ལགས།།
ཐོབ་གོ་ས་བསྐྱུར་ནས་གཞན་ཡུལ་ཕེབས།།
ཐུགས་ཡངས་པས་ཀུན་དང་མཐུན་འབྲེལ་བཙུཊ།།
སྤྱིར་ས་དགེ་རྙིང་སོགས་དབང་ལུང་ཞུས།།
སྒོས་བཀའ་བརྒྱུད་དགུན་ཆོས་སྨོན་ལམ་སོགས།།
སྔར་མེད་པའི་བཤད་སྒྲུབ་འཆད་ཉན་སྤེལ།།
ལོ་དགུ་བརྒྱའི་ལོ་རྒྱུས་བང་མཛོད་ལ།།
འོད་འཕྲོ་བའི་ཞབས་རྗེས་ཁོ་ན་ལས།།
བྱས་ཉེས་པའི་ནག་ཐིག་མི་སྲིད་པས།།
འདི་བསམ་ཚེ་འཁྲུལ་མེད་སངས་རྒྱས་དངོས།།
དུས་དེང་ནས་སངས་རྒྱས་མ་ཐོབ་པར།།
རྗེ་དུས་གསུམ་སངས་རྒྱས་ཀརྨ་པས།།
ཚེ་འདི་ཕྱི་ཀུན་ཏུ་རྗེས་བཟུང་སྟེ།།
དཔལ་མཉམ་མེད་བཀའ་བརྒྱུད་རིང་ལུགས་ལ།།
ཆོས་བཤད་སྒྲུབ་ལག་རྗེས་འཇོག་ནུས་ཤོག།

[@lhamochoden5021]

🙏🏻🍀🌸🍀🌸🙏🏻

[@murielmottet]

🙏. Thank you

[@NieveAndrea]

Can anyone post the translation of the lyrics to English? I love the music and voices, I just don't speak Tibetan 🙏🏻😅