解熱神器〡實試掛頸隨身冷氣〡1分鐘凍10度〡3塊制冷板 + 多出風口〡COOLiFY Cyber 續航力更強〡最長用13個鐘〡幾熱都唔唔怕
Вставка
- Опубліковано 1 лип 2024
- 香港嘅夏天又濕又熱,真係好難頂,所以近年都越黎越多幫手散熱嘅裝置推出,今日我地試嘅COOLiFY Cyber,就係其中一款。其實 COOLiFY 之前都有出過,今次再推出新一代,繼續都係用可以解放雙手嘅 掛頸式設計 ,利用機上嘅大型制冷板同多個上下出風嘅出風口,令大家可以喺呢個閒閒地都30幾度嘅炎炎夏日,都可以保持涼爽舒服。而新一代嘅 COOLiFY Cyber 加強咗制冷能力之外,更加改善咗之前續航力比較短嘅問題。咁究竟呢部新機 係咪真係可以成為解熱神器呢,睇吓我哋嘅實測片就知喇。
#gadgetgang #gg #Coolify #COOLiFYCyber #熱 #夏天 #手提風扇 #掛頸冷氣
呢部嘢我早幾日買左,始終半導體制冷,天氣越熱,制冷就越少,用電量亦會高,出風力度唔可以同手提風扇比較,因為半導體制冷需時,如果部機出風大佢會制唔切冷,35°c天氣鐵場做嘢用過,你可以當極限測試,我用手提風扇吹出黎係熱風,呢部機出風唔係凍,不過唔係熱風,有時做嘢郁一郁條頸掂到塊冷片確實涼涼地,高溫地方做嘢有一刻涼涼地係幾爽,平時乜都唔用曬住做高溫真係會上頭,戴左呢部機未至於講到好爽好涼,做嘢都會出汗似倒水,但確實少左中暑高溫感,半部冷氣機價錢,半導體效果。 好過手提風扇,但貴手提風扇九條街,買就唔好覺得有冰感會凍到頸都縮埋,唔係買左會有落差感覺失望
大汗整濕左部機其實驚唔驚
TORRAS 個APP 藍牙根本用唔到 大家唔好比佢呃左
之前買左二代 這種冷頸風扇 一點用都沒有 又重 又唔舒服 成千幾蚊一部。其本都係智商稅 出幾多代都一樣
依家真係好多人,用唔同的外帶降溫裝置
酷熱天氣下唔好旨意有用,最多返入室內冷氣房可以幫你加速cool down
頸側二塊凍片唔夠凍,後頸好啲,但在室外溫度3O度情況下,基本上頸側兩塊凍片係冇用,後頸都只係微涼。
一部四分三匹冷氣都係750蚊
係廚房做野,呢排咁熱,個廚房日日都成4X_50度,有無好介紹丫?
如果怕熱和怕汗流浹背,而又不怕風扇衫和褲的外形特別,在不下雨天、不潮濕的環境、粉塵不多的環境中,使用風扇衫和風扇褲,體感絕對比這個好太多太多了。
謝謝分享,內容精彩
俾Cheryl 講完,覺得幾唔錯
包括埋唔同牌子同類產品都係會有呢個問題要注意
測驗埋 RANVOO Aice Lite ?
想問開100% 70% 50%既風 分別會唔會好嘈?
佢上一代嘅3我已經用緊用到現在用足兩年佢天氣冷仲可以製熱嘅其實等於一條發熱嘅頸巾衣服都唔使著咁厚
大連排道工業街有CircleK, 附近仲有KCC商場, 咁熱, 入去行吓買凍飲, 好過掛住部野 係條街乾煎😂
掛左風扇喺頸,咁我副headphone 掛邊度 ~
幾吸引,價錢減半就肯定多人買喇
半導體有一個問題一定要注意就係散熱有啲人帶嘅方法錯誤,用過的衣領遮住咗個散熱口,佢散熱唔好自然製冷嘅效率會降低呢個一定要注意,所以要睇清楚個散熱口喺邊度唔好搵嘢遮住😊