شكرا لحضرتك على الفيديو
أنا كنت بأدور على سيارة واسعة و خامات داخلية و اوبشن كويسة
من نوع SUV
متحير بين جيتور و ال MG RX5
مين فيهم أفضل...خصوصا من ناحية مصاريف التشغيل زي اسعار الصيانة و قطع الغيار
و كمان مين فيهم قطع غيارهم متوفرة اكتر
بص حضرتك هما العربيتين قريبين من بعض فى حاجات كتير ال MG RX5 احسن فى الثبات والشكل الجديد مش منتشر اوى لسة … والجيتور احسن فى العزل والخامات الداخلية والانتشار بس قطع الغيار فى صالح الجيتور وكمان هى اكبر حجماً و ٧ كراسى
انا ارشح الجيتور عن تجربة
ايه رأيك حضرتك بالنسبه لتيوتا فورتشنر
عربية جميلة طبعاً واعتمادية جداً بس عيبها الارتفاع العالى جدا عن الأرض والتصميم الايرودينامكى وده بيأثر على الثبات وبالتالي استهلاك عالى للبنزين خصوصا ال ٤٠٠٠ سى سى … بس عربية صحراء ومرتفعات هايلة
لو سمحت حضرتك إيه رأيك في بيجو 3008 -2024 وهل التيجوان أفضل منها؟ وهل في بدائل أفضل منها ؟بس مش صينيه
العربيتين حلوين طبعاً بس انا افضل التيجوان جودة اعلى وتقفيل وثبات بس الاتنين قطع غيارهم غالية جدا خصوصا التيجوان والبيجو منتشرة اكتر هنا وقطع الغيار متوفرة… انا لو هاشترى ومش فارقة معايا الفلوس هاشترى التيجوان
والبديل فى اليابانى الهوندا CRV و ال ZRV
وفى الكورى السانج يونج توريس
ممكن رأيك في الجيلي كولراي ؟ وأفضل سيارات صالون للمبادرة؟
الجيلى مش برشحها اوى … الچيتور أو MG أحسن
وانتظر فيديو عن ترشيحات العربيات الصالون
راي حضرتك انهي افضل الهوندا ZRV ولا بيجو 3008 كتوتال باكج اعتماديه واداء وتوفر قطع الغيار واسعار التشغيل؟؟
اعتمادية : هوندا اكتر
آداء : متقارب
قطع الغيار: بيجو
اسعار التشغيل: الاتنين غاليين
بس لو انا هاجيب الهوندا عشان أمان اكتر فى نقطة الاعتمادية وكمان موتور أقوى وقطع غيارها معمرة
بالتوفيق ان شاء الله
حضرتك محترم جدا و ما شاء الله عليك فاهم جدا و كل كلمة قولتها فعلا في محلها قرأت دماغي جدا
لكن انا محتار اوي زي ما قولت حضرتك بين المتسوبيش إكلبس
و البيجو ٣٠٠٨
و السانج يونج تيورس
تنصحني بآيه و خصوصا من ناحية الاعتمادية و قطع الغيار في مصر انا مقدم في المباردة و محتار
اشكر حضرتك جداً على الكلام
لو حضرتك عاوز عربية اعتمادية بدون مشاكل وقطع غيارها الا حد ما بدأت تتوفر فى الاكليبس بس هى خامات متوسطة وتقفيل برضه متوسط
اما البيجو لو مش فارق مع حضرتك السعر سواء فى قطع الغيار أو السيارة نفسها هى طبعاً تكسب … خامات وتقفيل وتصميم واعتمادية وقطع الغيار متوفرة عشان هى منتشرة جدًا فى مصر واعادة بيع كمان ممتازة والجير مفيش فيه اى مشاكل … رأيى الشخصى خليك فى البيچو طبعاً
التوريس حلوة طبعاً كسيارة كورى بس طبعاً الانتشار لسة بدرى وكمان قطع الغيار لسة بالتبعية بس هى عربية محترمة جدا
لو انا بختار هاختار البيچو … وبالتوفيق ان شاء الله
👍🏻👍🏻
لو سمحت الهوندا zrv عجباني جدا بس خايف من توافر قطع الغيار والصيانه بمصر.. ايه راي حضرتك
بص هو فى مشكلة حالياً فى اغلب التوكيلات فى قطع الغيار بس شركة Honda Club بتوفرلك قطع غيار الهوندا … العربية بدأت تنتشر فى مصر وماتقلقش قطع الغيار معمرة … بالتوفيق ان شاء الله
من فضلك بين اكليبس و كورولا ٢٠٢٤ ترشح لي ايه من حيث الصيانه و توافر قطع الغيار في مصر ؟؟؟
أولاً دى فئة ودى فئة … بس الاكليبس طبعاً احسن خامات احسن وعالية عن الأرض ومفيهاش اى مشاكل زى الكورولا بالظبط … قطع الغيار متوفرة عشان العربية منتشرة جدا حالياً فى مصر
السلام عليكم ورحمة الله..
أشكرك على الشرح الجميل والفيديوهات الأخرى لكل سيارة على حدة.
اسمحلي أسألك عن التالي، أنا عايش في سلطنة عمان:
1. ما السيارات المناسبة من GEELY SUV تنزل مبادرة.. ؟
2. هل فيه مشاكل أن الوكيل في مصر للسيارات الواردة من خارج مصر (بيرفض الخدمة الدورية و/أو التصليح)...؟
3. أي سيارة أعلى من حيث مساحة الشنطة في الخمس سيارات في الفيديو..؟
وعليكم السلام ورحمة الله وبركاته
شكراً لحضرتك جداً على الكلام الجميل
أولاً : الجيلى الكولراى انسب سيارة فى الجيلى بس مانصحش بيها لقلة الانتشار جداً وعربية أدائها وخاماتها مش قد كدة
ثانياً : اغلب الوكلاء بيرفض صيانة السيارات دى حاجة ماتقلقش منها خالص عشان فى مراكز خدمة كتير احسن وارخص من التوكيل لزيادة الاستيراد حالياً شخصى ومبادرة وبالتالى انتشار مراكز الخدمة المميزة والمتخصصة
ثالثاً : التوريس هى اكبر مساحة يليها MG RX5
بالتوفيق ان شاء الله
إيه رأيك في سيتروين c5
عربية ممتازة جدا ومفيهاش مشاكل هى نفسها البيجو ال ٣٠٠٨ والاوبل جراند لاند نفس الموتور والفتيس والمنظومة مفيش فيها مشاكل نهائيا
اه رايك في تيجو 7 موديل ٢٠٢٤ انت لم تذكرها هل هي غير جيدة
التيجو 7 أقل من اى عربية فى الڤيديو … هى عربية مش وحشة بس فى احسن منها فى نفس الفئة
ايه رأي حضرتك في سوزوكي جراند فيتارا 2024 ؟
هى حلوة بس خاماتها مش قد كدة واعتمادية ومفيهاش مشاكل وموتورها تقليدى كمان بس للأسف مش منتشرة خالص وممكن يبقى فى معاناة فى قطع الغيار
مين افضل، MG RX-5 ولا Eclipse cross 2024 2nd line
MG RX5 أفضل كقوة موتور وفتيس اسرع وخامات واوبشنز اعلى من الاكليبس كروس … انا لو بشترى هاجيب ال MG …. الاكليبس بتديك اعتمادية بس امكانيات اقل
شوف ال MG RX5 على القناة عندى
MG RX5 Plus 2024 | هل تستحق الشراء | مبادرة المغتربين
ua-cam.com/video/1sqnq8m8dwo/v-deo.html
ايه راي حضرتك في السوزوكي جراند فيتارا خليجي
الجراند فيتارا اعتمادية جداً بدون مشاكل … بس عيبها خامات متوسطة - موتور تقليدى جداً عزم قليل - قلة الانتشار فى مصر وبالتالى قلة قطع الغيار
المشكلة الحالية بس ان السوق واقف تماماً بسبب الاسعار وان اللى هابفكر يشترى جديد فوق المليون بكتير اختياراته هاتبقى موجهة لفئة تانية
عامةً بص على الميتسوبيشي اكليبس وقارن وجربهم لو فى امكانية… بالتوفيق ان شاء الله
من فضلك انا هجيب سوبارو xv 2023
1600cc من المانيا
راى حضرتك كويسة ولا ايه ؟!
طبعاً عربية ممتازة جداً كآداء ورشحتها لناس كتير وبيدعولى …. بالتوفيق ان شاء الله
لو ترشدني كيف اشتريها من المانيا اكون ممتن كتير لحضرتك
لأني موجود بالسعوديه وغير موجود تماماً ال١٦٠٠ سي سي
السلام عليكم
ايه رأي حضرتك في سوبارو xv
او هوندا Zrv
وعليكم السلام …. بصراحة الاتنين حلوين واعتمادين جداً ويابانى ومفيش مشاكل فيهم … بس لو فى مصر السوبارو منتشرة جداً وناس كتير شغالين فيها وقطع غيارها موجودة ف أنا ارشح السوبارو …. ولو برة مصر يبقى الهوندا
لو سمحت سؤال وياريت الرد انا مقبل على شراء التوريس بس كل المراجعات بتقول وحش بنزين هل هى كدا فعلا
بالعكس استهلاك البنزين فيها يتراوح فى حدود ٨ لتر لكل ١٠٠ كم … وده استهلاك هايل جداً لعربية بالتصميم ده … بحد اقصى ٨.٧ لتر داخل المدينة
@@CarsByHaitham ربنا يحفظك طيب الفئه التالته منها دفع خلفى والرابعه هى الوحيده اللى دفع رباعى والفرق مش كبير فى رايك مين الافضل كاستخدام الخلفى ولاالرباعى
شرح رائع كالعادة 👍🏻👍🏻