【舊香港】春園街間接引發鴉片戰爭！百五年前春園街又係點嘅？同你一齊重遊春園街!！乜乜棠水舖
Вставка
- Опубліковано 17 кві 2022
- 我哋開左會員啦，你哋嘅加入係對我哋最大嘅支持
/ 乜乜棠水舖thestephenaushow
忠實觀眾都知我係灣仔大！
細個時成日偷雞去春園街摵公仔紙
嗰時阿媽唔俾我咃去春園街
因為六七十年代春園街品流複雜
當中有好多畫面都停留係我地回憶之中
但唔講唔知原來春園街以前有個大宅
大宅同鴉片戰爭有莫大關係
今集同你遊走春園街講歷史！
#記得睇到最後同埋睇埋啲廣告呀
#分享你嘅意見啦
【Facebook】 / stephenaukamtong
【Instagram】 stephen_au_step...
合作請洽：thestephenaushow@gmail.com
做了六十幾年香港人人,第一次聽到咁精彩嘅灣仔掌故,年輕時都在灣仔住過幾年,形形役役,未曾深究,多謝棠哥長知識!🙏🙏
我細個住太原街18號，屋企冇廁所，要穿過巷仔去春園街公廁，公廁旁有占卜，小販攤檔賣魚蛋及揦渣麵，有時亦會有馬騮戲表演，
多謝保留香港開埠歷史典故，呢d資料對香港人真係好重要。
60's 太源街 及 春園街 兩條街，全部係小販街市，記得地很濕滑，母親買餸一定帶我去，每次在大排檔飲食完西式早餐才開始逛街，因為地濕骯髒，她都給我穿上彩色馬來 [娘惹木屐]。😊👡
我和棠哥都是灣仔老街坊，你住X熾記果邊，我住公廁對住嘅林記水族樓上，羅青浩就正正住我隔離屋，佢屋企有個菜檔響交加街。 講開Spring Garden，以前大王廟已經係海岸線，咁建築春園算唔算係第一階段填海呢？ 如果春園嘅供水來自石水渠街，咁舊地圖裡面Stone Nullah Lane 原本叫清溪里就更加有意思。 春園街真係好多回憶，雖然夜晚經常有人打交，但從來感覺唔到危險，相信公廁正門果幾檔潛籌你都幫襯唔少🤣🤣🤣
棠哥講得好，喜歡聽香港歷史
灣仔廈門街及汕頭街，係來回廈門及汕頭的碼頭渡口，在此上落客貨的！
我細個住過永豐西街，利東街，都60年前有多，外公有講以前春園街大冧把嘅故事。
棠哥非常尊业！我雖然1950至1960年在灣仔小童長大也不及你知道詳細！佩服！🌹👍💖💯❤️😂🙏
阿棠，我细個同刚出来工作時，係牛頭角、佐敦道那邊經常吃鳯凰奶糊，很好吃！现時佐敦道裕華對面横街仍有得吃。
多謝分享！本人50至70年代就住在春園街55号！ 當年成條街都是舊式四層瓦片唐樓頂！當年同學們真的不感走入春園街, 但本人住在街內不感覺怎樣！童年非常喜歡街頭D大排檔食粥炒麵又有魚蛋粉, 晚上又有潮州打冷, 公廁旁晚上有買猪什粥, 我哋都叫佢做“屎坑粥”...！ 😂
我今日又來阻住阿棠哥，多咀講吓嘢！香港大舞台就唔講唔得嘞！有公餘場，下午五点半(平價西片)前座五毛。星期日早場(舊唐片)前座二毫，中座四亳。咪以為咁平門票你買得到！因春園街有班友唔知點解有好多票用來炒牛黃票，如果太年青實未見過！戲院隔離有間士多d小食好正，有咖哩尤魚，齋鴨腎，雞腳，鹵水蛋，炸番薯，馬豆糕，東風螺肉，果汁。戲院大門口小販仲多雜食賣，有蔗，沙田柚(散賣)燒土尤，炒栗子，鹽焗蛋，鹵味同其他熱食，對面冠海樓地鋪是藥材鋪(半間)另半間是賣乾果類 ，買三，五毫子龍眼乾或茘枝乾或瓜子去睇電影真開心！真係妹仔大過主人婆！睇緊電影開餐好爽呀！唔夠呀？春園街蘭香買埋生煎牛肉包，豬肉包仲正！(一毫子一個)。
謝謝分享，好想聽多一些五六年代的老店故事，例如「金鳳鳴」，「和玉燒臘」，「東方戲院」etc
大馬路（皇后大道東）仲有棉胎舖，我經過都會企度睇一輪個叔叔彈棉花，覺得好神奇！
多謝分享灣仔的歷史，我只覺得個邊的路好複雜，我在18年最後一次到港旅遊的時候搵了一天清晨從灣仔軒尼詩道出發行過一遍大佛口到石水渠街
小時候家境清貧,鳳凰奶糊聽過未食過,以為已經失傳,有時間一定要去試吓!😋
請嘗試找一找有關麥加力歌街、船街、捷船街、分域街等關於當時香港造船、修船的故事。
我都好喜歡灣仔。仍有很多歷史建築.充滿故事❤️
我係太原街出世。大概1965係春園街返幼稚園。有天放學，無人來接我，我自己一個行返屋企。聽完介紹春園街，真係滴汗😰
我係春園街大㗎，以前住28号因為火燭燒先至搬離春園街我嘅出生地。細個跟媽咪去朝朝去太原街金鳳食早餐，一定坐樓上約埋幾位阿太，之後就跟媽咪去買餸，真係好懷念以前係春園嘅日子呀