هذا عباس| سيد جعفر البحراني

( هذا عباس )
للشاعر خليل آل إسماعيل
عـالمــنـــايــر شِفِت صـــوره
چفوف كافـــل على الحـوره
رافع الراس
هذا عبـاس
1️⃣
كل مناره تلامِس في قِمّتها النجِم
في عينك ترتسِم
هذي صورة مجازيه إلى اچفوفِ الشَهِم
إذا عندك علِم
الگبه زينب أسميها
وابو فاضل يداريها
عنده نوماس
هذا عباس
2️⃣
من أعيان عليهم يمر بالي فرِد .. گُمَر عطره الورِد
كل مناره تمثّل لـ ابو فاضِل زَنِد .. بعُظُمها تِنفِرِد
كل زنِد حامل اخباره
اليمنه گُربه .. الخير بيساره
غيره واحساس
هذا عباس
3️⃣
المسافه الي بين الگبر ويه الگبر .. درُب خوّه وطهُر
وچفّه وحده لخيّه وصل مثل الجسُر .. يزوره كل فجُر
حَرَمين وبينهُم جنّه
والدرُب هسّه يجمعنه
بزحمة الناس
هذا عباس
4️⃣
هاي گُبّه كأنها مضيف الوصّله .. شبع بالمرجله
والمناره كأنها سلام اويَ الـ هلا .. لزاير كربله
كل حرم ادخل بصحنه
مرتّين آني بالجنّه
ألگى نبراس
هذا عباس
5️⃣
الرايه سوده وتمثّل عفاف أم الخدُر .. ستُر واعظم ستُر
هذي صورة عباية تزلزل كل شمُر .. طغى بهذا العصُر
الرايه عالگبه متوگفه
رمِز للصون وللعفه
لـ اخته حساس
هذا عباس
6️⃣
اللون الاخضر دلاله لكل زاير حضر
.. الوصل قاصد گمر
هذا لون التعنّى الى حسين بسفر .. سهاله للبشر
منظر الگبه مضويه
بيها كل راحه نفسيه
شي مينقاس
هذا عباس
7️⃣
من أوصّل بو فاضل أعاين منظره .. مهابه ومفخره
چنّي أسمع لصوته انا (ابنُ حيدره) .. وسبع الگنطره
الكرَم طبعه وياكم
أسمعه اينادي حياكم
صاحب الباس
هذا عباس
خليل آل اسماعيل