Mōteatea - E Muri Ahiahi

E Muri Ahiahi
E muri ahiahi e, takoto ki te moenga
Nuku mai e wairua ka moe taua
Taaria a waiho e, ki te whare huri ai
He mea ka mamao ki te nuku o te whenua
Hua ai au e
E hokia mai ano
E mahara iho ana he waka kei Te Pine
Tau ra i Paa Pua ko roto koe i aku ringa
He moe ra naku e, e haapaia mai au
Iti to iti e ka haere o rongo
Te rei o Taoho e he tai ki a Hongi
Kia eke atu au e ki te kei o to waka
Naau ra e Re
Hei kawe i a Ngapuhi
Hei koha korero ki a Niua ki a Arai te uru
Nga uranga waka, o waho o Hokianga
He nui te aroha e ki te iwi e - Takoto
Kaiwaiata: Wikitoria Makiha
Kaikorero: Rereata Makiha
Momo: Apakura
Iwi: Ngapuhi